اسرائیل نے حزب اللہ کارکن کے گھر دھماکے کی

[Net-Rider]

اسرائیل نے حزب اللہ کارکن کے گھر دھماکے کی فوٹیج جاری کردی

ویڈیو میں حزب اللہ کے کارکن درجنوں راکٹ منتقل کررہے ہیں

اسرائیلی فوج نے اپنے بغیر پائیلٹ جاسوس طیارے کی بنائی جنوبی لبنان میں حزب اللہ کے ایک کارکن کے گھر میں دھماکے کی ویڈیو جاری کی ہے جس میں شیعہ ملیشیا کے کارکنوں کو دھماکے کے بعد کسی اور جگہ راکٹ منتقل کرتے ہوئے دیکھا جاسکتا ہے.
ویڈیومیں منگل کے روزدھماکے کے بعد حزب اللہ کے کارکنوں نے جائے وقوعہ کا محاصرہ کررکھا ہے اور وہ درجنوں راکٹوں کو تھوڑی دور کھڑے دوٹرکوں میں رکھ رہے ہیں.
اس ویڈیو کے مواد اور جائے وقوعہ کی لبنانی حکام نے فوری طور پرتصدیق نہیں کی.البتہ لبنانی فوج نے ایک بیان میں کہا تھا کہ جنوبی شہر طائر کے قریب واقع گاٶں طائر فلسئے میں ایک گولہ پھٹنے سے دھماکا ہوا تھا اور اس سے ایک شخص زخمی ہوا ہے.
لبنانی فوج نے اپنے بیان میں واقعہ کی مزید تفصیل نہیں بتائی.حزب اللہ نے ایک بیان میں اس بات کی تصدیق کی ہے کہ جس مکان میں دھماکا ہوا تھا،وہ اس کے ایک کارکن کا ملکیتی ہے.
اس بم دھماکے کے بعد اسرائیلی صدرشمعون پیریزکو یہ کہنے کا موقع مل گیا تھا کہ حزب اللہ کے ہتھیاروں کی وجہ سے لبنان''بارود کے ڈھیر'' میں تبدیل ہورہا ہے اور یہ اسلحہ امن کی راہ میں رکاوٹ بن گیا ہے.
لبنانی حکام کا کہنا ہے کہ جس مکان میں دھماکا ہوا تھا،وہ ممکنہ طور پر اسلحہ کے ذخیرہ کے لئے استعمال کیا جارہا تھا،جو اقوام متحدہ کی اس قرارداد کی خلاف ورزی ہے جس کے نتیجے میں 2006ء میں حزب اللہ اوراسرائیل کے درمیان جنگ کا خاتمہ ہواتھا.
اقوام متحدہ کی قرارداد میں حزب اللہ کو غیر مسلح کرنے اور اس کو اسلحہ کی فراہمی پر بین الاقوامی پابندیاں عاید کرنے پر زوردیا گیا ہے.اسرائیل کا دعویٰ ہے کہ حزب اللہ نے جنگ کے بعد اپنے اسلحہ کے ذخیرہ میں تین گنا اضافہ کرلیا ہے اور اب اس کے پاس ہزاروں راکٹ موجود ہیں.

[FritZie]

Hmmmmm.........