مخلص لوگ ملک و قوم کا سرمایہ ہیں‘ڈاکٹرعبدا
لاہور: محسن پاکستان ڈاکٹر عبدالقدیر خان نے کہا ہے کہ جھوٹ اور فریب کے زمانے میں مخلص لوگ ملک و قوم کا سرمایہ ہوتے ہیں‘ وہ قومیں کبھی بھی ترقی نہیں کرتیں جو اپنے ہیروز کو بھول جاتی ہیں‘ ضرورت اس بات کی ہے کہ سب ملک کو مضبوط اور متحد کرنے کیلئے اپنا کردار ادا کریں‘ خاکسار تحریک کے قائد حمید الدین المشرقی کی وفات ایک ناقابل تلافی نقصان ہے۔ گذشتہ روز جاری کئے جانیوالے اپنے ایک تعزیتی پیغام میں ڈاکٹر عبدالقدیر خان نے کہا کہ حمید الدین المشرقی بہادر باپ کے بہادر بیٹے تھے اور میری رہائی کیلئے جس خلوص کے ساتھ وہ جدوجہد کرتے رہے وہ قابل تحسین ہے اور آج ضرورت اس بات کی ہے کہ ان کے دیگر ساتھی ان کے مشن کو جاری و ساری رکھیں۔ انہوں نے کہا کہ جو قومیں اپنے ہیروز کو نہیں بھولتی وہ کسی بھی محاذ پر ناکام نہیں ہوتیں اور بھول جانیوالی قوموں کو نام و نشان نہیں رہتا۔ انہوں نے کہا کہ پاکستان کے وہ سیاستدان جو ملک و قوم کی حقیقی معنوں میں خدمت کر رہے ہیں وہ قابل تحسین ہیں اور ایسے لوگوں کی ملک کو ضرورت ہے۔
Reply With Quote
Bookmarks