نظم ـــ ّ آخري سندره ّ
نظم ـــ ّ آخري سندره ّ
نه شمه پاللی بس ...... نورې اندېښنې زیاته
نه دَ وٍیر شېبې زیاته ، نه دَ ژوند لانجې زیاته
***
چاته لُوند ازغی ښکارم، څوک غمَوي ژوند په ما
چاته خوارَکی ښکارم، څوک وهي پسخوند په ما
نه شمه زغملی تل ، داسې مسخرې زیاته
نه دَ وٍیر شېبې زیاته ، نه دَ ژوند لانجې زیاته
***
څونې چې نېستمن یمه ، دُونې مانده تول لرم
څونې چې غمجن یمه ، دُونې تش کچکول لرم
نه شم ټکولی زه ، بندې دروازې زیاته
نه دَ وٍیر شېبې زیاته ، نه دَ ژوند لانجې زیاته
***
دلته مې لمر ملا سېځي ، هلته دَ کلو مزل
دلته مې خپل بخت ترټي ، هلته په ارغو مزل
نه غواړم ساتل شوقه! ساه سره رښتې زیاته
نه دَ وٍیر شېبې زیاته ، نه دَ ژوند لانجې زیاته
Reply With Quote
zarmal said:
Bookmarks