Allama Iqbal
inhain main dhuundhta tha aasmaano'n main zamino'n main
vo nikale mere zulmat-e-khaanaa-e-dil ke makeeno'n main
mahenay vasl ke ghariyon ki suurat ur'te jaate hain
magar ghariyan judai ki guzarti hai mahino'n main
mujhe rokegaa tu ay naa-khuda kya gharq hone se
ke jin ko doubna hai doub jaate hain safiino'n main
jala sakti hai sham-e-***hta ko mauj-e-nafas un ki
ilaahi kya chupa hota hai ahl-e-dil ke seeno'n main
tamanna dard-e-dil ki ho to kar khidmat faqiiron ki
nahin milta ye gouhar baadashaahon ke khazeeno'n main
muhabbat ke liye dil dhoundh koi toutne vaala
ye vo may hai jise rakhte hain naazuk aab-giino'n main
bura samjhun unhain mujh se to aisa ho nahin sakta
ke main khud bhi to hoon "Iqbal" apne nuktachiino'n main
Bookmarks