پاکستان کے صوبہ خیبر پختون خواہ میں حکام اور امدادی اداروں کا کہنا ہے کہ مالاکنڈ ڈویژن میں سیلاب سے مرکزی پل کے پانی میں بہہ جانے سے تقریباً ستائیس لاکھ آبادی سے زمینی رابطہ منقطع ہو گیا ہے۔
پشاور میں قدرتی آفات سے نمٹنے کےلیے قائم ادارے پی ڈی ایم اے کے ترجمان عدنان خان نے بی بی سی سے کو بتایا کہ چکدرہ کے مقام پر مرکزی پل کا ایک حصہ پانی میں بہہ جانے سے تین اضلاع اپر دیر، لوئر دیر اور چترال سے زمینی رابطہ پچھلے چار پانچ دنوں سے مکمل طورپر کٹا ہوا ہے۔
عدنان خان نے کہا کہ سوات کے بالائی حصوں میں تمام پل تباہ ہوچکے ہیں جس کی وجہ سے ان تمام علاقوں کا مینگورہ شہر سے زمینی رابطہ بدستور منقطع ہے۔
Bookmarks