کراچی…خواتین کے متعلق قوانین پر عمل درآمد نہ ہونے کے باعث خواتین پر تشدد کے واقعات میں دوگنا اضافہ ہوا ہے۔ڈائریکٹر عورت فاونڈیشن شبینہ ایاز نے جیونیوز سے گفتگو میں بتایا کہ سال دو ہزار نو میں گزشتہ سال کے مقابلے میں خواتین پر ہونے والے تشدد کے واقعات میں دوگنا اضافہ ہوا ہے۔ جس کی بنیادی وجہ قوانین پر عملدرآمد کا نہ ہونا ہے۔انہوں نے بتایا کہ گزشتہ چھ ماہ کے دوران خواتین پرتشدد کے328کیس رجسٹرڈ ہوئے جن میں155 ایسی خواتین بھی شامل ہیں جن کو معمولی وجوہات کی بنا پر قتل کر دیا گیا۔ جبکہ گھریلو تشدد کا شکار ہونے والی خواتین کی تعداد 70ہے ان میں22خودکشی،14عزت کے نام پر قتل ،5گینگ ریپ جبکہ دیگرمختلف واقعات میں 27خواتین کو نشانہ بنایا گیا ہے ۔
Bookmarks