Roz hee to pukaartaa huun mein!
Bas yunhi din guzaartaa huun mein!!
Aasmaanoun ki har siyaahee ko;
Roshanee sey buhaartaa huun mein!
Jang hai dour-e-azal sey jaaree;
Jeet hai unkee, haartaa huun mein!
Har silah us kaa nahin, meyraa hai;
Khud ko bey-khud ho maartaa huun mein!
Wajan-e-yeemaan-o-wafaa key saarey
Pairahan, khud utaartaa huun mein!
Raat aatee hai; raat jaatee hai;
Silwateyn hee sudhaartaa huun mein!
Khwaab aagosh mein paatey tum ko;
Zulf dahroun sanwaartaa huun mein!
Woh, mujh ko pyaar kartey hain;
Aur, unko dulaartaa huun mein!
Bookmarks