Ahmed faraz

[syedanas]

bhai ap mai sy koe mjhy ahmed faraz k shairi ki link dydy ya un k shair yaha post kr daen to bohat meherbani ho gi ap sub ki shukrea

[Fatima Iqbal]

Move to Urdu adab & shayeri

[koiaya]

Ab k tajdeed-e-wafa ka imkan nahi JANAA
Yaad kya tjh ko dilaen tera paiman JANAA


Yunhi mosam ki ada dekh k yaad aya hai
kis qadar jald badal jate hain insan JANAA


Zindagi teri ataa thi to tere naam thi
Hum ne jaise b basar ki tera ihsaan JANAA


Dil ye kehta hai k shayad ho fasurda tu b
Dil ki kya baat karen dil to hai nadan JANAA


Mudaton se yahi aalam na tawaqo na umeed
Dil pukaare hi chala jata hai JANAA JANAA


Ab tera zikar b Shayad Ghazal main aye
Aur se aur howe dard k unwaan JANAA


Hum k roothi howi Rut ko b mana lete the
Hum ne dekha hi na tha Mosam-e-hijraan JANAA


Hosh aya to sabhi khwab the raiza raiza
Jaise urte howe Auraq-e-Pareshan JANAA

(AHMAD FARAZ)

[koiaya]

Suna hai Log use Ankh bhar k dekhte hain
So us k sheher main kuch din tehr k dekhte hain

Suna hai Rabt hai usko kharab halon se
So apne ap ko barbaad kar k dekhte hain

suna hai dard ki gahak hai chashm-e-naaz uski
So hum b uski gali se guzar k dekhte hain

Suna hai usko b hai sher o shayri se shughaf
So hum b mujze apne hunar k dekhte hain

Suna hai Bole to baton se phool jharte hain
ye baat hai to chalo baat kar k dekhte hain

suna hai raat use chaand takta rehta hai
Sitare baam e falak se utar k dekhte hain

Suna hai din ko use titliyan satate hain
Suna hai raat ko jugno tehr k dekhte hain

Suna hai hashar hain uski ghazaal c ankhen
Suna hai usko heran dasht bar k dekhte hain

Suna hai us ki seya chashmgi Qayamat hai
So us ko surma farosh ah bhar k dekhte hain

Suna hai us k labon se gulab jalte hain
So hum bahar pe ilzaam dhar k dekhte hain

Suna hai Chasm-e-tasawor se dasht-e-imkaan main
Palang zawye us ki kamar k dekhte hain

Suna hai us k badan ki taraash aisi hai
K phol apni qabayen katar k dekhte hain

Ruke to gardeshen us ka tawaaf karti hain
Chale to zamane tehr k Dekhte hain

kise naseeb k be perhn use dekhe
kbi kbi dar o devar ghar k dekhte hain

Kahaniyan hi sahi sab mubaalghe hi sahi
agar wo khwab hai tabeer kar k dekhte hain

Ab us k sheher main tehren k kooch kar jayen
FARAZ ao sitare safar k dekhte hain

[koiaya]

Silsile tor gaya wo sabhi jate jate
Warna itne to marasim the k ate jate


Shikwa zulmat-e-shab se to behtar tha
Apne hisse ki koi Shama jalate jate


Kitna asan tha tere hijar main marna Janaa
Phr b ik umar lagi jan se jate jate


Us ki wo jaane use paas-e-wafa tha k na tha
tum FARAZ apni taraf se to nibhate jate

[koiaya]

tamam umar usi ke khiyaal mein guzri faraz

mera khiyaal jise umar bhar nahein aaya

[koiaya]

Us ne sakoot-e-shab main b apna pyaam rakh diya
Hijr ki raat baam par maah-e-tamaam rakh diya




Aamad-e-Dost ki naveed koye wafa main garam thi
Main ne b aik charagh sa dil Sar-e-shaam rakh diya




Shidat-e-tishnagi main b ghairat-e-maikashi rahi
Us ne jo phair li nazar main ne b jaam rakh diya




Us ne nazar nazar main hi aise bhale sukhan kahe
Main ne to us k paon main sara kalaam rakh diya




Dekho ye mere khwaab the dekho ye mere zakham hain
Main ne to sab hissab-e-jaan bar sar-e-aam rakh diya




Jo b mila usi ka dil halqa bagosh-e-yaar tha
Us ne to saare shehr ko kar k ghulaam rakh diya




Aur FARAZ chaheyen kitni Muhabaten tjhe
Maon ne tere naam par bachon ka naam rakh diya

[koiaya]

Is se pehle k Be wafa ho jayen
Q na A Dost hm juda ho jayen


Tu b heere se ban gya Pathar
Hum b kal jane kya se kya ho jayen


Tu k yakta tha be shumaar howa
Hum b toten to ja baja ho jayen


Hum b majboriyun ka uzar karen
Phr kaheen aur mubtilla ho jayen


Dair se soch main hain parwane
Raakh ho jayen ya Hawa ho jayen


Ishq b khel hai nasibon ka
Khaak ho jayen , kemia ho jayen


Ab k gar to mile to hum tujh se
Aise lipten k teri qabaa ho jayen


BANDAGI HUM NE CHOR DI HAI FARAZ
KYA KAREN LOG JAB KHUDA HO JAYEN

[koiaya]

Hijr e janaa ki gari achi lagi
Ab k tanhai bari achi lagi


Zndagi ki ghup andheri raat main
Yaad ki aik puljhari achi lagi


Shehr-e-dil aur itne logo ka hujum
Wo alag sab se khari achi lagi


Ik shehzaadi magar dil ki faqeer
Us ko meri jhonpri achi lagi


Dil main aa bethi ghazal c wo ghazaal
Ye taswor ki gari achi lagi


Tera dukh,Apni wafa,Kaar e jahan
Jo b shay mehngi pari achi lagi


Ankh b barsi bohot badal k sath
Ab k sawan ki jhari achi lagi


Ye ghazal mjh ko pasand ayi FARAZ
Ye ghazal us ko Bari achi lagi

[koiaya]

tum bhi khafa ho loog bhi burhum hein dosto
ab ho chala yaqin keh bouray hum hein dosto

kis ko hamare hal se nisbut hai kya karein
aankhein to dushmanooN ki bhi purnum hein dosto

apne siwa humaray na hoonay ka ghum kise
apni talaash mein to humein hum hein dosto

kuch aaj shaam hi se hai dil bhi bujha bujha
kuch shahr ke chiragh bhi mudhum hein dosto

iss shahr-e aarjo se bhi baahar nikal chalo
ab dil ki raunaqein bhi koi dum hein dosto

sub kuch sahi Faraz per itna zaroor hai
dunya mein aise loog bauhut kum hein dosto

[koiaya]

barason ke baad dekhaa ik shaKhs dil rubaa saa
ab zahan mein nahin hai par naam thaa bhalaa saa

abaruu khinche khinche se aankhein jhukii jhukii si
baatein rukii rukii sii lahajaa thakaa thakaa saa

alfaaz the ke jugnuu aavaaz ke safar mein
ban jaaye jangaloon mein jis tarah raastaa saa

Khvaaboon mein Khvaab us ke yaadoin mein yaad us kii
niindoon mein ghul gayaa ho jaise ke rat jagaa saa

pahale bhii log aaye kitane hii zindagii mein
vo har tarah se lekin auroon se thaa judaa saa

agalii muhabbatoon ne vo naa muraadiyaan dien
taazaa rafaaqatoon se dil thaa Daraa Daraa saa

kuchh ye ke muddatoon se ham bhii nahin thay roye
kuchh zahar mein bujhaa thaa ahabaab kaa dilaasaa

phir youn huaa ke saavan aankhoon mein aa base the
phir youn huaa ke jaise dil bhii thaa aabalaa saa

ab sach kahain to yaaro ham ko Khabar nahin thii
ban jaayegaa qayaamat ik vaaqiaa zaraa saa

tevar the berukhii ke andaaz dostii ke
vo ajanabii thaa lekin lagataa thaa aashnaa saa

ham dasht the ke dariyaa ham zahar the ke amrit
naahaq thaa zoam ham ko jab vo nahin thaa pyaasaa

ham ne bhii us ko dekhaa kal shaam ittefaaqan
apanaa bhii haal hai ab logo Faraz ka saa

[koiaya]

Chaloo kh kucha-e-Dildar chal k daykhtay hain
kisay kisay hai ya aazaar chal k daykhtay hain

Suna hai aysa masiha kahi say aaya hai
kh us ko shayher k beemar chal k daykhtay hain

hum apnay bot ko , Zulay-kha leya hai Yosaf ko
hai kon ronaq-e-bazar chal k daykhtay hain

suna hai dair-o-harem mian wo nahi milta
so ab k us ko sir-e-dar chal k daykhtay hain

us aik shaks ko daykho to ankheen bherti nahi
us aik shaks ko her bar chal k daykhtay hain

wo maray gher ka kerey qasd jab tu saaey say
kaee qadam dar-o-deewar chal k daykhtay hain

faraz aseer hai is ka kh wo faraz ka hai
hai kon? kiss ka griftar? chal k daykhtay hain