واشنگٹن… ذیابطیس کے مریضوں کے لئے ایسے منفرد موزے تیار کئے جارہے ہیں جو مرض کو بڑھنے سے روکنے میں اہم کردار ادا کرسکتے ہیں۔ امریکی ریاست ٹیکساس میں محقیقین نے ایک نے ایک ایسا کپڑا تیار کیا ہے جس میں نائٹرک اوکسائیڈ نامی گیس کا اخراج ہوتا ہے۔ طبی ماہرین کے مطابق نائٹرک اوکسائیڈ جسم میں خون کا دوران رواں رکھنے میں اہم کردار ادا کرتا ہے۔ ذیابطیس سے متاثرہ لوگوں میں نائٹرک اوکسائیڈ کی قدرتی پیداوار عام لوگوں کی نسبت کم ہوجاتی ہے جس کی وجہ سے ان پر مختلف اقسام کی بیماریاں اثر انداز ہوتی ہیں۔ امریکی ماہرین نے ’تھراپیٹک سوکس‘ کے نام سے اس کپڑے کے موزے تیار کئے ہیں تاکہ مرض کو بڑھنے سے با آسانی روکا جا سکے۔
Bookmarks