Deewan e Ghalib

[itzAltaf]

عشق سے طبیعت نے زیست کا مزا پایا

درد کی دوا پائی، درد بے دوا پایا

غنچہ پھر لگا کھلنے، آج ہم نے اپنا دل

خوں کیا ہوا دیکھا، گم کیا ہوا پایا

شورِ پندِ ناصح نے زخم پر نمک چھڑکا

آپ سے کوئی پوچھے تم نے کیا مزا پایا

فکرِ نالہ میں گویا، حلقہ ہوں زِ سر تا پا

عضو عضو جوں زنجیر، یک دلِ صدا پایا

حال دل نہیں معلوم، لیکن اس قدر یعنی

ہم نے بار ہا ڈھونڈھا، تم نے بارہا پایا

شب نظاره پرور تھا خواب میں خرام اس کا

صبح موجۂ گل کو نقشِ بوریا پایا

جس قدر جگر خوں ہو، کوچہ دادنِ گل ہے

زخمِ تیغِ قاتل کو طُرفہ دل کشا پایا

ہے نگیں کی پا داری نامِ صاحبِ خانہ

ہم سے تیرے کوچے نے نقشِ مدّعا پایا

دوست دارِ دشمن ہے! اعتمادِ دل معلوم

آه بے اثر دیکھی، نالہ نارسا پایا

نَے اسد جفا سائل، نَے ستم جنوں مائل

تجھ کو جس قدر ڈھونڈھا الفت آزما پایا

[Sanas]

zabardast bahi g
Keep sharing

[sultanasir]

بازی خورِ فریب ہے اہلِ نظر کا ذوق
ہنگامہ گرم حیرتِ بود و نمود تھا

عمدہ سلیکشن اورزبردست شیئرنگ
بہت شکریہ

[Jaansaagar]

[itzAltaf]

بس کہ ہوں غالبؔ ، اسیری میں بھی آتش ز یِر پا
موئے آتش دیده ہے حلقہ مری زنجیر کا

[itzAltaf]

دل میرا سوز نہاں سے بے محابا جل گیا
آتش خاموش کی مانند، گویا جل گیا
دل میں ذوقِ وصل و یادِ یار تک باقی نہیں
آگ اس گھر میں لگی ایسی کہ جو تھا جل گیا
میں عدم سے بھی پرے ہوں، ورنہ غافل! بارہا
میری آهِ آتشیں سے بالِ عنقا جل گیا
عرض کیجئے جوہرِ اندیشہ کی گرمی کہاں؟
کچھ خیال آیا تھا وحشت کا، کہ صحرا جل گیا
دل نہیں، تجھ کو دکھاتا ورنہ، داغوں کی بہار
اِس چراغاں کا کروں کیا، کارفرما جل گیا
دود میرا سنبلستاں سے کرے ہے ہمسری
بس کہ ذوقِ آتشٕ گل سے سراپا جل گیا
شمع رویوں کی سر انگشتِ حنائی دیکھ کر
غنچۂ گل پر فشاں، پروانہ آسا، جل گیا
خانمانِ عاشقاں دکانِ آتش باز ہے
شعلہ رو جب ہو گئے گرمِ تماشا، جل گیا
تا کجا افسوسِ گرمی ہاۓ صحبت، اے خیال
دل بسوزِ آتشِ داغِ تمنّا جل گیا
میں ہوں اور افسردگی کی آرزو، غالبؔ ! کہ دل
دیکھ کر طرزِ تپاکِ اہلِ دنیا جل گیا

[itzAltaf]

شوق، ہر رنگ رقیبِ سروساماں نکلا
قیس تصویر کے پردے میں بھی عریاں نکلا
زخم نے داد نہ دی تنگئ دل کی یارب
تیر بھی سینۂ بسمل سے پَرافشاں نکلا
بوئے گل، نالۂ دل، دودِ چراغِ محفل
جو تری بزم سے نکلا، سو پریشاں نکلا
دلِ حسرت زده تھا مائدۀ لذتِ درد
کام یاروں کا بہ قدرٕ لب و دنداں نکلا
فنا ہمتِ اے نو آموزِ دشوار پسند!
سخت مشکل ہے کہ یہ کام بھی آساں نکلا
شوخئِ رنگِ حنا خونِ وفا سے کب تک
آخر اے عہد شکن! تو بھی پشیماں نکلا
دل میں پھر گریے نے اک شور اٹھایا غالبؔ
آه جو قطره نہ نکلا تھا سُ و طوفاں نکلا

[itzAltaf]

دھمکی میں مر گیا، جو نہ بابِ نبرد تھا
"عشقِ نبرد پیشہ" طلبگارِ مرد تھا
تھا زندگی میں مرگ کا کھٹکا لگا ہوا
اڑنے سے پیشتر بھی، مرا رنگ زرد تھا
تالیفِ نسخہ ہائے وفا کر رہا تھا میں
مجموعۂ خیال ابھی فرد فرد تھا
دل تاجگر، کہ ساحلِ دریائے خوں ہے اب
اس ره گزر میں جلوۀ گل، آگے گرد تھا
جاتی ہے کوئی کشمکش اندوهِ عشق کی !
دل بھی اگر گیا، تو وُ ہی دل کا درد تھا
احباب چاره سازئ وحشت نہ کر سکے
زنداں میں بھی خیال، بیاباں نورد تھا
یہ لاشِ بے کفن اسدؔ خستہ جاں کی ہے
حق مغفرت کرے عجب آزاد مرد تھا

[Hope]

Bhaot Khoob
Thanks

[itzAltaf]

شمار سبحہ،" مرغوبِ بتِ مشکل" پسند آیا
تماشائے بہ یک کف بُردنِ صد دل، پسند آیا
بہ فیضِ بے دلی، نومیدئ جاوید آساں ہے
کشائش کو ہمارا عقدۀ مشکل پسند آیا
ہوائے سیرِگل، آئینۂ بے مہرئ قاتل
کہ اندازِ بخوں غلطیدنِ بسمل پسند آیا
ہوئی جس کو بہارِ فرصتِ ہستی سے آگاہی
برنگِ لالہ، جامِ باده بر محمل پسند آیا
سوادِ چشمِ بسمل انتخابِ نقطہ آرائی
خرامِ نازِ بے پروائِ قاتل پسند آیا
خونِ بسمل سے ٹپکتا ہے روانی ہاۓ موجِ
کہ لطفِ بے تحاشا رفتنِ قاتل پسند آیا
اسدؔ ہر جا سخن نے طرحِ باغِ تازه ڈالی ہے
مجھے رنگِ بہار ایجادئِ بیدلؔ پسند آیا

[itzAltaf]

دہر میں نقشِ وفا وجہ تسلی نہ ہوا
ہے یہ وه لفظ کہ شرمندۀ معنی نہ ہوا
نہ ہوئی ہم سے رقم حیرتِ خطِّ رخِ یار
صفحۂ آئینہ جولاں گہِ طوطی نہ ہوا
سبزۀ خط سے ترا کاکلِ سرکش نہ دبا
یہ زمرد بھی حریفِ دمِ افعی نہ ہوا
میں نے چاہا تھا کہ اندوهِ وفا سے چھوٹوں
وه ستمگر مرے مرنے پہ بھی راضی نہ ہوا
دل گزر گاه خیالِ مے و ساغر ہی سہی
گر نف س جادۀ سرمنزلِ تقوی نہ ہوا
ہوں ترے وعده نہ کرنے پر بھی راضی کہ کبھی
گوش منت کشِ گلبانگِ تس لّی نہ ہوا
کس سے محرومئ قسمت کی شکایت کیجیے
ہم نے چاہا تھا کہ مر جائیں، سو وه بھی نہ ہوا
وسعتِ رحمتِ حق دیکھ کہ بخشا جاۓ
مجھ سا کافرکہ جو ممنونِ معاصی نہ ہوا
مر گیا صدمۂ یک جنبشِ لب سے غالبؔ
ناتوانی سے حریف دمِ عیسی نہ ہوا

[itzAltaf]

ستایش گر ہے زاہد ، اس قدر جس باغِ رضواں کا
وه اک گلدستہ ہے ہم بیخودوں کے طاقِ نسیاں کا
بیاں کیا کیجئے بیدادِکاوش ہائے مژگاں کا
کہ ہر یک قطرهء خوں دانہ ہے تسبیحِ مرجاں کا
نہ آئی سطوتِ قاتل بھی مانع ، میرے نالوں کو
لیا دانتوں میں جو تنکا ، ہوا ریشہ نَ یَستاں کا
دکھاؤں گا تماشہ ، دی اگر فرصت زمانے نے
مِرا ہر داغِ دل ، اِک تخم ہے سروِ چراغاں کا
کیا آئینہ خانے کا وه نقشہ تیرے جلوے نے
کرے جو پرتوِ خُ ورشید عالم شبنمستاں کا
مری تعمیر میں مُضمر ہے اک صورت خرابی کی
ہیولٰی برقِ خرمن کا ، ہے خونِ گرم دہقاں کا
اُگا ہے گھر میں ہر سُو سبزه ، ویرانی تماشہ کر
مدار اب کھودنے پر گھاس کے ہے، میرے درباں کا
خموشی میں نہاں ، خوں گشتہ لاکھوں آرزوئیں ہیں
چراغِ مُرده ہوں ، میں بے زباں ، گورِ غریباں کا
ہنوز اک "پرتوِ نقشِ خیالِ یار" باقی ہے
دلِ افسرده ، گویا، حجره ہے یوسف کے زنداں کا
بغل میں غیر کی، آج آپ سوتے ہیں کہیں، ورنہ
سبب کیا خواب میں آکر تبسّم ہائے پنہاں کا
نہیں معلوم ، کس کس کا لہو پانی ہوا ہوگا
قیامت ہے سرشک آلوده ہونا تیری مژگاں کا
نظر میں ہے ہماری جادۀ راهِ فنا غالبؔ
کہ یہ شیرازه ہے عا لَم کے اجزائے پریشاں کا