World Famous Photos...!!!

[talhaarfi]

Assalam-o-alaikum..

Doston aaj main apne thread main aap logon k saath dunya kee kuch mashoor tareen pictures share kar raha hoon..main ne baree mehnat se yeh data jama kiya hai ...umeed hai aap logon ko pasand aayengee...

[talhaarfi]

Yeh photo national geographic channel k ek photographer Steve Mc Cuury ne lee thee..Sarbat Gula ek Panah Gazeen Camp main ek talib-e-ilm thee..
Mc Curry ne yeh photo baree mushkil se us waqt lee jab yeh larki 12 saal kee thee...aur photographer ne yeh photo Natinal Geographic Magazine k cover par laga dee..

[talhaarfi]

Omayra un 25,000 logon main se ek thee jo k 14th November 1985 ko Nevado del Ruiz (Colombia) main ek Aatish Fishaan k phatne ka shikaar howe...
Yeh 13 saala larki 3 din tak pani aur folad main phansee rahee..Yeh pic is Larki k maarne se chand minutes pehle lee gayee...

[talhaarfi]

Yeh pic Yousaf Karsh nami ek photgrapher ne us waqt lee jab Winston Churchill (Prime Minister of the United Kingdom from 1940 to 1945 and again from 1951 to 1955) Ottawa gaye...
Is portrait k baaray main kaha jata hai k yeh dunya main sab se zyada reproduce hua aur Life magazine k cover par bhee chapa tha..

[talhaarfi]

Is photo main yeh dikhaya gaya hai k kiss tarhan ek Kosovo kee mahagir bachee ko khardaar taaron k darmiyan se guzar kar us k grand parents k haathon main diya ja raha hai..Yeh photo The Washington Post's Putilizer Prize -winning entry (2000) ka ek hissa thee..

[talhaarfi]

Yeh photo bhee Putilizer award winner hai..1994 main yeh photo us waqt lee gayee jab Sudan main Qehat (famine) par gaya..Is photo main is Qehat k shikar ek bache ko dikhaya gaya hai jo k wahan se 1 kilometer dur United Nations k food camp kee jaanib ja raha hai..
aur is bache k qareeb main hee ek Gidh (vulture) betha hai ho jo is bache kee maut ka intezar kar raha hai
takay woh isay kha sakay..Is tasveer ne poori dunya main ek tehalka macha diya..kissi ko nahee maloom k is bache k saath kya hua..yahan tak k photographer ko bhee kyon k woh (photographer) photo lete hee us jagah se chala gaya tha..aur teen maheenay baad us ne depression kee wajh se khudkushi karlee..

[talhaarfi]

North Carolina main naslee imtiaz ka ek manzar...Pic taken by Elliot Erwitt

[talhaarfi]

June 11,1963..Vietnam main Thic Quang Duc namee ek buddh darwaish/jogi (buddhist monk) ne khud ko aag laga kar khud khushi karlee..takay woh apnay mulk k hukmaranon kee tawajh budh par honay wale zulm-o-sitam kee taraf la sakay..
Is shaks ne yeh qadam is liye uthaya takay budhs ko catholic k massawee huqooq milain aur un ko apne mazhab aur ussay phelanay kee khuli choot de jaye..aag lagane k baad Quang ek inch bhee apnee jagah se nahee hila..

[talhaarfi]

Is tasweer se to kon waqif nahee hoga..yeh pic windows xp k Luna theme kee default wallpaper hai...yeh pic ek professional photographer Charles O' Rear ne lee..Bliss namee yeh pic ek Qudrati manzar hai jo k Napa country,California k mashriq Sonoma Valley ka hai..

[talhaarfi]

Is tasweer un logon kee lashain dikhaye gayee hain jo Triangle Shritwaist namee ek company k mulazim thai..Jo Company k rule "Mulazmeen ko bahar janay kee ijazat nahee thee aur factory k darwazay band thai..especially mahajir khawateen k liye,takay woh kuch chura na saken ya bhaag saken " kee wajh se aag lagne se zinda jal gaye aur Factory k darwazay band honay kee wajah se apnee jaan nahee bacha sake...us roz total 146 log maray..

[talhaarfi]

yeh pic famous philosopher, social scientist aur historian Karl Marx kee hai..

[talhaarfi]

Mujhe Aap logon kee rai ka intezar hai....