Page 1 of 2 12 LastLast
Results 1 to 12 of 14

Thread: ایک خاص عمل

  1. #1
    hazratg is offline Senior Member+
    Last Online
    20th April 2007 @ 06:54 AM
    Join Date
    21 Feb 2007
    Age
    58
    Posts
    45
    Threads
    13
    Credits
    1,000
    Thanked
    0

    Default ایک خاص عمل

    ایک خاص عمل

    رنگ و نور۔۔۔۔۔۔ سعدی کے قلم سے



    اﷲ تعالیٰ کے بندے جب اس کا شکر ادا کرنے پر آتے ہیں تو فرشتوں سے بھی آگے نکل جاتے ہیں۔۔۔۔۔۔ لیکن جب کسی انسان پر ناشکری کا دورہ پڑتا ہے تو وہ شیطان کو بھی حیران کردیتا ہے۔۔۔۔۔۔ شکر گزاری بہت بڑی نعمت ہے۔۔۔۔۔۔ مگر اس نعمت کو پانے والے بندے بہت تھوڑے ہیں۔۔۔۔۔۔ اﷲ تعالیٰ کا فرمان ہے:
    اِعْمَلُوْا اٰلَ دَاوُدَ شُکْرًا وَّقَلِيْلٌ مِّنْ عِبَادِيَ الشُّکُوْرُ (سبا١٣(
    ترجمہ: عمل کرو اے داؤد کے گھر والو اﷲ تعالیٰ کا احسان مان کر اور میرے بندوں میں احسان ماننے والے تھوڑے ہیں۔۔۔۔۔۔

    ہر انسان سر سے لے کر پاؤں تک اﷲ تعالیٰ کے احسانات میں ڈوبا ہوا ہے۔۔۔۔۔۔ مگر ان احسانات کو مان کر شکر کرنے والے بہت تھوڑے ہیں۔۔۔۔۔۔ عرش سے لے کر فرش تک اﷲ تعالیٰ کی نعمتیں ہی نعمتیں ہیں۔۔۔۔۔۔ اور مسلمان پر تو اتنی نعمتیں ہیں کہ کوئی شمار نہیں کرسکتا۔۔۔۔۔۔ اﷲ پاک کو کیا ضرورت تھی اتنی بڑی جنت بنانے اور سجانے کی۔۔۔۔۔۔ دودھ، شہد اور شراب کے دریا۔۔۔۔۔۔ مشک وعنبر کے پہاڑ اور موتیوں کے محلات۔۔۔۔۔۔ اور پھر دلکش پاکیزہ حوریں اور سب سے بڑھ کر اﷲ پاک کا دیدار۔۔۔۔۔۔ یہ سب کچھ ایمان والوں پر اﷲ تعالیٰ کا احسان ہے کہ۔۔۔۔۔۔ چھوٹی سی تاریک قبر تاحد نظر کشادہ ہوجاتی ہے اور جنت کی خوشبو سے مہک اٹھتی ہے۔۔۔۔۔۔
    اﷲ اکبر کبیرا۔۔۔۔۔۔ مگر اس سب کے باوجود ''ناشکری'' کی آگ ایمان کو جلا رہی ہے۔۔۔۔۔۔ ہم میں سے ہر ایک حالات کا رونا رو رہا ہے۔۔۔۔۔۔ اس وقت اﷲ تعالیٰ کے شکر کی بے حد ضرورت ہے۔۔۔۔۔۔ شکر ہوگا تو ہم میں قوت پیدا ہوگی۔۔۔۔۔۔ ہم اپنے اوپر اﷲ تعالیٰ کے احسانات کو محسوس کریں گے۔۔۔۔۔۔ ہم ان احسانات کی قدر کریں گے۔۔۔۔۔۔ ہم ان احسانات اور نعمتوں کو درست استعمال کریں گے۔۔۔۔۔۔ تب ہم ہر طرح کے گھاٹے اور عذاب سے بچ جائیں گے۔۔۔۔۔۔ ارشاد باری تعالیٰ ہے۔۔۔۔۔۔
    مَا يَفْعَلُ اﷲُ بِعَذَابِکُمْ اِنْ شَکَرْتُمْ وَاٰمَنْتُمْ وَکَانَ اﷲُ شَاکِرًا عَلِيْمًا (نسائ١٤٧(

    ترجمہ: اﷲ تعالیٰ تمہیں عذاب دے کر کیا کرے گا اگر تم شکر گزار بنو اور ایمان لے آؤ اور اﷲ تعالیٰ قدردان ہے سب کچھ جاننے والا۔۔۔۔۔۔

    اس وقت ''حالات'' تیزی سے بدل رہے ہیں۔۔۔۔۔۔ گھنٹے بعد ایک نئی خبر ہوتی ہے۔۔۔۔۔۔ اور اگلے گھنٹے وہ تبدیل ہوجاتی ہے۔۔۔۔۔۔ پرسوں اطلاع ملی کہ ''لال مسجد'' کے اردگرد پاکستان کی بہادر سپاہ نے اپنا گھیرا ڈال لیا ہے۔۔۔۔۔۔ ممکن ہے وہ حملہ کریں اور مسلمان بچیوں پر گیس کے گولے اور گولیاں برسائیں۔۔۔۔۔۔ تب ہر طرف مصلے بچھ گئے۔۔۔۔۔۔ سجدے ہوئے، آنسو ٹپکے، جذبات ابلے۔۔۔۔۔۔ ایک شور تھا اور ایک غم بھرا سناٹا بھی۔۔۔۔۔۔ مگر گیارہ بجے مطلع صاف ہوگیا۔۔۔۔۔۔ پولیس والے واپس چلے گئے۔۔۔۔۔۔ بے صبرے لوگ اس وقت بھی ذکر و شکر کی بجائے یہی پکار اٹھے۔۔۔۔۔۔ ہائے افسوس۔۔۔۔۔۔ پھر معلوم ہوا کہ حضرات علماء کرام مذاکرات کے لئے تشریف لائے ہیں۔۔۔۔۔۔ آج کے اخبار میں اطلاع ہے کہ مذاکرات ناکام ہوچکے ہیں اور اب کسی بھی لمحے آپریشن کا خطرہ ہے۔۔۔۔۔۔
    اس وقت مسلمان متفقہ قیادت سے محروم ہیں۔۔۔۔۔۔ اس لےے کچھ پتہ نہیں چلتا کہ کیا کیا جائے اور کیا نہ کیا جائے؟۔۔۔۔۔۔ اﷲ تعالیٰ اس معاملے کو خیر وعافیت کے ساتھ حل فرمائے۔۔۔۔۔۔ اور اہل ایمان کی خاص نصرت فرمائے ۔۔۔۔۔۔ اب اس موضوع پر مزید کیا لکھا جائے کیونکہ کچھ معلوم نہیں کہ حالات کس رخ پر جائیں گے۔۔۔۔۔۔ تحریکوں میں تدبیریں اور پینترے بدلے جاتے ہیں۔۔۔۔۔۔ جو لوگ خود اس کام میں نکلے ہوئے ہیں فیصلہ انہیں پر چھوڑ دیا جائے۔۔۔۔۔۔ وہ کچھ مطالبات منوا کر پیچھے ہٹیں تو انہیں ''پسپائی'' کا طعنہ نہ دیا جائے۔۔۔۔۔۔ اور وہ حالت مظلومیت تک پہنچیں تو انہیں خود کو ہلاکت میں ڈالنے والا قرار نہ دیا جائے۔۔۔۔۔۔ اس پورے واقعے میں شکر کے جو پہلو ہیں ان پر غور کرکے۔۔۔۔۔۔ اﷲ تعالی کے احسانات کو مانا اور پہچانا جائے۔۔۔۔۔۔ شیطان دراصل ''کفور'' یعنی بہت بڑا ناشکرا ہے۔۔۔۔۔۔ چنانچہ وہ ناشکری کے راستے سے انسانوں کو ڈستا ہے۔۔۔۔۔۔ ایک آدمی تھوڑا سا بیمار پڑتا ہے۔۔۔۔۔۔ اﷲ تعالیٰ اسے اس بیماری کے ذریعے گناہوں اور مصیبتوں سے چھٹکارے کا راستہ دیتا ہے۔۔۔۔۔۔ تب شیطان اس پر حملہ آور ہو کر اس سے اتنی ناشکری کراتا ہے کہ۔۔۔۔۔۔ وہ شخص بیماری کی تکلیف بھی جھیلتا ہے۔۔۔۔۔۔ اور گناہ کا بوجھ بھی اٹھا لیتا ہے۔۔۔۔۔۔ ایک شخص کو اﷲ تعالیٰ لوگوں پر زیادہ خرچ کی توفیق دیتا ہے۔۔۔۔۔۔ اس خرچ کے بدلے اس کے درجات بلند ہوتے ہیں۔۔۔۔۔۔ اس کے گناہ معاف ہوتے ہیں ۔۔۔۔۔۔ اور اس کو روزی ملتی ہے۔۔۔۔۔۔ اچانک شیطان اس پر ناشکری کا حملہ کرتاہے کہ تو تو فلاں فلاں کو کھلا رہا ہے۔۔۔۔۔۔ تب یہ انسان بھول جاتا ہے کہ کھلانے والا اور دینے والا تو اﷲ تعالیٰ ہے۔۔۔۔۔۔ میں تو ماں کے پیٹ سے خالی ہاتھ آیا تھا۔۔۔۔۔۔ اور مال تو ہوتا ہی والدین، اہل وعیال، اقارب اور دین کے کاموں پر خرچ کے لئے ہے۔۔۔۔۔۔ قارون نے دولت جمع کی تو وہ دولت اسے زمین میں دھنسا کر اپنے ساتھ لے گئی۔۔۔۔۔۔ اور صدیق اکبرؓ نے سب کچھ لٹایا تو زمین کے خلیفہ بن گئے۔۔۔۔۔۔ بس جیسے ہی انسان ناشکری اور تنگ دلی میں پڑتا ہے تو اسے ناشکری کا وبال چکھنا پڑتا ہے۔۔۔۔۔۔ پھر یا تو اس کی روزی بند کردی جاتی ہے۔۔۔۔۔۔ یا اسے خزانے کا سانپ بنادیا جاتا ہے کہ۔۔۔۔۔۔ بس نوٹ گنتا رہے، ان کے کم ہونے پر جلتا رہے۔۔۔۔۔۔ ان کے زیادہ ہونے پر مزید اضافے کے لئے تڑپتا رہے۔۔۔۔۔۔ ایک انسان کو اﷲ تعالیٰ ''جماعت'' عطاء فرماتا ہے۔۔۔۔۔۔ اس جماعت کے ذریعے اسے دین کے وسیع کام کی توفیق ملتی ہے۔۔۔۔۔۔ دنیا آخرت میں عزت کا سامان بنتا ہے۔۔۔۔۔۔ اعمال میں جڑنے کی ترغیب ملتی ہے۔۔۔۔۔۔ اور قیامت تک کے لئے صدقہ جاریہ چھوڑنے کا موقع ملتا ہے۔۔۔۔۔۔ اچانک شیطان اس پر ناشکری کا حملہ کرتا ہے۔۔۔۔۔۔ اور اسے جماعت بوجھ محسوس ہونے لگتی ہے۔۔۔۔۔۔ شیطان اس کے کام میں کہتا ہے کہ تو تو اکیلا اچھا ہے۔۔۔۔۔۔ تو تو اکیلا بہت کچھ ہے۔۔۔۔۔۔ تو تو اکیلا بڑی چیز ہے۔۔۔۔۔۔ اکیلا ہونے میں آزادی اور عزت ہے۔۔۔۔۔۔ اور جماعت میں پابندی اور ذلت ہے۔۔۔۔۔۔ تب یہ شخص ناشکری کرتا ہے۔۔۔۔۔۔ اور اﷲ تعالیٰ کی نعمت ''جماعت'' سے الگ ہو کر شیطان کا آسان لقمہ بن جاتا ہے۔۔۔۔۔۔ اور ایک لمحے کے فیصلے سے کروڑوں اربوں نیکیوں سے محروم ہو کر۔۔۔۔۔۔ بے کاری اور غیبت کی مکھیاں مارنے میں مشغول ہوجاتا ہے۔۔۔۔۔۔ ہم میں سے ہر مرد غور کرے اور ہر عورت غور کرے کہ۔۔۔۔۔۔ ہم پر اﷲ تعالیٰ کی جتنی بھی ''اصل نعمتیں'' ہیں۔۔۔۔۔۔ شیطان ان تمام نعمتوں کی قدر ہمارے دل میں کم کراتا رہتا ہے۔۔۔۔۔۔ اور ہمیں سمجھاتا رہتا ہے کہ۔۔۔۔۔۔ یہ سب کچھ تم پر بوجھ ہے۔۔۔۔۔۔ تب ہم میں سے کتنے لوگ ''شیطانی حملے'' سے بچتے ہیں؟۔۔۔۔۔۔ غور کریں تو آیت مبارکہ کا مطلب آسانی سے سمجھ آجائے گا کہ۔۔۔۔۔۔ قَلِیْلٌ مِّنْ عِبَادِیَ الشَّکُوْرُ ۔۔۔۔۔۔ اﷲ تعالیٰ کے شکر گزار بندے۔۔۔۔۔۔ احسان ماننے والے بندے تھوڑے ہیں۔۔۔۔۔۔ آج ہماری ''ناشکری'' کا نتیجہ ہے کہ ہر نعمت ہم سے چھنتی چلی جارہی ہے۔۔۔۔۔۔ اور ہم محروم سے محروم تر ہوتے چلے جارہے ہیں۔۔۔۔۔۔ اس لےے ہمیں چاہئے کہ ہم اﷲ تعالیٰ سے شکر کی توفیق مانگا کریں۔۔۔۔۔۔ سنت اور نفل نمازوں کے سجدے میں تڑپ تڑپ کر۔۔۔۔۔۔ بلک بلک کرکہاکریں


    ٭٭٭


    Weekly Alqalam


  2. #2
    hazratg is offline Senior Member+
    Last Online
    20th April 2007 @ 06:54 AM
    Join Date
    21 Feb 2007
    Age
    58
    Posts
    45
    Threads
    13
    Credits
    1,000
    Thanked
    0

    Default

    اَللّٰهُمَّ اجْعَلْنَا شَاکِرِيْنَ لِنِعْمَتِکَ مُثْنِيْنَ بِهَا قَابِلِيْهَا وَاَتِمَّهَا عَلَيْنَا۔۔۔۔۔۔
    ''اے ہمارے پروردگار ہمیں اپنی نعمتوں پر شکر کرنے والا ان نعمتوں کی قدر کرنے والا ان کا استقبال کرنے والا بنا اور ان نعمتوں کو ہم پر مکمل فرما''
    [/B]
    دراصل شکر ایک بنیادی نعمت ہے۔۔۔۔۔۔ جس کو یہ نعمت نصیب ہوجاتی ہے اس کے لئے ہر نعمت کا دروازہ کھلتا چلا جاتا ہے۔۔۔۔۔۔ قرآن پاک جیسی عظیم الشان کتاب کی پہلی آیت میں بھی شکر سکھایا گیا
    اَلْحَمْدُلِلّٰهِ رَبِّ الْعَالَمِيْنَ۔۔۔۔۔۔ (الفاتحه)
    اس لئے کہ اﷲ تعالیٰ کے شکر گزار بندے شرک نہیں کرتے۔۔۔۔۔۔ وہ تو ہر چیز میں اﷲ تعالیٰ کی نعمت کو پہچان لیتے ہیں۔۔۔۔۔۔ اور پھر ان کا دل اﷲ تعالیٰ ہی کے سامنے جھکا رہتا ہے۔۔۔۔۔۔ نماز جیسی افضل عبادت کے فوراً بعد جو دعائیں سکھائی گئی ہیں۔۔۔۔۔۔ ان میں بھی شکر کی توفیق مانگی گئی ہے۔۔۔۔۔۔ آپ جانتے ہیں کہ فرض نماز کے فوراً بعد دعاء کی مقبولیت کا خاص وقت ہوتا ہے۔۔۔۔۔۔ بہت ہی زیادہ خاص۔۔۔۔۔۔ اس وقت جو دعائیں پڑھنا مسنون ہے۔۔۔۔۔۔ ان میں سے ایک دعا یہ بھی ہے۔۔۔۔۔۔
    اَللّٰهُمَّ اَعِنِّيْ عَلٰي ذِکْرِکَ وَشُکْرِکَ وَحُسْنِ عِبَادَتِکَ (ابوداؤد(
    اے میرے پروردگار میری مدد فرما اپنے ذکر پر اپنے شکر پر اور اپنی اچھی عبادت پر۔۔۔۔۔۔

    یہ دعاء اتنی اہم ہے کہ حضور پاک صلی اﷲ علیہ وسلم نے حضرت معاذ رضی اﷲ عنہ کاہاتھ پکڑ کر انہیں سکھائی۔۔۔۔۔۔ اور فرمایا اے معاذ مجھے آپ سے محبت ہے میں آپ کو وصیت کرتا ہوں کہ ہر نماز میں یہ دعاء ضرور کیاکرو۔۔۔۔۔۔
    اب ہم خود ہی اندازہ لگا لیں کہ شکر کتنی بڑی نعمت ہے۔۔۔۔۔۔ شکر اصل میں دل کے اندر ہوتا ہے۔۔۔۔۔۔ انسان کا دل اﷲ تعالیٰ کی نعمتوں کو محسوس کرنے لگتا ہے۔۔۔۔۔۔ وہ ان نعمتوں کی قدر کرتا ہے۔۔۔۔۔۔ اور ان نعمتوں کو اپنے اوپر اﷲ تعالیٰ کا احسان اور فضل سمجھتا ہے۔۔۔۔۔۔ دل میں جب یہ کیفیت ہوتی ہے تو زبان بھی ساتھ دیتی ہے۔۔۔۔۔۔ یوں شکر زبان سے بھی ادا ہوتا ہے۔۔۔۔۔۔ اور جب زبان ادا کرتی ہے تو جسم کے سارے اعضاء بھی دل اور زبان کا ساتھ دیتے ہیں اور انسان اس نعمت کو۔۔۔۔۔۔ اﷲ تعالیٰ کی رضا کے مطابق استعمال کرتا ہے۔۔۔۔۔۔ آپ خود سوچئے کہ ایک آدمی اگر کسی کو ہر مہینے ایک لاکھ روپے دیتا ہو تو۔۔۔۔۔۔ لینے والا اس آدمی کی کتنی عزت کرتا ہے۔۔۔۔۔۔ ا س کے دل میں اس کا کس قدر احترام آجاتا ہے۔۔۔۔۔۔ حالانکہ اﷲ پاک نے ہمیں ایسی بے شمار نعمتیں دی ہیں جن کی کوئی قیمت ادا کرہی نہیں سکتا۔۔۔۔۔۔ اﷲ پاک نے ہمیں روح عطاء فرمائی ہے۔۔۔۔۔۔ دنیا کا کوئی بادشاہ روئے زمین کے تمام خزانے خرچ کرکے بھی اپنے مرے ہوئے بیٹے کے لئے روح نہیں خرید سکتا۔۔۔۔۔۔ ایک نابینا شخص اگر اربوں روپے کا مالک ہو۔۔۔۔۔۔ وہ چاہے گا کہ اپنی ساری دولت دے کر ''بینائی'' خریدلے۔۔۔۔۔۔ جبکہ اﷲ پاک نے ہمیں مفت آنکھیں عطاء فرمادی ہیں۔۔۔۔۔۔ الغرض کس کس نعمت کا تذکرہ کیاجائے۔۔۔۔۔۔ ایمان کتنی بڑی نعمت ہے۔۔۔۔۔۔ حضور پاک صلی اﷲ علیہ وسلم کی امت میں سے ہونا کتنی بڑی نعمت ہے۔۔۔۔۔۔ پیاس کے وقت پانی کا ملنا کتنی بڑی نعمت ہے۔۔۔۔۔۔ ہمارے کچھ نوجوان بھائیوں نے اﷲ تعالیٰ کی نعمت جہاد کی قدر کی۔۔۔۔۔۔ انہوں نے ٹریننگ لی۔۔۔۔۔۔ اور اپنی جان کھانے پینے اور پیشاب پاخانہ کرنے میں ہی لگائے رکھنے کی بجائے میدانوں میں نکل گئے۔۔۔۔۔۔ ان کی اس شکر گزاری نے پوری دنیا میں اسلام کو ایک نئی قوت ۔۔۔۔۔۔ اور مسلمانوں کو ایک نئی زندگی بخشی۔۔۔۔۔۔ خود یہ نوجوان، کشمیر، عراق، افغانستان۔۔۔۔۔۔ اور فلسطین میں شہید ہو کر۔۔۔۔۔۔ جنت کے وسیع محلات، خوشبودار قبروں، مشک اور عنبر کے پہاڑوں۔۔۔۔۔۔ اور حسن کا شاہکار حوروں کے مالک بن گئے۔۔۔۔۔۔ اور اب ان کے خون نے ایسا رنگ دکھایا کہ اﷲ تعالیٰ کے دشمن پھر ایک دوسرے سے لڑنے پر اتر آئے ہیں۔۔۔۔۔۔ سوویت یونین کے انحلال کے بعد امریکہ خود کو دنیا کی واحد بڑی طاقت کے روپ میں پیش کر رہا تھا۔۔۔۔۔۔ مگر جب اسلام کے شکر گزار فدائیوں نے امریکہ کو آئینہ دکھایا تو اب۔۔۔۔۔۔ روس نے پھر انگڑائی لی ہے۔۔۔۔۔۔ اور روس کا صدر پرسوں اپنی ایک تقریر میں امریکہ پر ایسا غرّایا ہے کہ مزہ آگیا۔۔۔۔۔۔ حالانکہ امریکہ کے وہم وگمان میں بھی نہیں تھا کہ۔۔۔۔۔۔ اب قیامت تک اسے روس سے ایسی زبان سننے کو ملے گی۔۔۔۔۔۔ چنانچہ روسی صدر کا زوردار بیان کئی گھنٹے تک میڈیا پر اکیلا گونجتا رہا۔۔۔۔۔۔ اور تمام تبصرہ نگار امریکہ کے رد عمل کے انتظار میں اپنی گھڑیاں دیکھتے رہے۔۔۔۔۔۔ تقریباً پورا دن گزر گیا۔۔۔۔۔۔ امریکہ پر سکتہ طاری رہا اور بالآخر بارہ گھنٹے بعد ایک پھسپھسا سا بیان جاری ہوا۔۔۔۔۔۔ اﷲاکبرکبیرا۔۔۔۔۔۔ ہمیں روس سے کوئی ہمدردی نہیں ہے یہ ملک مسلمانوں کا مجرم اور قاتل ہے۔۔۔۔۔۔ مگر ان دو کفریہ طاقتوں کا آپس میں پھر سینگ اڑانا۔۔۔۔۔۔ شہداء کرام کے خون کی واضح اور زندہ کرامت ہے۔۔۔۔۔۔ ادھر وینزویلا کاصدر شاویز بھی جب امریکہ پر برستا ہے تو پنجاب کے جلسے یاد آجاتے ہیں۔۔۔۔۔۔ فیڈرل کاسترو بوڑھا ہوگیا مگر پھر بھی امریکہ سے نہیں ڈرتا۔۔۔۔۔۔ شمالی کوریا والوں کو امریکہ نے ڈرایا تو انہوں نے فوراً ایٹمی دھماکہ کردیا۔۔۔۔۔۔ جبکہ چشم بددور ہمارے حکمران تو امریکہ کے خلاف دھماکہ اور بیان تو درکنار۔۔۔۔۔۔ اس کے ڈرسے وضو بھی احتیاط سے توڑتے ہیں۔۔۔۔۔۔ ان حکمرانوں کا ہم پر مسلط ہونا بھی ناشکری کی وجہ سے ہے۔۔۔۔۔۔ افغانستان میں سولہ سال تک جہاد کا بازار سجا رہا۔۔۔۔۔۔ ٹریننگ سینٹر کھلے عام دعوت جہاد دیتے رہے۔۔۔۔۔۔ مگر پاکستان والوں نے اس دینی سوغات سے فائدہ نہ اٹھایا وہ اپنی ذات میں مگن رہے یا اس جہاد کو روس امریکہ کی جنگ کہتے رہے۔۔۔۔۔۔ پھر جب افغانستان میں طالبان منظم ہوئے تو پاکستان کے اہل دین کے لئے متحد ومنظم ہونے کا بہترین موقع تھا۔۔۔۔۔۔ مگر ناشکری کا وبال غالب رہا اور کوئی بھی اپنی انفرادی اینٹ کو چھوڑنے پر تیار نہ ہوا۔۔۔۔۔۔ جس کا نتیجہ آج نکل رہا ہے۔۔۔۔۔۔ اور اب بھی بعض لوگوں کی پوری کوشش ہے کہ جو دوچار افراد متحد ہیں۔۔۔۔۔۔ ان کو توڑ دیا جائے۔۔۔۔۔۔ ان ظالموں کے نزدیک بیعت علی الجہاد کوئی حیثیت نہیں رکھتی۔۔۔۔۔۔ وہ ''بیعت'' جس کی بدولت اﷲ تعالیٰ کی نصرت زمین پر اترتی ہے۔۔۔۔۔۔ جب لوگوں نے اس کی بے قدری کی تو پھر۔۔۔۔۔۔ انہیں کافروں اور منافقوں کا نوکر اور ترجمان بننا پڑا۔۔۔۔۔۔
    خلاصہ یہ ہے کہ۔۔۔۔۔۔ ''ناشکرا'' شیطان ہم پر ''ناشکری'' کے حملے کرکے۔۔۔۔۔۔ ہمیں ایک ایک نعمت سے محروم کرتا جارہا ہے۔۔۔۔۔۔ خالص دینی تعلیم کے مدارس پر اب کمپیوٹر کا بخار ہے۔۔۔۔۔۔ دین کی خاطر آزاد مساجد پر نگرانی اور کنٹرول کے پھندے ہیں۔۔۔۔۔۔ اہل دین علماء پر۔۔۔۔۔۔ دنیاداری، دنیا پرستی اور حب دنیا کے حملے ہیں۔۔۔۔۔۔ ماضی کی حسین سادگی پر ملمع سازی کے پردے ہیں۔۔۔۔۔۔ آہ۔۔۔۔۔۔ ہم سے کیا کچھ چھن گیا۔۔۔۔۔۔ اور کیا کچھ چھینا جارہا ہے۔۔۔۔۔۔ مگر اس کے باوجود شکر ہی کی طرف لوٹنے میں خیر ہے۔۔۔۔۔۔ جو کچھ ہمارے پاس ہے ہم اس پر شکر ادا کریں۔۔۔۔۔۔ اس کی پوری پوری قدر کریں۔۔۔۔۔۔ اور اسے ٹھیک ٹھیک استعمال کریں۔۔۔۔۔۔ ہم دنیا کی ہر تکلیف کو عذاب سمجھ کر۔۔۔۔۔۔ شکوے کے آنسو نہ بہائیں۔۔۔۔۔۔ اور نہ ہی اس دنیا کو ایسا مقصود بنائیں کہ اس کے نفع ونقصان کے ساتھ ہمارا دل۔۔۔۔۔۔ اور بلڈ پریشر وابستہ ہوجائے۔۔۔۔۔۔ اﷲ تعالیٰ کا شکر اتنی بڑی نعمت ہے کہ شکر گزار انسان فرشتوں سے بھی بھاری ہوجاتا ہے۔۔۔۔۔۔ روایات میں آیا ہے کہ۔۔۔۔۔۔ بعض صحابہ کرام نے جب والہانہ الفاظ میں اﷲ تعالیٰ کی حمد کی۔۔۔۔۔۔ اور اس کا شکر ادا کیا تو فرشتے اس شکر اور حمد کی عظمت کی وجہ سے اسے لکھ ہی نہ سکے۔۔۔۔۔۔ اور اﷲ تعالیٰ کے پاس پہنچ کر عرض کرنے لگے کہ ہم ان بھاری کلمات کو کس طرح لکھیں۔۔۔۔۔۔
    ایسی ہی دو دعائیں یہاں عرض کی جاتی ہیں۔۔۔۔۔۔ ہم آج ہی اﷲ تعالیٰ کی ہر نعمت کا شکر ادا کرلیں۔۔۔۔۔۔ کل جب ہم مرجائیں گے تو اعمال کا دروازہ بند ہوجائے گا۔۔۔۔۔۔ اور ایک بار ''سبحان اﷲ'' کہنے کا موقع بھی نہیں ملے گا۔۔۔۔۔۔ اس لےے شکوے شکایتوں کا رونا بند ۔۔۔۔۔۔ حالات پر ماتم بند۔۔۔۔۔۔ دل ہر طرح کے شکوے سے پاک۔۔۔۔۔۔ چند لمحے کی تنہائی۔۔۔۔۔۔ اﷲ تعالیٰ کی نعمتوں کی یاد۔۔۔۔۔۔ نعمتوں کی کثرت پر بہتے آنسو ۔۔۔۔۔۔ اور پھر دل بھی کہے الحمدﷲ۔۔۔۔۔۔ اور زبان بھی پکارے الحمدﷲ۔۔۔۔۔۔
    پہلی دعائ
    اَلْحَمْدُ لِلّٰهِ رَبِّ الْعَالَمِيْنَ حَمْدًا طَيِّبًا مُبَارَکًا فِيْهِ عَلٰي کُلِّ حَالٍ حَمْدًا يُوَافِيْ نِعْمَه، وَيُکَافِيئُ مَزِيْدَه، (الترغيب والترهيب)
    دوسري دعا
    اَللّٰهُمّ لَکَ الْحَمْدُ کُلُّه، وَلَکَ الْمُلْکُ کُلُّه، وَبِيَدِکَ الْخَيْرُ کُلُّه، وَاِلَيْکَ يَرْجِعُ الْاَمْرُ کُلُّه، عَلَانِيَتُهُ وَسِرُّهُ لَکَ الْحَمْدُ اِنَّکَ عَلٰي کُلِّ شَيْ ءٍ قَدِيْرٌ اِغْفِرْلِيْ مَا مَضَيٰ مِنْ ذُنُوْبِيْ وَاعْصِمْنِيْ فِيْمَا بَقِيَ مِنْ عُمْرِيْ وَارْزُقْنِيْ اَعْمَالًا زَاکِيَةً تَرْضٰي بِهَا عَنِّيْ وَتُبْ عَلَيَّ (الترغيب والترهيب)

    ۔۔۔۔۔۔آمين يا رب العالمين۔۔۔۔۔۔
    ٭٭٭


    Weekly Alqalam

    [/COLOR][/SIZE]
    Last edited by hazratg; 21st February 2007 at 10:52 AM.

  3. #3
    Doctor is offline Senior Member+
    Last Online
    13th September 2009 @ 08:57 AM
    Join Date
    26 Sep 2006
    Location
    Alkamuniya
    Age
    52
    Posts
    21,458
    Threads
    1525
    Credits
    1,000
    Thanked
    36

    Default

    Masha ALLAh HazratG bohot khubsurat likha hay aap nay
    eis kay sath hi Welcome to ITDunya
    Umeed hay keh aap ki mazeed umda umda sharing milti rahain gi

  4. #4
    sister's Avatar
    sister is offline Senior Member+
    Last Online
    3rd March 2011 @ 09:00 PM
    Join Date
    26 Nov 2006
    Location
    HoMe
    Posts
    1,110
    Threads
    50
    Credits
    955
    Thanked
    0

    Default

    MASHALLAH buhut khoob ALLAH hum sab ko shukar karne ki taufeeq de amin suamin

  5. #5
    Join Date
    18 Jan 2006
    Location
    Karachi
    Age
    41
    Posts
    712
    Threads
    74
    Credits
    369
    Thanked
    0

    Default

    Jazak Allah wa khair bhai for the very nice article.......
    edited

  6. #6
    shahsaeein is offline Member
    Last Online
    2nd June 2011 @ 02:37 PM
    Join Date
    07 Dec 2006
    Location
    Muscat, Oman
    Age
    46
    Posts
    1,692
    Threads
    99
    Thanked
    0

    Default

    MashaAllah.. accha likha hay..

  7. #7
    hazratg is offline Senior Member+
    Last Online
    20th April 2007 @ 06:54 AM
    Join Date
    21 Feb 2007
    Age
    58
    Posts
    45
    Threads
    13
    Credits
    1,000
    Thanked
    0

    Default

    Quote Doctor said: View Post
    Masha ALLAh HazratG bohot khubsurat likha hay aap nay
    eis kay sath hi Welcome to ITDunya
    Umeed hay keh aap ki mazeed umda umda sharing milti rahain gi
    شکریہ ڈاکٹر بھائی
    ایک وضاحت کردوں کہ یہ میں نے نہیں لکھا بلکہ یہ ملک کے ایک بہت ہی محترم عالم دین ہفت روزہ القلم میں لکھتے ہیں۔
    یہ ایک بہت ہی اچھا اخبار ہے جس سے ہمیں دین و دنیا دونوں کے فوائد حاصل ہوتے ہیں ۔

  8. #8
    hazratg is offline Senior Member+
    Last Online
    20th April 2007 @ 06:54 AM
    Join Date
    21 Feb 2007
    Age
    58
    Posts
    45
    Threads
    13
    Credits
    1,000
    Thanked
    0

    Default

    Quote sister said: View Post
    MASHALLAH buhut khoob ALLAH hum sab ko shukar karne ki taufeeq de amin suamin

    آمین!۔
    اور بہت شکریہ سسٹر۔
    ویسے بائی دی وے آپ ہسپتال والی سسٹر ہیں یا سب کی سسٹر ہیں۔

  9. #9
    hazratg is offline Senior Member+
    Last Online
    20th April 2007 @ 06:54 AM
    Join Date
    21 Feb 2007
    Age
    58
    Posts
    45
    Threads
    13
    Credits
    1,000
    Thanked
    0

    Default

    Quote shikary said: View Post
    Jazak Allah wa khair bhai for the very nice article.......
    جزاک اللہ بھائی
    آپ کی سگنیچر بہت مفید اور معلوماتی ہے۔ میں نے اس سے آج ہی استفادہ کیا ہےاور قرآن مجید ڈاؤن لوڈ کررہا ہوں۔ اس کے لئے بھی بہت شکریہ۔

  10. #10
    farooqrashid's Avatar
    farooqrashid is offline Senior Member+
    Last Online
    13th June 2015 @ 02:35 AM
    Join Date
    22 Nov 2006
    Location
    Aap K Dil MaiN
    Age
    52
    Posts
    606
    Threads
    63
    Credits
    860
    Thanked: 1

    Default

    Kuch sawalat....kuch wazahat
    "Abo Bakar razi Allah anho zameen k khalifa ban gaiey".
    1......Kya khilafat yehi hey jo Abo Bakar razi Allah anho ko mili?
    2......Sari makhloq ney Allah k honey waley khalifa ko sajda kya...to khilafat sari makhloq pey honi chahiey ya nahi?
    3......Iss khilafat ka misdaq her musalman hey ya her insan?ya koi aur?
    Plz reply.

  11. #11
    hazratg is offline Senior Member+
    Last Online
    20th April 2007 @ 06:54 AM
    Join Date
    21 Feb 2007
    Age
    58
    Posts
    45
    Threads
    13
    Credits
    1,000
    Thanked
    0

    Default

    Quote shahsaeein said: View Post
    MashaAllah.. accha likha hay..
    بہت بہت شکریہ بھائی لیکن آپ کا نک بہت مشکل ہے۔ ذرا آسان اردو میں لکھیں نا تاکہ ہم آپ کا نام غلط نہ لے لیں کہیں۔

  12. #12
    MShahzad's Avatar
    MShahzad is offline Senior Member+
    Last Online
    29th December 2011 @ 11:52 PM
    Join Date
    09 Dec 2006
    Location
    Hyderabad
    Posts
    395
    Threads
    33
    Credits
    965
    Thanked
    0

    Default

    weldon
    M Shahzad

Page 1 of 2 12 LastLast

Similar Threads

  1. Replies: 6
    Last Post: 25th April 2014, 10:00 PM
  2. Replies: 9
    Last Post: 6th March 2011, 10:24 PM
  3. Replies: 3
    Last Post: 27th June 2010, 06:14 PM
  4. Replies: 1
    Last Post: 20th January 2010, 06:00 PM

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •