نئی سائنسی تحقیق کے مطابق دفتری اوقات میں
’کام پرگیم کھیلنا سود مند ہے‘
نئی سائنسی تحقیق کے مطابق دفتری اوقات میں کمپیوٹر پر گیمز کھیلنا کام کے لئے اچھا ہے۔
ہالینڈ کی یونیورسٹی آف یوٹریک کے سائنسدانوں نے ایک انشیورنس کمپنی کے ساٹھ ملازمین پرگیمز کھیلنے کے اثرات کا مشاہدہ کیا ہے۔ سائسندانوں نے کام کے تئیں رجحانات پر نظر رکھی اور انہیں معلوم ہوا کہ گیمز کھیلنے والے ملازمین اپنے کام سے زیادہ مطمئین تھے۔
کئی بڑی کمپنیاں یہ کہہ کر دفتروں میں گیمز کھیلنے پر پابندی عائد کرتی ہیں کہ اس سے ملازین کا قیمتی وقت ضائع ہوجاتا ہے۔
تحقیقی ٹیم کے سربراہ پروفیسر جیفری گولڈسٹائن کا کہنا ہے کہ ’اس بات پر بہت کم تحقیق ہوئی ہے کہ کس طرح گیمز کھینلے سے ملازمین کی کام کرنے کی صلاحیت پر مثبت اثر پڑتا ہے۔‘
ایک ایسی کمپنی کی تلاش میں کافی وقت صرف کرنے کے بعد جو اپنے ہاں اس طرح کے تجربات کرنے کی اجازت دے، ان سائنسدانوں نے کمپنی کے پانچ محکموں میں کام کرنے والے افراد کو مختلف گروپز میں تقسیم کیا۔
ان میں سے کچھ کو اپنے کمیوٹروں پر ونڈوز کی سادہ گیمز، یعنی سالیٹائر اور مائن سویپر کھیلنے کی اجازت دے دی گئی جبکہ دوسروں کو یہ سہولت نہیں دی گئی۔
پروفیسر گولڈسٹائن نے بتایا کہ ’ہم نے ان سے کہا کہ ایک ماہ تک آپ روز ایک گھنٹے کے لئے گیمز کھیل سکتے ہیں، اور آپ ایسا دن کے کسی بھی وقت کر سکتے ہیں۔ ‘
مشاہدے کے بعد معلوم ہوا کہ گیمز کھیلنے والے ملازمین اپنے کام کے بارے میں زیادہ خوش تھے۔نتائج سے پتا چلا کہ اس تاثر کے برعکس کہ دفتری اوقات میں گیمز کھیلنے سے وقت ضائع ہوجاتا ہے، ان لوگوں نے زیادہ بہتر کام کیا۔
سالیٹائر کے ایک راؤنڈ سے دن کی دماغی تھکان کو دور کیا جا سکتا ہے اور لوگ پیچیدہ کاموں کو موثر انداز میں انجام دیں سکتے ہیں۔
پروفیسر گولڈسٹائن کا کہنا ہے کہ ’میری نظر میں گیمز کھیلنا ایک کافی بریک کے برابر ہے۔ اگر آپ میری طرح سوچیں تو آپ ان اوقات کو زیادہ فائدہ مند طریقے سے استعمال کر سکتے ہیں۔‘
حالانکہ یہ تحقیق ابھی ابتدائی مرحلے میں ہی ہے، لیکن اگر نتائج سے یہ صاف ظاہر ہوجاتا ہے کہ لوگ گیمز کھیلنے سے کام پر زیادہ خوش رہتے ہیں، تو دفتروں سے غیر حاظر رہنے والوں کی تعداد میں بھی کمی آ سکتی ہے۔
آفس کے کمپیوٹر پر سالیٹائر یا مائن سویپر کھیلنے کے سماجی فائدے بھی ہیں۔ کیونکہ تفریح کا ذریعہ ہونے کے ساتھ ساتھ اس سے ملازمین کی توجہ کام کے تناؤ سے ہٹ جاتی ہے اور ان میں یکجاہیت بھی بڑھ جاتی ہے۔
Reply With Quote
Bookmarks