!!!. . .My DAIRY Collection. . .!!!

[Chandamalik]

جو اپنی عمر سے آگے نکل رہی ہو تم
تمہیں خبر ہے جوانی میں ڈھل رہی ہو تم
کبھی تمہیں بھی دعویٰ تھا سرد مہری کا
کسی کے لمس کو پا کر پگھل رہی ہو تم
بتاﺅ کیوں نہیں روکا تھا جانے والے کو
اب ایک عمر سے کیوں ہاتھ مل رہی ہو تم
جو والدین نے تم سے کہا وہ مان لیا
اب اپنی آگ سے چُپ چاپ جل رہی ہو تم
ہمارے دل کا کھلونا تمہی نے توڑا تھا
اب اِ س کھلونے کی خاطر مچل رہی ہو تم
تمہیں گماں ہے کہ میں جانتا نہیں کچھ بھی
مجھے خبر ہے کہ رستہ بدل رہی ہو تم

وصی شاہ

[Chandamalik]

Kisi ko Pasand aye tu Please THANKS per Click kar dain.


THANKS

[Chandamalik]

کون کہتا ہے، شرارت سے تمہیں دیکھتے ہیں
جانِ من ہم تو محبت سے تمہیں دیکھتے ہیں
تم کو معلوم نہیں تم ہو مقدس کتنے
دیکھتے ہیں تو عقیدت سے تمہیں دیکھتے ہیں
دیکھ کے تم کو کسی اور کی یاد آتی ہے
ہم کسی اور ہی نسبت سے تمہیں دیکھتے ہیں
ساتھ غیروں کے نظر آﺅ تو جی کُڑھتا ہے
کیا کہیں کیسی اذیت سے تمہیں دیکھتے ہیں
جھونکنی پڑتی ہے، یہ جان عذابوں میں ہمیں
کون کہتا ہے کہ سہولت سے تمہیں دیکھتے ہیں
جانے کیا لکھتے ہو کیا سوچتے رہتے ہو وصی
رات کو جب بھی کبھی چھت سے تمہیں دیکھتے ہیں

وصی شاہ

[Chandamalik]

میرے سورج
تری زمیں ہوں میں
کوئی موسم ہو تیرے گرد مجھے
گھومنا ہے
مرا تو کام ہی تیرا طواف کرنا ہے

وصی شاہ

[Confuse]

Malik bahi , Bohat umda aur khoobsurat janab , Yeh Shair bi kamal k hain , i also like him

[Chandamalik]

Kisi ko Pasand aye tu Please THANKS per Click kar dain.


THANKS

[Chandamalik]

خواب کی مسافت سے
وصل کی تمازت سے
روز و شب ریاضت سے
کیا ملا محبت سے
ایک ہجر کا صحرا
ایک شام یادوں کی
اِک تھکا ہوا آنسو

نوشی گیلانی

[Chandamalik]

Kisi ko Pasand aye tu Please THANKS per Click kar dain.


THANKS

[Chandamalik]

کبھی ہم بھیگتے ہیں چاہتوں کی تیز بارش میں
کبھی برسوں نہیں ملتے کسی ہلکی سی رنجش میں

تمہی میں دیوتاؤں کی کوئی خُو بُو نہ تھی ورنہ
کمی کوئی نہیں تھی میرے اندازِ پرستش میں

یہ سوچ لو پھر اور بھی تنہا نہ ہو جانا
اُسے چھونے کی خواہش میں اُسے پانے کی خواہش میں

بہت سے زخم ہیں دل میں مگر اِک زخم ایسا ہے
جو جل اُٹھتا ہے راتوں میں جو لَو دیتا ہے بارش میں

نوشی گیلانی

[Chandamalik]

ہوا کو آوارہ کہنے والو
کبھی تو سوچو،کبھی تو لکھو
ہوائیں کیوں اپنی منزلوں سے بھٹک گئی ہیں
نہ ان کی آنکھوں میں خواب کوئی
نہ خواب میں انتظار کوئی
اب ان کے سارے سفر میں صبح ِ یقین کوئی،
نہ شام ِ صد اعتبار کوئی،
نہ انکی اپنی زمین کوئی،نہ آسماں پر کوئی ستارہ
نہ کوئی موسم ،نہ کوئی خوشبو کا استعارہ
نہ روشنی کی لکیر کوئی،نہ ان کا اپنا سفیر کوئی
جو انکے دکھ پر کتاب لکھے
مُسافرت کا عذاب لکھے
ہوا کو آوارہ کہنے والو
کبھی تو سوچو


نوشی گیلانی

[Chandamalik]

Kisi ko Pasand aye tu Please THANKS per Click kar dain.


THANKS

[Chandamalik]

ہم نے سوچ رکھا ہے
چاہے دل کی ہر خواہش
زندگی کی آنکھوں سے اشک بن کے
بہہ جائے
چاہے اب مکینوں پر
گھر کی ساری دیواریں چھت سمیت گر جائیں
اور بے مقدر ہم
اس بدن کے ملبے میں خود ہی کیوں نہ دب جائیں
تم سے کچھ نہیں کہنا
کیسی نیند تھی اپنی،کیسے خواب تھے اپنے
اور اب گلابوں پر
نیند والی آنکھوں پر
نرم خو سے خوابوں پر
کیوں عذاب ٹوٹے ہیں
تم سے کچھ نہیں کہنا
گھر گئے ہیں راتوں میں
بے لباس باتوں میں
اس طرح کی راتوں میں
کب چراغ جلتے ہیں،کب عذاب ٹلتے ہیں
اب تو ان عذابوں سے بچ کے بھی نکلنے کا راستہ نہیں جاناں!
جس طرح تمہیں سچ کے لازوال لمحوں سے واسطہ نہیں جاناں!
ہم نے سوچ رکھا ہے
تم سے کچھ نہیں کہنا

نوشی گیلانی