سلام آباد : پاکستان میں پبلک اکاﺅنٹس کمیٹی نے گیس کی قیمتوں میں حالیہ اوربلا جواز اضافے کا سختی سے نوٹس لیتے ہوئے گزشتہ ہفتے پارلیمنٹ ہاﺅس میں ایک اعلیٰ سطحی اجلاس طلب کیا۔ اجلاس میں وزارت پڑولیم وقدرتی وسائل، سوئی سد رن ، سوئی نادرن کمپنیوں کے سربراہوں، اوگرا کے چیئر مین اورمتعلقہ سنیئر حکام کے علاوہ آڈیٹر جنرل نے اپنی ٹیم کے ساتھ شرکت کی۔ قومی اسمبل کی کمیٹی نے گیس کی قیمتوں میں اضافہ پر شدید تنقید کی۔ چیئرمین چودھری نثارعلی نے کہا کہ گیس کمپنیاں عوام کی جیب پر ڈاکہ ڈال رہی ہیں ۔ ساڑھے تین گھنٹے جاری رہنے والے اجلاس میں معلوم ہوا کہ سی ایف جی فلنگ سٹیشنوں کے لائسنس اورایل پی جی کوٹہ کی الا ٹمنٹ کے لئے کوئی شفاف نظام موجود نہیں ہے اوگرانے اس موقع پر گزشتہ دورحکومت میں جاری کئے گئے ایل پی جی کوٹہ کی الاٹمتٹ کے حوالے سے ایک فہرست بھی پیش کی۔ پی اے سی کے رکن اور سابق وزیرپڑولیم خواجہ آصف نے بتایا کہ سابق دور میں ایل پی جی کوٹہ کو بھی سیاسی رشوت کے طور پر استعمال کیا گیا۔ سابق جرنیلوں، بیورکریٹس اورسنیئر سیاستدانوں میں کوٹہ کی بندربانٹ کی گئی ۔ جبکہ قومی احتساب بیوروکے دوسابق چیئرمینوں کو بھی یہ رشوت دی گئی۔ جن لوگوں کو یہ رشوت دی گئی ان کے نام درج ذ یل ہیں۔ جامشوروجوائنٹ وینیچر کے چیئرمین اقبال زیڈ احمد، ان کے بھائی قاضی ہما یوں فرید، قانونی مشیرچودھری اعتزازاحسن کی اہلیہ بشری اعتزاز، سابق چیئرمین نیب اورمشرف کے ساتھی لیفٹینٹ جنرل ر، منیر حفیظ ،ان کے قریبی دوست کیپٹن بشارت، سینٹرگلزار احمد، موجودہ وفاقی وزیر سرمایہ کاری سینٹر وقار احمد، جنرل طارق حمید کے بھانجے بلال جبار اوربیگم فرید ہ طارق ، سابق گورنر پنجاب سابق چیئر مین نیب ،مشرف کے قریبی ساتھی لیفٹینٹ جنرل ر،خالد مقبول کی بیٹی مسزمریم احسن مقبول اور داماد حسن لطیف،سابق گورنر سندھ لیفٹینٹ جزل ر،معین الدین حیدر کے داماد محمد علی حیدر مسلم لیگ ق کے سربراہ چودھری شجاعت حسین کے داماد فراست علی چٹھہ ،صدر نیشنل بینک سید علی رضا کے صاحب زادے حسن رضا، سابق وزیر داخلہ آفتاب شیر پاﺅفیملی کے سردار علی خان، پرویز مشرف کے قریبی دوست بریگیڈ ئر سراج کی اہلیہ عذ راسراج، اوربیٹا محسن سراج شامل ہیں۔ ان تمام افراد نے ایک کارٹل بنایا اورایل پی جی کی قیمت صرف دو سال میں ایک سوروپے فی کلو گرام تک لے گئے اور اپنے اثرورسوخ کی بنا پر مرضی ایٹ پرایل پی جی فروحت کر رہے ہیں۔
Bookmarks