How To Do Simple N Attractive Make-up
Assalam alaikum frnds kese ho aap log? hope k Allah ki ata se sab theek thak honge aaj mai aap ko simple or boht hi khubsoorat make-up karne ka tareeqa bata rahi hoon jis se aap apni beauty ko 4 chand laga sakti hain ye tareeqa aisa hai k aap is ko kisi party mai b apply kar sakti hain or kisi family function mai bhi.
kisi bhi function ya party mai jate hue har larki ki yahi khuahish hoti hai k wo sab se ziyada khubsoorat lagay to aaiye ab aap khubsoorat banna shuroo kar den.
face:
makeup karne se pehle jis cheez ki zaroorat hoti hai wo ye hai k aap ka chehra bilkul saaf ho us par kisi kism ki koi oiling na ho is lie sab se pehle to aap ye kijie k jaldi ek bowl mai ek spoon besan (gram flour) le len or ek spoon dahi(yogurt) is ko khoob mix karen k ye ek creamy paste ban jae phir is ko apne chehre or neck par laga kar 15 min tak dry karen or jab dry ho jae to thanday pani se moo dho len is k baad aap dekhiye ga aap ka chehra damak raha ho ga ab ek ice cube le kar poore face par icing karen or jab ye sookh jae to make up ki shuruaat base se karen
agar aap ki skin oily hai to aap k lie pan cake behtar rahe ga or agar skin dry hai to aap koi sa b achhi company ka foundation use karen
pan cake k lie aap ek sponge le kar us ko barf k thanday pani mai dip karen izaafi pani nichor kar us geelay sponge se aap pan cake apni skin par halkay haath se apply karna shuroo karen neck ko bilkul mai bhooliye ga or agar aap foundation use kar rahi hain to us ko dots ko shakal mai apne face par apply karen or or phir kisi soft sponge ki madad se us ko face par spread kar len
base k lie ek or cheez jo best hai wo ye hai k aap water proof stick use karen or stick k saath aap ko kisi pan cake ya foundation ki zaroorat nahi mehsoos hogi stich "CHRISTINE" ki best hoti hai apne face k hisab se koi b shade select kar len or is ko b geelay sponge se lagaen base jab complete ho jae to 2-3 tissue le kar is mai ek ice cube rakhen or phir is tarha apne face par halkay haath se rub karen k face geela na ho sirf thandak mehsoos ho aisa karne se aap ki base long lasting ho jae gi is k baad aap apne face par brush ki madad se loose powder laga len or extra powder tissue se saaf kar len lijie ye aap ki base ho gai complete
EYE:
ab baari aati hai eyes ki to sab se pehle eyes par thore sa loose powder lagaen (loose powder sufrano company ka best hai) is k baad koi b light shade ka eye shadow applicator ki madad se eye lid par lagaen (applicator ko geela kar len) or phir doosre applicator k madad se thora sa dark shade le kar eye lid k ooper jahan eyes ki crease khatam hoti hai wahan ek bareek si line karen or phir eyebrows k neechay golden ya silver shade se highlight karen ab bari aati hai aye liner ki is klie boht ehtiaat ki zaroorat hai bilkul halki si line lagaen ziyada moti lagane se aap ki aankhen sooji hui nazar aaen gi ab maskara laga len pehle ek coat maskara lagaen phir thora sa talcum pdr laga kar doosra coat lagaen or phir lash k jo brush aata hai us ki madad se lashes ko theek karen lijie ek chutki mai eye make up complete ho gaya
lips:
lipstick lagane k lie sab se pehle to lips parr b itna foundation lagaen k lips aap ki skin k color k nazar aaen phir ek lip pensil ki madad se lips ka shape banaen or lpstick se filling kar len or end mai lip glose laga len
blush on:
bluch on lagane ka tareeqa ye hai k pehle aap apne face ko aise kar len jese aap hans rahi hoon is tarha se galon ki jo haddi hoti hai wo numaya ho jae gi ab brush ki madad se bilkul halke rang ka blusher haddi par lagaen or phir ek dry or saaf sponge ki madad se is ko halka sa rub karen take ye jild ki rangat k saath match ho jae ab end mai blusher k brush ki madad se hi poore face or neck par face shiner apply karen (face shiner kisi b company ka le sakti hain agar aap ka color fair hai to pink shade len or agar sanwla hai to aap peach color len) ye lijie aap ab kisi par b bijlian girane k lie bilkul ready hain
APNI DUAO MAI YAAD RAKHIYE GA OR KOI B SAWAL HO MAKEUP SE RELTED TO ZAROOR POOCHHIYE GA ALLAHHAFIZ
Reply With Quote
2.gif "Smile::")
Bookmarks