Yeh maira tujh say waada hai

[12rounds]

Yeh maira tujh say waada hai



Yeh maira tujh say waada hai
K jab tak is jahan main
Aik bhi zee-rooh baqi hai
Wo jab tak sans laita hai
Wo jab tak soch sakta hai
Or jab tak her khushi aur fikr ko mehsooos karta hai

Yeh maira tujh say wa'ada hai
K jab tak gulistan main
Aakhri jo phool khilna hai
Rahay ga shakh per jab tak
Mehak phaila-aye ga apni
Zameen say aasmanoon tak
Falak k aakhri taray ko
Jab tak jagmagana hai
K jab tak lehlahatay khaitoon ko zindagi k kaam aana hai
K jab tak hath is qabil hain
K uthain dua'on ko
K jab tak aakhri baadal ko
Dharti per barasna hai
K jab tak is zameen per zehar ka taryaq mumkin hai

Yeh mayra tujh say wada hai
K jab tak jism hai
Or jism main ya jaa'n baqi hai
k jab tak is zameen per
Aik bhi insaan baqi hai
Hazaroon meel lambay faslay bhi beech main ayin
To mayri justujo in say kabhi baydam nahin ho gi
Mohabbat kum nahin ho gi


umeed hai app log pasand karein gay.
aur it dunya k sath safar acha rahy ga
app k reply ka muntazir

12 rounds

[Aasi_786]

bohat umdha sharing hai

[^NajanyQ^]

Bohat Khoob , Nice Sharing

Thanks For sharing!!!