!!!Apni ataa ka Haq ne ye manzar dikha diyya!!!

APNI ATAA KA HAQ NE YE MANZAR DIKHA DIYA
DIL MERA AASTAANA-E-NABI PAR JHUKA DIYA

KU-E-SHAH-E-ARAB KA BANAAKAR MUJHE FAKHIR
SHAHI KA MARTABA MERE DIL SE GHATAA DIYA

AISA KAREEM AISA SAQI AUR KAUN HAI
MANGTA JO AAYA MAANGNE SULTAN BANAA DIYA

PAHUNCHA DIYA KHUDA NE DAR-E-SHAH PAR HUMEIN
ALLAH NE YE NAAT KA ACHHA SILAA DIYA

HUM SE ZIYADA KAUN HAI DUNIYA MEIN KHUSH NASEEB
HUM KO KHUDA NE UNKA SANAA KHWAAN BANAA DIYA

RASHQ-E-FALAK HAIN MERE MUQADDAR KI RIQ'ATEIN
MUJHKO GHULAM UN KA KHUDA NE BANAA DIYA

AANKHON MEIN BAS GAYAA HAI JAMAAL-E-KHUDA RIYAZ
DEEDAAR JAB SE UNKA KHUDA NE KARAA DIYA

Sallallahu Alaika Ya Rasoolullah Wala Alika Wa As-habika Wa Azwajika Ya Noorullah