تین پولیس اور سیکورٹی مراکز پر دہشتگردوں &

[alidawa]

لاہور پر دہشتگردوں کا بڑا حملہ،ایف آئی اے ، ایلیٹ ٹریننگ فورس اور پولیس ٹریننگ سنٹر بلڈنگ پر حملوں میں12اہلکاروں سمیت14افراد شہید ،7دہشتگردہلاک:
لاہور ()لاہور میں دہشت گردوں کا تین پولیس اور سیکورٹی مراکز پر دھاوا ، بارہ سیکورٹی اہلکار وں سمیت چودہ افراد شہید ہوگئے ،کارروائی میں سات حملہ آور بھی ہلاک ہوگئے ۔ نمائندہ اُردو پوائنٹ کے مطابق پہلا حملہ دہشت گردوں نے ٹیمپل روڈ پر واقع ایف آئی اے کی عمارت پر کیا جس کے نتیجے میں چار ایف آئی اے اہلکار اور دو شہری شہیدہوگئے ۔ واقعے کے بعدپولیس اور رینجرز نے ایف آئی اے کی عمارت میں داخل ہوکر ایک شخص کو حراست میں لے لیا ۔ خدشہ ظاہر کیا جارہا ہے کہ دہشت گردوں نے ایلیٹ فورس کے بعض اہلکاروں کو بھی یرغمال بنایا ہوا ہے ۔ایف آئی اے کی عمارت کے بعد دہشت گردوں کی جانب سے بیدیاں روڈ پر ایلیٹ فورس کے ٹریننگ سینٹر اورمناواں پولیس ٹریننگ سینٹر پر بھی حملہ کردیا گیا ہے اور ایلیٹ فورس کے ٹریننگ سینٹر پر پولیس اور دہشت گردوں کے درمیان فائرنگ کا تبادلہ جاری ہے ۔ تاحال موصول ہونیوالی اطلاعات کے مطابق کارروائی میں تین حملہ آور ہلاک جبکہ ایک پولیس اہلکار بھی اپنی زندگی سے ہاتھ دھوبیٹھا۔دوسری جانب مناواں پولیس ٹریننگ سینٹر میں دہشت گردوں کے حملے میں سات اہلکار شہید جبکہ چار دہشت گرد ہلاک ہوگئے ۔ ہلاک ہونیوالے چار دہشت گردوں میں سے دو نے خود کو دھماکا خیز مواد سے اڑ ایا ہے ۔مناواں کی کارروائی میں پاک فوج کے دستے بھی حصہ لے رہے ہیں ۔

[mhashmat1967]

Dowa farmain Allah hamein Dahshit gardi say bachain

[Shehzad Iqbal]