Page 1 of 2 12 LastLast
Results 1 to 12 of 22

Thread: نشہ میں مئے عشق کے چور ہیں وہ

  1. #1
    Gr8^Masood's Avatar
    Gr8^Masood is offline Senior Member+
    Last Online
    18th September 2013 @ 10:50 AM
    Join Date
    23 Jul 2009
    Location
    Khi
    Age
    39
    Gender
    Male
    Posts
    42,351
    Threads
    1398
    Credits
    970
    Thanked
    2855

    Smile نشہ میں مئے عشق کے چور ہیں وہ

    نشہ میں مئے عشق کے چور ہیں وہ

    صفِ فوجِ مژگاں میں محصور ہیں وہ

    غمِ چشم و ابرو میں رنجور ہیں وہ

    بہت ہات سے دل کے مجبور ہیں وہ

    کریں کیا کہ ہے عشق طینت میں ان کی

    حرارت بھری ہے طبعیت میں ان کی

    اگر شش جہت میں کوئی دلربا ہے

    تو دل ان کا نادیدہ اس پر فدا ہے

    اگر خواب میں کچھ نظر آ گیا ہے

    تو یاد اس کی دن رات نامِ خدا ہے

    بھری سب کی وحشت سے روداد ہے یاں

    جسے دیکھئے قیس و فرہاد ہے یاں

    اگر ماں ہے دکھیا تو ان کی بلا سے

    اپاہج ہے باوا تو ان کی بلا سے

    جو ہے گھر میں فاقہ ان کی بلا سے

    جو مرتا ہے کنبہ تو ان کی بلا سے

    جنہوں نے لگائی ہو لو دلربا سے

    غرض پھر انہیں کیا رہی ماسوا سے

    نہ گالی سے دشنام سے جی چرائیں

    نہ جوتی سے پیزار سے ہچکچائیں

    جو میلوں میں جائیں تو لچھن دکھائیں

    جو محفل میں بیٹھیں تو فتنے اٹھائیں

    لرزتے ہیں اوباش ان کی ہنسی سے

    گریزاں ہیں رندان کی ہمسائگی

    سپوتوں کو اپنے اگر بیاہ دیجے

    تو بہوؤں کا بوجھ اپنی گردن پہ لیجے

    جو بیٹی کے پیوند کی فکر کیجئے

    تو بد راہ ہیں بھانجے اور بھتیجے

    یہی جھینکنا کو بہ کو گھر بہ گھر ہے

    بہو کو ٹھکانہ نہ بیٹی کو بر ہے

    نہ مطلب نگاری کا ان کو سلیقہ

    نہ دربار داری کا ان کو سلیقہ

    نہ امید واری کا ان کو سلیقہ

    نہ خدمت گزاری کا ان کو سلیقہ

    قلی یا نفر ہو تو کچھ کام آئے

    مگر ان کو کس مد میں کوئی کھپائے

    نہیں ملتی روٹی جنہیں پیٹ بھر کے

    وہ گزرا ان کرتے ہیں سو عیب کرکے

    جو ہیں ان میں دو چار آسودہ گھر کے

    وہ دن رات خواہاں ہین مرگِ پدر کے

    نمونے یہ اعیان و اشراف کے ہیں

    سلف ان کے وہ تھے خلف ان کے یہ ہیں

    وہ اسلام کی پود شاید یہی ہے

    کہ جس کی طرف آنکھ سب کی لگی ہے

    بہت جس سے آئندہ چشمِ بہی ہے

    بقا منحصر جس پہ اسلام کی ہے

    یہی جان ڈالے گی باغِ کہن میں؟

    اسی سے بہار آئے گی اس چمن میں؟

    یہی ہیں وہ نسلیں مبارک ہماری؟

    کہ بخشیں گی جو دین کو استواری؟

    کریں گی یہی قوم کی غم گساری؟

    انہیں پر امیدیں ہیں موقوف ساری؟

    یہی شمعِ اسلام روشن کریں گی؟

    بڑوں کا یہی نام روشن کریں گی؟

    خلف ان کے الحق اگر یاں یہی ہیں

    سلف کے اگر فاتحہ خواں یہی ہیں

    اگر یاد گارِ عزیزاں یہی ہیں

    اگر نسلِ اشراف و اعیاں یہی ہیں

    تو یاد اس قدر ان کی رہ جائے گی یاں

    کہ اک قوم رہتی تھی اس نام کی یاں

    سمجھتے ہیں شائستہ جو آپ کو یاں

    ہیں آزادئی رائے پر جو کہ نازاں

    چلن پر ہیں جو قوم کے اپنی خنداں

    مسلماں ہیں سب جن کے نزدیک ناداں

    جو ڈھونڈو گے یاروں کے ہمدرد ان میں

    تو نکلیں گے تھوڑے جوانمرد ان میں

    نہ رنج ان کے افلاس کا ان کو اصلا

    نہ فکر ان کی تعلیم اور تربیت کا

    نہ کوشش کہ ہمت نہ دینے کو پیسا

    اڑانا مگر مفت ایک اک کا خاکا

    کہیں ان کی پوشاک پر طعن کرنا

    کہیں ان کی خوراک کو نام دھرنا

    عزیزوں کی جس بات میں عیب پانا

    نشانہ اسے پھبتیوں کا بنانا

    شماتت سے دل بھائیوں کا دکھانا

    یگانوں کو بیگانہ بن کر چڑانا

    نہ کچھ درد کی چوٹ ان کے جگر میں

    نہ قطرہ کوئی خون کا چشمِ تر میں

    جہاز ایک گرداب میں پھنس رہا ہے

    پڑا جس سے جوکھوں میں چھوٹا بڑا ہے

    نکلنے کا رستہ نہ بچنے کی جا ہے

    کوئی ان میں سوتا کوئی جاگتا ہے

    جو سوتے ہیں وہ مست خواب گراں ہیں

    جو بیدار ہیں ان پہ خندہ زناں ہیں

    کوئی ان سے پوچھے کہ اے ہوش والو

    کس امید پر تم کھڑے ہنس رہے ہو

    برا وقت بیڑے پہ آنے کو ہے جو

    نہ چھوڑے گا سوتوں کو اور جاگتوں کو

    بچو گے نہ تم اور نہ ساتھی تمہارے

    اگر ناؤ ڈوبی تو ڈوبیں گے سارے

    غرض عیب کیجئے بیاں اپنا کیا کیا

    کہ بگڑا ہوا یاں ہے آوے کا آوا

    فقیر اور جاہل ضعیف اور توانا

    تاسف کے قابل ہے احوال سب کا

    مریض ایسے مایوس دنیا میں کم ہیں

    بگڑ کر کبھی جو نہ سنبھلیں وہ ہم میں

    کسی نے یہ اک مردِ دانا سے پوچھا

    کہ " نعمت ہے دنیا میں سب سے بڑی کیا؟"

    کہا" عقل جس سے ملے دین و دنیا"

    کہا " گر نہ ہو اس سے انساں کو بہرا"

    کہا " پھر اہم سب سے علم و ہنر ہے

    کہ جو باعثِ افتخارِ بشر ہے"

    کہا " گر نہ ہو یہ بھی اس کو میسر"

    کہا" مال و دولت ہے، پھر سب سے بڑھ کر"

    کہا" در ہو یہ بھی اگر بند اس پر"

    کہا" اس پہ بجلی کا گرنا ہے بہتر"

    وہ ننگِ بشر تاکہ ذلت سے چھوٹے

    خلائق سب اس کی نحوست سے چھوٹے"

    مجھے ڈر ہے اے میرے ہم قوم یارو

    مبادا کہ وہ ننگِ عالم تمہیں ہو

    گر اسلام کی کچھ حمیت ہے تم کو

    تو جلدی سے اٹھو اور اپنی خبر لو

    وگر نہ یہ قول آئے گا راست تم پر

    کہ ہونے سے ان کا نہ ہونا ہے بہتر

    رہو گے یو نہیں فارغ البال کب تک

    نہ بدلو گے یہ چال اور ڈھال کب تک

    رہے گی نئی پود پامال کب تک

    نہ چھوڑو گے تم بھیڑیا چال کب تک

    بس اگلے فسانے فراموش کر دو

    تعصب کے شعلے کو خاموش کر دو

    حکومت نے آزادیاں تم کو دی ہیں

    ترقی کی راہیں سراسر کھلی ہیں

    صدائیں یہ ہر سمت سے آرہی ہیں

    کہ راجا سے پرجا تلک سب سکھی ہیں

    تسلط ہے ملکوں میں امن و اماں کا

    نہیں بند رستہ کسی کارواں کا

    نہ بد خواہ ہے دین و ایماں کا کوئی

    نہ دشمن حدیث اور قرآں کا کوئی

    نہ ناقص ہے ملت کے ارکاں کا کوئی

    نہ مانع شریعت کے فرماں کا کوئی

    نمازیں پڑھو بے خطر معبدوں میں

    اذانیں دھڑلے سے دو مسجدوں میں

    کھلی ہیں سفر اور تجارت کی راہیں

    نہیں بند صنعت کی حرفت کی راہیں

    جو روشن ہیں تحصیلِ حکمت کی راہیں

    تو ہموار ہیں کسبِ دولت کی راہیں

    نہ گھر غنیم اور دشمن کا کھٹکا

    نہ باہر ہے قزاق و رہزن کا کھٹکا

    مہینوں کے کٹتے ہیں رستے پلوں میں

    گھروں سے سوا چین ہے منزلوں میں

    ہر اک گوشہ گلزار ہے جنگلوں میں

    شب و روز ہے ایمنی قافلوں میں

    سفر جو کھی تھا نمونہ سقر کا

    وسیلہ ہے وہ اب سراسر ظفر کا

    پہنچتی ہیں ملکوں میں دم دم کی خبریں

    چلی آتی ہیں شادی و غم کی خبریں

    عیاں ہیں ہر اک بر اعظم کی خبریں

    کھلی ہیں زمانہ پہ عالم کی خبریں

    نہیں واقعہ کوئی پنہاں کہیں کا

    ہے آئینہ احوالِ روئے زمیں کا

    کرو قدر اس امن و آزادگی کی

    کہ ہے صاف ہر سمت راہِ ترقی

    ہر اک راہ رو کا زمانہ ہے ساتھی

    یہ ہر سو سے آوازِ پیہم ہے آتی

    کہ دشمن کا کھٹکانہ رہزن کا ڈر سے

    نکل جاؤ رستہ ابھی بے خطر ہے

    بہت قافلے دیر سے جارہے ہیں

    بہت بوجھ بار اپنے لدوا رہے ہیں

    بہت چل چلاؤ میں گھبرا رہے ہیں

    بہت سے نہ چلنے سے پچتا رہے ہیں

    مگر اک تمہیں ہو کہ سوتے ہو غافل

    مبادا کہ غفلت میں کھوٹی ہو منزل

    نہ بد خواہ سمجھو بس اب یاروں کو

    لٹیرے نہ ٹھراؤ تم رہبروں کو

    دو الزام پیچھے نصحیت گروں کو

    ٹٹولو ذرا پہلے اپنے گھروں کو

    کہ خالی ہیں یا پر ذخیرے تمہارے

    برے ہیں کہ اچھے و تیر تمارے

    امیروں کی تم سن چلے داستاں سب

    چلن ہو چکے عالموں کے بیاں سب

    شریفوں کی حالت ہے، تم پر عیاں سب

    بگڑنے کو تیار بیٹھے ہیں یاں سب

    یہ بوسیدہ گھر اب گرا کا گرا ہے

    ستوں مرکزِ ثقل سے ہٹ چکا ہے

    یہ جو کچھ ہوا ایک شمّہ ہے اس کا

    کہ جو وقت یاروں پہ ہے آنے والا

    زمانہ نے اونچے سے جس کو گرایا

    وہ آخر کو مٹی میں مل کر رہے گا

    نہیں گرچہ کچھ قوم میں حال باقی

    ابھی اور ہونا ہے پامال باقی

    یہاں ہر ترقی کی غایت یہی ہے

    سر انجام ہر قوم و ملت یہی ہے

    سدا سے زمانہ کی عادت یہی ہے

    طلسمِ جہاں کی حقیقت یہی ہے

    بہت یاں ہوئے خشک چشمے ابل کر

    بہت باغ چھانٹے گئے پھول پھل کر

    کہاں ہیں وہ اہرامِ مصری کے بانی

    کہاں ہیں وہ گردانِ زابلستانی

    گئے پیشدادی کدھر اور کیانی

    مٹاکر رہی سب کو دنیائے فانی

    لگاؤ کہیں کھوج کلدانیوں کا

    بتاؤ نشاں کوئی ساسانیوں کا

    وہی ایک ہے جس کو دایم بقا ہے

    جہاں کی وراثت اسی کو سزا ہے

    سوا اس کے انجام سب کا فنا ہے

    نہ کوئی رہے گا نہ کوئی رہا ہے

    مسافر یہاں ہیں فقیر اور غنی سب

    غلام اور آزاد ہیں رفتنی سب

    ۔

  2. #2
    Aasi_786's Avatar
    Aasi_786 is offline Advance Member
    Last Online
    2nd February 2024 @ 10:00 PM
    Join Date
    14 Jan 2008
    Location
    Islamabad
    Posts
    19,001
    Threads
    2012
    Credits
    1,386
    Thanked
    1109

    Default

    hmmm ... nice sharing ... keep sharing with us ...!!

  3. #3
    Najaf Ali is offline Member
    Last Online
    31st May 2017 @ 12:20 PM
    Join Date
    06 Oct 2009
    Location
    Karachi Pakistan
    Posts
    1,563
    Threads
    64
    Thanked
    56

    Default

    zabardast or nice sharing hay janab

  4. #4
    msamib4u's Avatar
    msamib4u is offline Senior Member+
    Last Online
    7th February 2011 @ 07:42 PM
    Join Date
    02 Jun 2009
    Location
    multan
    Age
    34
    Posts
    4,269
    Threads
    56
    Credits
    945
    Thanked
    439

    Default

    hhmmmmmmmmm nice one

    __________________
    3
    ......Yeh Qaid sikha deti hay Aaghaz-E-Mohabbat

    Pinjray mein Prinday bhee Sharart nai kartay..............

    http://www.itdunya.com/showthread.php?t=158738



  5. #5
    Nahid's Avatar
    Nahid is offline Senior Member+
    Last Online
    22nd June 2013 @ 12:02 PM
    Join Date
    06 Aug 2009
    Location
    ALLAH ki panha main
    Gender
    Female
    Posts
    12,059
    Threads
    905
    Credits
    960
    Thanked
    2774

    Default

    Bohat acchi...umdha sharing...

  6. #6
    ^NajanyQ^'s Avatar
    ^NajanyQ^ is offline Advance Member
    Last Online
    5th January 2021 @ 10:37 AM
    Join Date
    23 Mar 2009
    Location
    ھزارہ
    Age
    32
    Gender
    Male
    Posts
    13,306
    Threads
    439
    Credits
    995
    Thanked
    701

    Default

    Hmmm...
    Wah bohat khoob

  7. #7
    mhafeez is offline Member
    Last Online
    9th June 2010 @ 01:40 PM
    Join Date
    30 Aug 2009
    Location
    *~Aawaara Baadlou'n main~*
    Posts
    3,778
    Threads
    287
    Thanked
    239

    Default

    بہت عمدہ انتخاب ہے ، شکریہ...**

  8. #8
    Gr8^Masood's Avatar
    Gr8^Masood is offline Senior Member+
    Last Online
    18th September 2013 @ 10:50 AM
    Join Date
    23 Jul 2009
    Location
    Khi
    Age
    39
    Gender
    Male
    Posts
    42,351
    Threads
    1398
    Credits
    970
    Thanked
    2855

    Default

    Shukriya pasand karne ka....

  9. #9
    ~*$ahil*~ is offline Senior Member+
    Last Online
    14th August 2010 @ 06:11 PM
    Join Date
    05 Aug 2008
    Location
    Khyalaat Ki Dunya Mein
    Age
    35
    Gender
    Male
    Posts
    3,493
    Threads
    156
    Credits
    950
    Thanked
    445

    Default

    Bahot aalaa......!!

  10. #10
    Gr8^Masood's Avatar
    Gr8^Masood is offline Senior Member+
    Last Online
    18th September 2013 @ 10:50 AM
    Join Date
    23 Jul 2009
    Location
    Khi
    Age
    39
    Gender
    Male
    Posts
    42,351
    Threads
    1398
    Credits
    970
    Thanked
    2855

    Default

    Shukriya Janaaab ....

  11. #11
    DiL Da JaNi's Avatar
    DiL Da JaNi is offline Advance Member
    Last Online
    30th July 2023 @ 04:08 PM
    Join Date
    01 Dec 2009
    Location
    Faisalabad
    Age
    37
    Gender
    Male
    Posts
    2,192
    Threads
    245
    Credits
    1,733
    Thanked
    110

    Default

    nice shairing janab...
    Attached Images Attached Images  

  12. #12
    iam_mir's Avatar
    iam_mir is offline Senior Member+
    Last Online
    6th October 2015 @ 11:16 AM
    Join Date
    09 Dec 2009
    Posts
    2,023
    Threads
    13
    Credits
    837
    Thanked
    175

    Default

    Wah Masood Bahi....

    Ap ne tu No-Ball pr Sixer mare deya ha...

    Zbrdast Great Maza aye geya Such ma keya sharing ke ha ap ney..

Page 1 of 2 12 LastLast

Similar Threads

  1. Replies: 5
    Last Post: 11th January 2013, 12:16 AM
  2. شام ہوتے ہی وہ چوکھٹ پہ جلا کر شمعیں
    By ^NajanyQ^ in forum Urdu Adab & Shayeri
    Replies: 16
    Last Post: 9th February 2012, 12:49 AM
  3. Replies: 4
    Last Post: 16th February 2011, 01:43 AM
  4. Replies: 6
    Last Post: 15th January 2010, 12:40 AM
  5. Replies: 8
    Last Post: 21st November 2009, 12:02 AM

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •