Mere wajood ko tu samait le
Main bikhar raha hoon zara zara

Mere ansuon ko bhi ponch le
Main sisak raha hoon zara zara

Meri chahton ko samajh kabhi
Meri hasraton ka khayal kar

Tere deedar ki ek arzoo mein
Tarap raha hoon zara zara

Apne pyar ka ek diya
Meri raah mein to jala kabhi

Andheri raat ka naag mujhe
Das raha hai zara zara

Apne dil pe mere hath rakh
Meri dharkanon ko qarar de

Meri saans to hai chal rahi
Par jee raha hoon zara zara