کینیڈا میںپاکستانی نژاد شہری کو عمر قید کی سزا
کینیڈا کی ایک عدالت نے کینیڈین شہری زکریاعمارہ کو دہشت گردی کی منصوبہ بندی کے الزام میں عمر قید کی سزا سنا دی۔
چوبیس سالہ زکریاپر الزام تھا کہ وہ ٹورنٹو اسٹاک ایکس چینج، کینیڈاکی خفیہ ایجنسی اور ملٹری بیس کے باہر دھماکے کرنے کی منصوبہ بندی کر رہا تھا جس کا مقصد حکومت کو مجبور کرنا تھا کہ وہ افغانستان سے اپنی افواج کو واپس بلا لے۔
کینیڈا کی پولیس نے زکریا سمیت سترہ افراد کو دو ہزار چھ میں گرفتار کیا تھا۔ عدالت نے زکریا کے ایک ساتھی پاکستانی نژاد سعد گایا کو بھی بارہ سال قید کی سزا سنائی۔
چوبیس سالہ ذکریا عمارہ اکتوبر میں ایک دہشت گرد گروپ کی رہنمائی کرنے کا اعتراف کر چکے تھے۔
عمارہ کو سنہ دو ہزار چھ میں سترہ اور افراد کے ساتھ گرفتار کیا گیا تھا۔ عمارہ کو سزا سناتے ہوئے جج نے کہا کہ وہ کینیڈا کی تاریخ کی بدترین جرم کی منصوبہ بندی کر رہے تھے۔
مقدمے کے دوران بتایا گیا کہ عمارہ نے انٹرنیٹ کے ذریعے فرٹلائزر یعنی زرعی کھاد سے بم بنانا سیکھا۔
استغاثے کا کہنا تھا کہ انہوں نے فرٹلائزر امونیئم نائٹریٹ کی بڑی تعداد خریدنے کی کوشش کی تھی جس کو وہ کرائے پر لیے ہوئے ٹرکوں پر بھر ان ٹرکوں کو مخصوص مقامات پر بم سے اڑانا چاہتے تھے
Bookmarks