affwk03-pkgm17_zero4-plus_728x90PK-[B:Infi,C:G.Phon]
Results 1 to 11 of 11

Thread: کلام اقبال : ساقی نامہ

  1. #1
    deemi is offline Senior Member+
    Last Online
    25th June 2014 @ 01:09 PM
    Join Date
    16 Sep 2008
    Location
    Gujranwala
    Age
    34
    Posts
    375
    Threads
    68
    Credits
    134
    Thanked
    49

    Default کلام اقبال : ساقی نامہ

    affwk03-pkgm17_zero4-plus_336x280PK-[B:Infi,C:G.Phon]
    ساقي نامہ


    ہوا خيمہ زن کاروان بہار
    ارم بن گيا دامن کوہسار
    گل و نرگس و سوسن و نسترن
    شہيد ازل لالہ خونيں کفن
    جہاں چھپ گيا پردئہ رنگ ميں
    لہو کي ہے گردش رگ سنگ ميں
    فضا نيلي نيلي ، ہوا ميں سرور
    ٹھہرتے نہيں آشياں ميں طيور
    وہ جوئے کہستاں اچکتي ہوئي
    اٹکتي ، لچکتي ، سرکتي ہوئي
    اچھلتي ، پھسلتي ، سنبھلتي ہوئي
    بڑے پيچ کھا کر نکلتي ہوئي
    رکے جب تو سل چير ديتي ہے يہ
    پہاڑوں کے دل چير ديتي ہے يہ
    ذرا ديکھ اے ساقي لالہ فام!
    سناتي ہے يہ زندگي کا پيام
    پلا دے مجھے وہ مےء پردہ سوز
    کہ آتي نہيں فصل گل روز روز
    وہ مے جس سے روشن ضمير حيات
    وہ مے جس سے ہے مستي کائنات
    وہ مے جس ميں ہے سوزوساز ازل
    وہ مے جس سے کھلتا ہے راز ازل
    اٹھا ساقيا پردہ اس راز سے
    لڑا دے ممولے کو شہباز سے
    زمانے کے انداز بدلے گئے
    نيا راگ ہے ، ساز بدلے گئے
    ہوا اس طرح فاش راز فرنگ
    کہ حيرت ميں ہے شيشہ باز فرنگ
    پراني سياست گري خوار ہے
    زميں مير و سلطاں سے بيزار ہے
    گيا دور سرمايہ داري گيا
    تماشا دکھا کر مداري گيا
    گراں خواب چيني سنبھلنے لگے
    ہمالہ کے چشمے ابلنے لگے
    دل طور سينا و فاراں دو نيم
    تجلي کا پھر منتظر ہے کليم
    مسلماں ہے توحيد ميں گرم جوش
    مگر دل ابھي تک ہے زنار پوش
    تمدن، تصوف، شريعت، کلام
    بتان عجم کے پجاري تمام!
    حقيقت خرافات ميں کھو گئي
    يہ امت روايات ميں کھو گئي
    لبھاتا ہے دل کو کلام خطيب
    مگر لذت شوق سے بے نصيب!
    بياں اس کا منطق سے سلجھا ہوا
    لغت کے بکھيڑوں ميں الجھا ہوا
    وہ صوفي کہ تھا خدمت حق ميں مرد
    محبت ميں يکتا ، حميت ميں فرد
    عجم کے خيالات ميں کھو گيا
    يہ سالک مقامات ميں کھو گيا
    بجھي عشق کي آگ ، اندھير ہے
    مسلماں نہيں ، راکھ کا ڈھير ہے
    شراب کہن پھر پلا ساقيا
    وہي جام گردش ميں لا ساقيا!
    مجھے عشق کے پر لگا کر اڑا
    مري خاک جگنو بنا کر اڑا
    خرد کو غلامي سے آزاد کر
    جوانوں کو پيروں کا استاد کر
    ہري شاخ ملت ترے نم سے ہے
    نفس اس بدن ميں ترے دم سے ہے
    تڑپنے پھٹرکنے کي توفيق دے
    دل مرتضي ، سوز صديق دے
    جگر سے وہي تير پھر پار کر
    تمنا کو سينوں ميں بيدار کر
    ترے آسمانوں کے تاروں کي خير
    زمينوں کے شب زندہ داروں کي خير
    جوانوں کو سوز جگر بخش دے
    مرا عشق ، ميري نظر بخش دے
    مري ناؤ گرداب سے پار کر
    يہ ثابت ہے تو اس کو سيار کر
    بتا مجھ کو اسرار مرگ و حيات
    کہ تيري نگاہوں ميں ہے کائنات
    مرے ديدئہ تر کي بے خوابياں
    مرے دل کي پوشيدہ بے تابياں
    مرے نالہء نيم شب کا نياز
    مري خلوت و انجمن کا گداز
    امنگيں مري ، آرزوئيں مري
    اميديں مري ، جستجوئيں مري
    مري فطرت آئينہء روزگار
    غزالان افکار کا مرغزار
    مرا دل ، مري رزم گاہ حيات
    گمانوں کے لشکر ، يقيں کا ثبات
    يہي کچھ ہے ساقي متاع فقير
    اسي سے فقيري ميں ہوں ميں امير
    مرے قافلے ميں لٹا دے اسے
    لٹا دے ، ٹھکانے لگا دے اسے!
    دما دم رواں ہے يم زندگي
    ہر اک شے سے پيدا رم زندگي
    اسي سے ہوئي ہے بدن کي نمود
    کہ شعلے ميں پوشيدہ ہے موج دود
    گراں گرچہ ہے صحبت آب و گل
    خوش آئي اسے محنت آب و گل
    يہ ثابت بھي ہے اور سيار بھي
    عناصر کے پھندوں سے بيزار بھي
    يہ وحدت ہے کثرت ميں ہر دم اسير
    مگر ہر کہيں بے چگوں ، بے نظير
    يہ عالم ، يہ بت خانہء شش جہات
    اسي نے تراشا ہے يہ سومنات
    پسند اس کو تکرار کي خو نہيں
    کہ تو ميں نہيں ، اور ميں تو نہيں
    من و تو سے ہے انجمن آفرين
    مگر عين محفل ميں خلوت نشيں
    چمک اس کي بجلي ميں تارے ميں ہے
    يہ چاندي ميں ، سونے ميں ، پارے ميں ہے
    اسي کے بياباں ، اسي کے ببول
    اسي کے ہيں کانٹے ، اسي کے ہيں پھول
    کہيں اس کي طاقت سے کہسار چور
    کہيں اس کے پھندے ميں جبريل و حور
    کہيں جرہ شاہين سيماب رنگ
    لہو سے چکوروں کے آلودہ چنگ
    کبوتر کہيں آشيانے سے دور
    پھڑکتا ہوا جال ميں ناصبور
    فريب نظر ہے سکون و ثبات
    تڑپتا ہے ہر ذرئہ کائنات
    ٹھہرتا نہيں کاروان وجود
    کہ ہر لحظہ ہے تازہ شان وجود
    سمجھتا ہے تو راز ہے زندگي
    فقط ذوق پرواز ہے زندگي
    بہت اس نے ديکھے ہيں پست و بلند
    سفر اس کو منزل سے بڑھ کر پسند
    سفر زندگي کے ليے برگ و ساز
    سفر ہے حقيقت ، حضر ہے مجاز
    الجھ کر سلجھنے ميں لذت اسے
    تڑپنے پھٹرکنے ميں راحت اسے
    ہوا جب اسے سامنا موت کا
    کٹھن تھا بڑا تھامنا موت کا
    اتر کر جہان مکافات ميں
    رہي زندگي موت کي گھات ميں
    مذاق دوئي سے بني زوج زوج
    اٹھي دشت و کہسار سے فوج فوج
    گل اس شاخ سے ٹوٹتے بھي رہے
    اسي شاخ سے پھوٹتے بھي رہے
    سمجھتے ہيں ناداں اسے بے ثبات
    ابھرتا ہے مٹ مٹ کے نقش حيات
    بڑي تيز جولاں ، بڑي زورد رس
    ازل سے ابد تک رم يک نفس
    زمانہ کہ زنجير ايام ہے
    دموں کے الٹ پھير کا نام ہے
    يہ موج نفس کيا ہے تلوار ہے
    خودي کيا ہے ، تلوار کي دھار ہے
    خودي کيا ہے ، راز درون حيات
    خودي کيا ہے ، بيداري کائنات
    خودي جلوہ بدمست و خلوت پسند
    سمندر ہے اک بوند پاني ميں بند
    اندھيرے اجالے ميں ہے تابناک
    من و تو ميں پيدا ، من و تو سے پاک
    ازل اس کے پيچھے ، ابد سامنے
    نہ حد اس کے پيچھے ، نہ حد سامنے
    زمانے کے دريا ميں بہتي ہوئي
    ستم اس کي موجوں کے سہتي ہوئي
    تجسس کي راہيں بدلتي ہوئي
    وما دم نگاہيں بدلتي ہوئي
    سبک اس کے ہاتھوں ميں سنگ گراں
    پہاڑ اس کي ضربوں سے ريگ رواں
    سفر اس کا انجام و آغاز ہے
    يہي اس کي تقويم کا راز ہے
    کرن چاند ميں ہے ، شرر سنگ ميں
    يہ بے رنگ ہے ڈوب کر رنگ ميں
    اسے واسطہ کيا کم و بيش سے
    نشب و فراز وپس و پيش سے
    ازل سے ہے يہ کشمکش ميں اسير
    ہوئي خاک آدم ميں صورت پذير
    خودي کا نشيمن ترے دل ميں ہے
    فلک جس طرح آنکھ کے تل ميں ہے
    خودي کے نگہباں کو ہے زہر ناب
    وہ ناں جس سے جاتي رہے اس کي آب
    وہي ناں ہے اس کے ليے ارجمند
    رہے جس سے دنيا ميں گردن بلند
    فرو فال محمود سے درگزر
    خودي کو نگہ رکھ ، ايازي نہ کر
    وہي سجدہ ہے لائق اہتمام
    کہ ہو جس سے ہر سجدہ تجھ پر حرام
    يہ عالم ، يہ ہنگامہء رنگ و صوت
    يہ عالم کہ ہے زير فرمان موت
    يہ عالم ، يہ بت خانہء چشم و گوش
    جہاں زندگي ہے فقط خورد و نوش
    خودي کي يہ ہے منزل اوليں
    مسافر! يہ تيرا نشيمن نہيں
    تري آگ اس خاک داں سے نہيں
    جہاں تجھ سے ہے ، تو جہاں سے نہيں
    بڑھے جا يہ کوہ گراں توڑ کر
    طلسم زمان و مکاں توڑ کر
    خودي شير مولا ، جہاں اس کا صيد
    زميں اس کي صيد ، آسماں اس کا صيد
    جہاں اور بھي ہيں ابھي بے نمود
    کہ خالي نہيں ہے ضمير وجود
    ہر اک منتظر تيري يلغار کا
    تري شوخي فکر و کردار کا
    يہ ہے مقصد گردش روزگار
    کہ تيري خودي تجھ پہ ہو آشکار
    تو ہے فاتح عالم خوب و زشت
    تجھے کيا بتاؤں تري سرنوشت
    حقيقت پہ ہے جامہء حرف تنگ
    حقيقت ہے آئينہ ، گفتار زنگ
    فروزاں ہے سينے ميں شمع نفس
    مگر تاب گفتار کہتي ہے ، بس!
    اگر يک سر موے برتر پرم
    فروغ تجلي بسوزد پرم،

  2. #2
    dil wale's Avatar
    dil wale is offline Senior Member+
    Last Online
    19th April 2013 @ 03:36 AM
    Join Date
    03 Mar 2010
    Age
    32
    Posts
    3,627
    Threads
    56
    Credits
    0
    Thanked
    183

    Default

    thanks 4 sharing

  3. #3
    Qamar Khalid's Avatar
    Qamar Khalid is offline Senior Member+
    Last Online
    25th November 2014 @ 06:53 PM
    Join Date
    30 Nov 2009
    Location
    ``~~``NAWABSHAH city of peace``~~``
    Age
    24
    Gender
    Male
    Posts
    4,053
    Threads
    201
    Credits
    124
    Thanked
    302

    Default

    good.

  4. #4
    Dua's Avatar
    Dua is offline Senior Member+
    Last Online
    9th March 2015 @ 03:10 PM
    Join Date
    18 Jun 2010
    Location
    swabi kpk
    Age
    25
    Gender
    Female
    Posts
    2,749
    Threads
    137
    Credits
    0
    Thanked
    114

    Default

    nice shairing

  5. #5
    Asad Maqsood's Avatar
    Asad Maqsood is offline Senior Member+
    Last Online
    27th December 2013 @ 10:57 PM
    Join Date
    28 May 2010
    Location
    SDK
    Age
    23
    Gender
    Male
    Posts
    558
    Threads
    54
    Credits
    0
    Thanked
    76

    Default

    bohat khoob. bohat umda sharing hai. very great effort. keep sharing content like this. Allah ap ko aisay kam karne ki mazeed tofeeq de.

  6. #6
    dil wale's Avatar
    dil wale is offline Senior Member+
    Last Online
    19th April 2013 @ 03:36 AM
    Join Date
    03 Mar 2010
    Age
    32
    Posts
    3,627
    Threads
    56
    Credits
    0
    Thanked
    183

    Default

    Bohut khoob

  7. #7
    gulfam-terenam's Avatar
    gulfam-terenam is offline Senior Member+
    Last Online
    25th February 2011 @ 08:36 PM
    Join Date
    02 May 2010
    Location
    " Sweet Karachi "
    Posts
    1,429
    Threads
    52
    Credits
    131
    Thanked
    108

    Default

    اٹھا ساقيا پردہ اس راز سے
    لڑا دے ممولے کو شہباز سے
    زمانے کے انداز بدلے گئے
    نيا راگ ہے ، ساز بدلے گئے
    ہوا اس طرح فاش راز فرنگ
    کہ حيرت ميں ہے شيشہ باز فرنگ

    ھمممممممم....کمال کی شیئرنگ ہے جناب


  8. #8
    deemi is offline Senior Member+
    Last Online
    25th June 2014 @ 01:09 PM
    Join Date
    16 Sep 2008
    Location
    Gujranwala
    Age
    34
    Posts
    375
    Threads
    68
    Credits
    134
    Thanked
    49

    Default

    Thanx for Liked

  9. #9
    Join Date
    05 Jan 2008
    Location
    Kharian
    Age
    27
    Posts
    167
    Threads
    0
    Thanked
    5

    Default

    nice
    Keep it up

  10. #10
    darpanrukh is offline Member
    Last Online
    26th March 2011 @ 08:36 PM
    Join Date
    05 Feb 2010
    Location
    ?????????????
    Gender
    Male
    Posts
    3,790
    Threads
    312
    Thanked
    493

    Default

    خودي شير مولا ، جہاں اس کا صيد
    زميں اس کي صيد ، آسماں اس کا صيد
    جہاں اور بھي ہيں ابھي بے نمود
    کہ خالي نہيں ہے ضمير وجود
    خودي شير مولا ، جہاں اس کا صيد
    زميں اس کي صيد ، آسماں اس کا صيد
    جہاں اور بھي ہيں ابھي بے نمود
    کہ خالي نہيں ہے ضمير وجود

    ماشاءللہ کیا خوب شیئرنگ کی ہے آپ نے
    شکریہ آپ کی اس انمول شیئرنگ کا

  11. #11
    Hope's Avatar
    Hope is offline Senior Member
    Last Online
    10th December 2016 @ 07:04 PM
    Join Date
    25 Jan 2009
    Location
    Islamabad
    Gender
    Male
    Posts
    17,405
    Threads
    750
    Credits
    64
    Thanked
    212

    Default

    affwk03-pkgm17_zero4-plus_336x280PK-[B:Infi,C:G.Phon]
    Bhaot Umda
    Keep Sharing

Similar Threads

  1. Replies: 17
    Last Post: 18th December 2012, 05:50 AM
  2. Replies: 10
    Last Post: 9th August 2010, 12:13 AM
  3. Replies: 21
    Last Post: 9th August 2010, 12:08 AM
  4. Replies: 13
    Last Post: 3rd August 2010, 07:19 PM
  5. Replies: 21
    Last Post: 2nd August 2010, 05:00 PM

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •