Yeh Hi Ghubaar Mera
Suna Raha Hai Kahani Yeh Hi Ghubaar Mera
Mila Howa Hai Kisi Dasht Say Deyaar Mera
Ragon Main Nach Raha Hai Fishar-E-Khon Ban Kar
Merey Janoon Pay Nahin Kuch Bhi Ikhtiyaar Mera
Hai KIa Ba'aeed K Main Toor Tak Bhi Ja Poohnchon
Khuda Ko Ho Bhi Tu Ho Sakta Hai Intizaar Mera
Hawa K Dil Pay Thi Mujh Say Na Janay Kia Bukhash
K Dasht Bhar Main Uraati Rahi Ghubaar Mera
Main Woh Kahani Hoon Tum Tool Jis Main Chahao Gaye
Tumhain Pasand Na Aaye Ga Ikhtisaar Mera
Meri Wafa Ki Gawaahi Sitaaray Detay Hain
Pay Merey Chaand Ko Aaya Na Aaitbaar Mera
Aur Ab Tu Mujh Ko Isi Baat Par Hai Naaz MohsiN
K Apnay Aap Main Honay Laga Shumaar Mera
aslam,taj,roni
Bookmarks