جانے دو!
آج آواز کو سانسوں میں بکھر جانے دو
لفظِ فریاد میرے دل ہی میں مر جانے دو
میں تو رسوائے شہر ہوں مجھے پتھر مارو
میرے زخموں سے میر ا خواب سنور جانے دو
کوئی پیمانہ نہیں ہے جو میرا ساتھی بنے
سارا مے خانہ تہہِ دید اُتر جانے دو
راکھ سی شوقِ جنوں کی ہے میرے ہاتھوں میں
تم ہواوں کو چلاو اِسے اُڑ جانے دو
میری پوشاک ہے صد چاک ، لہو رنگ مگر
ہے رسمِ آوارہ گری اِسے اور نکھر جانے دو
اور کچھ آگ لگاو میرے ارمانوں کو
مجھ کو خود میری نظر ہی سے اُتر جانے دو
میں کہ مجرم ہوں بہاروں کا مجھے تم حیدر!
ناز صحرا کا بناو اور اُجڑ جانے دو
Reply With Quote
Bookmarks