kahan aa ker rukne thay raste, kahan moor tha, usay bhool ja
wo jo mil gaya usay yaad rakh, jo nhi mila, usay bhool ja
wo tere naseeb ki barishain, kisi or ki chaat per baras gaein
dil e bekhabar meri baat sun, usay bhool ja, usay bhool ja
mey to gumm tha tere dheyan mey, teri aass mey, tere guman mey
Saba ru keh gaii mere kaan mey, mere pass aa, usay bhool ja
kisi aankh mey nhi ashq e gham, tere baad kuch bhi nhi hai kam
tujhe zindagi ney bhula dia, tu bhi muskura, usay bhool ja
na wo aankh hi teri aankh thi, na wo khawab hi tera khawab tha
dil e muntazir to ye kis liye, tera jaagna, usay bhool ja
ye jo din raat ka hai khail sa, usay dekh, us pe yakin na kar
nhi aks koi bhi mustakil, sar e aaina, usay bhool ja
wo jo bisat e jaan hi ult gaya, wo jo raaste se palat gaya
usay rokne se husool kia, usay mat bulaa usay bhool ja..
Bookmarks