خودکش حملوں کاماسٹر مائنڈ جہنم واصل
خودکش حملوں کاماسٹر مائنڈ جہنم واصل
اسلام آباد اور لاہور میں خودکش حملوں کا ماسٹر مائنڈ معاذعرف ڈاکٹر ملاکنڈی فیصل آباد میں پولیس مقابلے میں ہلاک ہوگیا۔فیصل آباد پولیس کے ساتھ مقابلے میں دو دہشت گرد ہلاک ہوگئے، مرنیوالوں میں معاذ عرف ملاکنڈی بھی شامل ہے جو اسلام آباد اور لاہور میں دہشت گردی کی بڑی وارداتوں میں ملوث تھا۔پولیس کے مطابق دو دہشت گرد معاذ عرف ڈاکٹر ملاکنڈی اور محمد عادل موٹرسائیکل پر جارہے تھے کہ اسٹیٹ بنک کے سامنے چیکنگ کے دوران ان کا پولیس سے مقابلہ ہوگیا۔
فائرنگ کے تبادلے میں دونوں دہشت گرد ہلاک ہوگئے۔ مرنے والا دہشت گرد معاذ عرف ڈاکٹر ملاکنڈی لاہور میں ریسکیو ون فائیو اور جی ایچ کیو پر خود کش حملوں کا ماسٹر مائنڈ تھا۔ ان کے قبضے سے اسلحہ،دھماکا خیز مواد اور کچھ نقشے برآمد ہوئے ہیں۔ ذرائع کا کہنا ہے کہ ہلاک ہونیو الے دہشت گرد فیصل آباد اور لاہور میں حساس اداروں کے دفاتر پر حملوں کی منصوبہ بندی کر رہے تھے۔ مقابلے میں مرنیوالے دہشت گردوں کی لاشیں ہسپتال منتقل کردی گئی ہیں۔ اس کے علاوہ حساس اداروں نے فیصل آباد کے قریب ایک مدرسے پر چھاپہ مار کر تین دہشت گردوں کو گرفتار کرلیا ہے۔
Reply With Quote
mushee said:
Bookmarks