فیصل آباد…پاکستان ٹیکسٹایل ایکسپوٹرز ایسوسی ایشن نے دھاگے کی برآمد کو محدود کرنے کے حکومتی فیصلے کوخوش آیندقراردیتے ہوئے کہاہے کہ اقدام سے دھاگے کی دستیابی میں فوری طور پر بیس فیصد تک اضافہ متوقع ہے۔فیصل آباد میں پاکستان ٹیکسٹایل ایکسپوٹرزایسوسی ایشن کے دفتر میں پریس کانفرنس کے دوران چیرمین پی ٹی ای اے خرم مختار نے کہا کہ دھاگے کی برآمد کو محدود کرنے کے حکومتی فیصلے سے ٹیکسٹایل انڈسٹری کو جزوی فائدہ پہنچے گا اور فیصلے سے مارکیٹ میں دھاگے کی دستیابی میں فوری طور پر بیس فیصد اضافہ متوقع ہے۔انہوں نے کہا حکومت سے مذاکرت کا عمل جاری ہے جس میں مطالبہ کیا گیا ہے دھاگے کی برآمد کو پچاس ملین کلو ماہانہ کی بجائے چالیس ملین کلو ماہانہ تک محدود کیا جائے تاکہ ملکی ضروریات کو زیادہ بہتر انداز سے پورا کیا جا سکے۔
Bookmarks