یورپی یونین عیسائیوں کا اتحاد، ترکی کیلئے
براعظم یورپ کو متحد ریاست ہائے یورپ بنانے کی کوشش کی جا رہی ہے اس یونین میں 27 یورپی ممالک شامل ہیں قبل ازیں متحدہ یورپ کی رکنی ایک کرنے کیلئے یورو متعارف کرایا گیا یہ تجربہ خاصا کامیاب رہا اور یورپ کی حد تک ڈالر کی اجارہ داری ختم ہو گئی اور یورپی یونین کے رکن ممالک آپس میں تجارت کو ترجیح دینے لگے گزشتہ سال نومبر میں یورپی یونین کے پہلے مستقل صدر کا انتخاب عمل میں آیا ہے۔ بلجیم کی کرسچین ڈیموکریٹک پارٹی کے منتخب وزیر اعظم ہرمین وان رپبو نے صدر منتخب ہونے کے بعد وزیرا عظم کے عہدہ سے استعفیٰ دیدیا۔ ہرمین ترکی کے یورپی یونین میں شمولیت کے سخت خلاف ہیں وہ اپنے پہلے انٹرویو میں واشگاف الفاظ میں کہہ چکے ہیں کہ ترکی کی یورپی یونین میں کوئی جگہ نہیں ہے فرانسیسی میڈیا نے ان کے اس بیان پر سرخی جمائی ”عیسائیوں کے کلب میں مسلمانوں کی گنجائش کیسے ممکن ہو سکتی ہے“ ترکی کو اب یہ بات سمجھ جانی چاہئے کہ یورپی یونین میں اس کیلئے دروازے کبھی نہیں کھل پائیں گے۔ نئے یورپی یونین کا خیال ہے کہ یورپ کو امریکہ کی طرز پر فیڈرل حکومت تشکیل دینا چاہئے۔ پوری یونین ایک ہی محکمہ ٹیکس وصول کرے اور مشترکہ دفاعی نظام قائم ہو۔ یورپی یونین کے تین بڑے ادارے ہیں جن میں یورپی پارلیمنٹ یورپی کمیشن اور یورپی کونسل شامل ہیں یورپی پارلیمنٹ کا کام قانون سازی ہے کمیشن سے مراد رکن ممالک کی مجلس ہے جس کا کام رکن ممالک کے درمیان معاہدوں کی پاسداری کرانا ہے یورپی ممالک کی اندرونی سیاست اور مشترکہ اندرونی پالیسی وغیرہ پر عملدرآمد کو یقینی بنایا ہے جبکہ مشترکہ کرنسی، مشترکہ زرعی پالیسی، اندرونی تجارت اور کسٹم ڈیوٹی کے معاملات یورپی کمیشن دیکھتا ہے یورپی کونسل سے مراد رکن ممالک کے سربراہان اور ان کی حکومتیں لی جاتی ہیں یورپی یونین کے قیام سے آج تک یہ بات بار بار کی جاتی رہی ہے کہ یورپی یونین کا مستقبل کیا ہے اور اس کی حتمی شکل کیا ہو گی؟
کیا یہ اتحادی چند ممالک کے مفادات کیلئے ہو گا؟ یا عالمی سطح پر اہم کردار کرنے والا اتحاد ہو گا؟ جو امریکہ سمیت کسی بھی بڑی طاقت کی آنکھوں میں آنکھیں ڈال کر اپنے مفادات کا دفاع اور تحفظ کریگا۔ ان تمام سوالوں کا فی الحال کسی کے پاس حتمی جواب نہیں ہے پہلے مستقل صدر کے انتخاب سے قبل یورپی عوام کو توقع تھی کہ اب یورپی یونین ایک موثر عالمی طاقت بننے کی طرف سفر شروع کریگی۔
لیکن ہرمین وان کے انتخاب سے یورپی عوام کی توقعات خاک میں مل گئیں کیونکہ ہرمین کو ایک کمزور اور غیر معروف شخصیت سمجھا جاتا ہے کئی لوگوں کا خیال ہے کہ غیر معروف شخص کو یورپی یونین کا صدر کا صدر منتخب کرانا تین بڑوں کے سامنے سر تسلیم خم کرنا ہے تین بڑوں سے مراد جرمنی، فرانس اور برطانیہ ہے جن کا خیال رکھنا کمزور یونین صدر کا پہلا فرض ہو گا کسی عالمی اہمیت کی شخصیت یا سیاسی طور پر مضبوط اور طاقتور شخصیت کا انتخاب فرانس اور جرمنی کیلئے ناقابل قبول تھا۔ اسی لئے ٹونی بلیئر سمیت اہم شخصیات کو مسترد کر دیا گیا فرانس اور جرمنی کو ایک تابعدار صدر کی ضرورت تھی اور ہرمین معیار پر پورا اترتے ہیں
ٹونی بلیئر کی مخالفت میں فرانس سر فہرست تھا دراصل فرانس کسی بھی برطانوی شخصیت کو اس عہدے پر نہیں دیکھنا چاہتا تھا کہ کیونکہ صدر سرکوزی کے خیال میں برطانوی ابھی پوری طرح یورپی یونین کے حق میں نہیں ان کا ایک قدم یورپی یونین کی طرف ہے اور دوسرا برطانوی برتری کی جانب ہے تاہم برطانیہ کو خوش کرنے کیلئے وزارت خارجہ کا قلمدان برطانوی خاتون کیتھرین ایشن کو سونیا گیا ہے بعض نقاد کمزور یورپی صدر اور وزییر خارجہ کے انتخاب کا مطلب لیا ہے کہ یورپ نے فی الحال یورپی یونین کا کردار محدود رکھنے کا فیصلہ کیا ہے۔ معاہدہ نربن کے تحت ہر رکن ملک کے حصے میں چھ ماہ کیلئے یورپی یونین کی صدارت آتی ہے
یکم جنوری سے سپین یورپی یونین کی قیادت سنبھال چکا ہے اس کے ساتھ ہی نئے مستقل صدر بھی یکم جنوری سے اپنا عہدہ سنبھال چکے ہیں یعنی ایک ہی عہدے پر دو شخصیات فائز ہیں ایک کی مدت چھ ماہ اور دوسرے کی ڈھائی سال ہے یعنی مستقل صدر کی موجودگی میں پانچ عارضی صدر بھی اس عہدہ پر فائز رہیں گے۔ ضرورت اس امر کی تھی نربن معاہدہ میں ترمیم کر کے عارضی صدر کا عہدہ ختم کر دیا جاتا لیکن ایسا نہ کرنے سے پوری یونین کو عجیب و غریب کیفیت کا سامنا ہے ادھر ہرمین وان کے انتخاب پر فرانس کے سابق صدر ویلری جسکارڈ بھی خاصے ناخوش ہیں ان کے مطابق کمزور شخصیت کے انتخاب سے یورپ نے خود کو عالمی سطح پر کسی اہم کردار ادا کرنے سے محروم کر لیا ہے حالانکہ یہی وقت تھا جب یورپ دنیا میں اپنی حیثیت منوا سکتا تھا کیونکہ امریکہ کے کردار پر دنیا بھر سے سوالات اٹھ رہے ہیں جبکہ وزیر خارجہ کیتھرین جو برطانیہ میں بھی پہچانی نہیں جاتی ایک کمزور وزیر خارجہ ہیں۔
Reply With Quote
2.gif "Smile::")
Bookmarks