... پاک فوج کسی بھی خطرے کا مقابلہ کرسکتی ہے
پاک فوج کسی بھی خطرے کا مقابلہ کرسکتی ہے، کیانی
راولپنڈی : چیف آف آرمی اسٹاف جنرل اشفاق پرویز کیانی نے کہا ہے کہ پاک فوج ملک کو درپیش روایتی اور غیر روایتی خطرات کے تمام پہلوؤں سے آگاہ اور پوری طرح چوکس ہے اور کسی بھی نئے یا موجودہ خطرے کا موٴثرجواب دینے کو تیار ہے ۔جنرل ہیڈکوارٹرز میں سینئر افسروں سے خطاب کرتے ہوئے انہوں نے کہا کہ جنوبی ایشیا میں امن و استحکام پاکستان کی سیکیورٹی کے تقاضے کا منطقی اور بنیادی اصول ہے ۔ انہوں نے کہا کہ ایٹمی دور میں فوجی طاقت کے روایتی استعمال کی تجاویز دینے والے ایک ایسے خطرناک اور مہم جویانہ راستے پر چلنے کا مشورہ دے رہے ہیں جس کے نتائج ناقابل تصور ہوں گے اور ان پر قابو نہیں پایا جاسکے گا ۔ جنرل کیانی کا کہنا ہے کہ ایک ذمے دار ایٹمی ریاست ہونے کے ناطے پاک فوج حکومت پاکستان کی پالیسی کے مطابق اسٹریٹجک استحکام اور ضبط و تحمل کی پالیسی پر کاربند رہے گی ،لیکن اس کے ساتھ ساتھ ضروری دفاعی صلاحیت برقرار رکھے گی اور ہر طرح کی جارحیت کو شکست دے گی ۔ آرمی چیف نے اس عزم کا اعادہ کیا کہ پاک فوج کسی بھی نئے یا موجودہ خطرے سے نمٹنے کیلئے پوری طرح تیار ہے۔جنرل اشفاق پرویز کیانی کا کہنا تھا کہ سترہ کروڑ افراد کی حمایت اور اللہ پر ایمان رکھنے والی فوج ایک ایسی موٴثر قوت ہے جو کسی بھی خطرے کا مقابلہ کرسکتی ہے
Reply With Quote
Bookmarks