dard-e-hijar

[saahil]

KASSHHHHH
"kaash ke mujh sey bhi kisiko pyar hota,
kaash ke mere liye bhi kisika dil bekarar hota,

kaash ke mujhe bhi koi apni yaadon mein laata
apne khwabon mein basata

ankhon mein chupaata
kaash ke mujhse bhi kabhi koi izhaar karta

kaash ke mere liye bhi koi bechaain hota,
ke mujhe bhi koi apne dil mein utarta ,

apni sanson mein samata
meri duniya ko mehkaata

kaash ke mere bhi sapne kabhi sach hoty
kaash ke mere bhi armaan pure hote

kaash ke mujhe bhi kabhi mil jaata koi
dekhta use main harpal

rehta khoyea khoyea.
zindagi pyar bina adhuri si hoti hai

ek saathi bina suni suni hoti hai

kaash ke mujhe bhi kisika saath mila hota
kaash ke mere zindagi mein bhi kisi ka saath hota

[saahil]

aik din tanhai main bethay
mujh say kisi nay pooch lia tha
chup chup kion tum rehtay ho
kuch ukhray say kuch badlay say
kuch uljhay uljhay lagtay ho
itnay sawal hue to main nay
bas aik hath utha ker apna
dil per rakha aur ye bola
aur to koi baat nahi hai
koi apna roth gya ha
dil tha khilona toot gya ha.....

[saahil]

Nakaam Si Koshish Karte Hai,
Hum Unse Ulfat Kiya Karte Hai..
Taqdir Me Ek Tuta Tara Nahi Likha,
Aur Ek Hum Hai, Ki Chaand Ki Aarzoo Kiya Karte Hai...

[saahil]

teri yaad me aasuo ka samandar bana liya,
tanhai ke saher me apna ghar bana liya,
suna hai log pujte hai patther ko,
is liye dil apna patther bana liya.

[Laique Shah]

Nice Sharing janab
Fiqar na karay ho jaiy ga.........

[saahil]

ik larki ko mai chahta tha
par kehnay say ghabrata tha
Janay uss mai aaisa kia tha
keh mai ussi kay peechay jata tha
Shayed ussay bhi mujh say pyar tha
par kehna mujh say dushwaar tha
Meray dil mai bhee agar kuch tha
tou sirf ussi kay liye pyar tha
Laikin shayed woh kissi aur ka naseeb tha
mai tou bus aik deewar tha
Uss nay mera dil tor diya tha
ghum kay mor par la kay mujhay chor dia tha
SAAHIL tu bhi ik deewana tha
jiss nay pyar mai iss dunya say muh morr liya tha...

[saahil]

[u]HAMEY YAAD KARNA[u]

Tumko kabhi jo yaad aaye hamari..
tou nazre jhuka key hamey yaad karna
Dil ko koyi jo dukhaye tumhari
tou nazre jhuka ke hamey yaad karna
maana ke sabke pyare ho tum
aaj noore wafa ke taarey ho tum
gar ye tara kabhi jo toot ke bikhar ne lage
tou nazre jhuka ke hamey yaad karna
chaaha hey tumko sabhi ne chaahat se badhkar
dil mey chhupa ke rakkha muhabbat se badhkar
muhabbat sabhi ka jo fanaah hone lage
tou nazre jhuka ke hamey yaad karna
zamane ne humko har mor pey diya dhoka
phoolo se nikala ..kaanto mey jhoka
pyar ka phool jo dil mey tha usey khilne na diya
hum milna chaahte they .par kambakht ne milne na diya
jannat mey milne ko...mujhe gar chaaho jo
tou nazre jhuka key hamey yaad karna

[saahil]

kitne parvane jale raaz ye pane ke liye
Shamma jalne ke liye hai ya jalane ke liye?
Ronewale tujhe rone ka saliqa bhi nahi
ashq pine ke liye hai ya bahane ke liye?
Aaj kah dunga shab-e-gum ki shararat unse
roz aa jati hai kambaqt satane ke liye
humko maloom tha aap ayenge mere ghar lekin
khud chala aya hoon yaad dilaneke liye

[saahil]

Hum teri dhun main jia kartay thay
Man me hi chup chaap phira kartay thay
Aankhon main pyaas hua karti thi
Dil main tufan utha kartay thay
Log aatay thay ghazal sunnay ko
Ham teri baat sunaya kartay thay
Sach Samajhte thay teri muhobbat ko
Dil main kya phool khila kartay thay
Ghar ki dewaar sajaanay ki khaatir
Ham tera naam likha kartay thay
Wo bhi kia din thay, tujhay bhula kar
Ham tujhay yaad kia karta thay
Kal tujhay daik kar yaad aaya
Ham bhi kabhi Muhabbat kia karte the

[saahil]

Tazaad-e-jazbaat mein yeh nazuk maqam aaya to kia karo gai???
Main ro raha hoon tum hans rahay ho, main muskuraya to kia karo gai???
Mujhey tu is darja waqt-e-rukhsat sakoon ki talqeen kar rahay ho
Magar kuch apnay liyay bhi soocha? main yaad aaya to kia karo gai?
Kuch apnay dil pay bhi zakhm khao meray lahoo ki bahar kab tak??
Mujhay sahara bananay walo, main larkharaya to kia karo gai??
Tumharay jalwoon ki roshni mein nazar ki hairaniyaan musal'lam
Kisi nay nazar kay badlay mein dil aazmaya to kia karo gai??
Abhi tu tanqeed ho rahi hay meray mazaq-e-****** pay
Laikin tumhari zulfoon ki barhami ka sawaal aaya to kia karo gai???
Abhi tu daman chura rahay ho, bigar kay mehfil say ja rahay ho
Magar kabhi dil ki dharkanoon main shareek paaya to kia karo gai??

[saahil]

Agar kabhi mairi yaad aaiy
to chaand raatoon ki naram dil-geer roshni main
kisi sitaray ko daikh laina
agar wo nakhl-e-falak say ur kar tumharay qadmoon main aa giray tou
yeh jaan laina, wo isteara tha mairay dil ka,
agar na aaiy....
magar yeh mumkin hi kis tarah hai kay tum kisi par nigah daalo
to uski deewar-e-jaan na tootay
wo apni hasti na bhool jaiy!
agar kabhi mairi yaad aiy
guraiz karti hawa ki lehroon pay haath rakhna
main khushboo'on main tumhain miloon ga
mujhay gulaboon ki pat'tiyoon main talaash karna
main aus qatroon kay aainoon main tumhain miloon ga
agar sitaroon main, aus qatroon main, khushboo'on main na pao mujh ko
to apnay qadmoon main daikh laina
main gard hoti musafatoon main tumhain miloon ga
kaheen pay roshan chiragh daikho to jaan laina
kay har patangay kay saath main bhi bikhar chuka hoon
tum apnay haathoon say un patangoon ki khaak darya main daal daina
main khaak bun kar samandaroon main safar karoon ga
kisi na-daikhay howay jazeeray pay ruk kay tum ko sada'ain doon ga
samandaroon kay safar pay niklo to us jazeeray pay bhi utarna!!

[saahil]

Kabhi dil mein teri yaad thi
een aankhon mei teri tasveer thi
meri jindagi tere naam thi
aur saansein teri jaagir thi

Kabhi kadam uth-te thei teri rahoon ki taraf
aur sajde thei sirf tere hi dar ke liye
har khuli aankh ke khwaabon mein basaa karti thi tu
teri yaadein huwa karti thi mere basar ke liye

Phir kyon tune mujhe sile diye bewafai ke
pairon talei raund dali meri yeh duniya
jalaa ke dil ko mere raakh bhi rahne na di baaki
koi baki nahi rahne diya jahan mein mera nishan

Ab to bas ek lakeer dhuwan hai afshan
koi siskiyan leti hui chingari
tanhaayiyon ke nazar ho gayi rooh meri
har taraf aag hai, bebasi aur bezaari

Jalte huwe jahan mein laut aaunga
waapis yahan jhuthlaa ke maut aaunga
teri rangeen raaton mein banke kali ghataa
mausam-e-ishk pe lahu barsaaunga

Yeh mera waadaa hai dil todne wale
jab kahin mehfil mein tera naam aayega
bewafai ko teri log yaad rakhein ki nahin
ishk mera, mera diwanapan kaiyon ko yaad aayega

Hazaaron saal tak is deewane ki aah barpegi
aashik bhi mere naam ki kasam khaayenge
mohabbat is jahan mein hain kai karne wale
par mere kisse geeton mein sunei jaayenge