السلام علیکم دوستو
پاکستان کی حکومت نے فیصلہ
کیا ہے کہ وہ ملک کی خفیہ
ایجنسی آئی ایس آئی اور اِس
کے موجودہ اور سابق سربراہان
کے خلاف امریکی عدالت میں
دائر مقدمے کا دفاع کرے گی۔
دفترِ خارجہ سے جاری کردہ آج
ایک بیان میں کہا گیا ہے کہ
واشنگٹن میں آئی ایس آئی کی
جانب سے حکومتِ پاکستان اور
پاکستانی سفارتخانہ اس
مقدمے میں دفاع کے لیے جامع
اور مناسب اقدامات کریں گے۔
بیان کے مطابق، وزیراعظم
یوسف رضا گیلانی پہلے ہی
قومی اسمبلی میں بیان دیتے
ہوئے دوٹوک الفاظ میں کہہ
چکے ہیں کہ وہ اِس پر یقین
نہیں رکھتے کہ پاکستانی
ایجنسی آئی ایس آئی اور اس کے
موجودہ یا سابق افسران کو
امریکہ کی کسی سول عدالت کے
مقدمے میں ملوث کیا جائے اور
اس مقدمے کے خاتمے کے لیے
مناسب اقدامات کیے جائیں گے۔
یاد رہے نیویارک میں بروکلین
کی ایک عدالت نے سنہ دو ہزار
آٹھ کے ممبئی حملوں میں
پاکستان کی خفیہ ایجنسی آئی
ایس آئی کے موجودہ اور سابق
سربراہان اور کالعدم تنظیم
لشکرِ طیبہ کے کئی عہدیداروں
کو اگلے ماہ جنوری میں عدالت
میں پیش ہونے کے سمن جاری
کیئے تھے۔
Bookmarks