lab-e-khamosh se izhar-e-tamanna chahe
bat karne ko bhi taswir ka lahja chahe
tu chale sath to ahat bhi na aae apni
darmiyan hum bhi na ho youn tujhe tanha chahe
zindagi ankh se ojhal ho magar khatm na ho
ek jahan aur pas-e-parda-e-duniya chahe
aj ka din to chalo kat hi gaya jaise bhi kata
ab Khuda-bande se khairiyat-e-farda chahe
aise tairak bhi dekhe hain 'Muzaffar' hum ne
garq hone k liye bhi jo sahra chahe
Bookmarks