Ksi khsh nigah
کسي خوش نگاہ سي آنکھ نے۔۔۔
کسي خوش نگاہ سي آنکھ نے کمال مجھ پہ کرم کيا
مري روح جاں پہ رقم کيا
وہ جو ايک چاند سا حرف تھا وہ جو ايک شام سا نام تھا
وہ جو ايک پھول سي بات پھرتي تھي در بدر
اسے گلستان کا پتا ديا
مرا دل کہ شہر ملال تھا اسے روشني ميں بسا ديا
مري آنکھ اور مرے خواب کو کسي ايک پل میں بہم کيا
مرے آئنوں پہ جو گرد تھي مہ و سال کي
وہ اتر گئي
وہ جو دھند تھي مرے چار سو وہ بکھر گئي
ابھي روپ عکس جمال کے
سبھي خواب شام و صال کے
جو غبار وقت ميں سر بسر تھے آئے ہوئے
وہ چمک اٹھے
وہ جو پھول راہ کي دھول تھے، وہ مہک اٹھے
لے ساتھ رنگ بہار کے
چلا ميں جو سنگ بہار کے
تو سجا ديئے سبھي راستے
کسي دشت شعبدہ سازنے
مرے نام پر مرے واسطے
مري بے گھري کو پمناہ دي مري جستجو کو نشان ديا
جو يقين سے بھي حسين ہے مجھے ايک ايسا گماں ديا
وہ جو ريزہ ريزہ وجود تھا
اسے ايک نظر ميں بہم کيا
کس خوش نگاہ سي آنکھ نے
يہ کمال مجھ پہ کرم کيا۔۔۔۔
Reply With Quote
Bookmarks