ماسکو… سینٹرل مانیٹرنگ… روسی خلائی ایجنسی کے سربراہ اناطولی پریمووف نے ناسا، یورپی خلائی ایجنسی اور چین کے خلائی اداروں سے 2029ء میں زمین کو ایک چھوٹے سیارے ایسٹرائیڈ کی ٹکراؤ کے باعث تباہی سے بچانے کے لیے وسیع پیمانے پر کوششیں کرنے کی اپیل کی ہے۔وائس آف رشین ریڈیو سے گفتگو میں اناطولی کریموف نے کہا ہے کہ ایک چھوٹا سیارہ بہت تیزی سے زمین کی طرف آرہا ہے جس کے ٹکرانے سے نہ صرف بڑے پیمانے پر تباہی ہوگی بلکہ ہزاروں زندگیوں کا چراغ گل ہوجائے گا ۔تاہم پریمووف کا کہنا ہے کہ ہم ان ہزاروں لوگوں کو بچاسکتے ہیں لیکن اس کے لیے ہمیں ایک ایسا نظام بنانا ہوگا جو اس ٹکراؤ کو روک سکے۔اناطولی پریمووف نے مزید بتایا کہ روس ایک ایسا خلائی جہاز بنانے پر غور کررہا ہے جو اس سیارے کو زمین سے دور رکھے گا ، اس مقصد کے لیے ہم نے ناسا، یورپی خلائی ایجنسی اور چین کی خلائی ایجنسی کو اس کوشش میں شامل ہونے کی دعوت دی ہے۔واضح رہے کہ 270قطر میٹر کے سیارے کی زمین کی طرف آنے کی نشاندہی 5سال پہلے ہوئی تھی۔
Bookmarks