Salam dosto, main kafi waqt se regular itd site visit karraha hu aur bohat shok se different articles wagera parhte aur kafi enjoy hota hy aur information milti hy, aaj main aap sab ke sath apni Past ki hacking history life share karne jaraha hu jo mere apne khud ke alfaaz main hy aur hakikat hy aur umeed karta hu aap iss thread se kuch na kuch shikhege
aaj se 9 saal pehle main ne computer liya aur mujhe kuch bi chalana wagera nahi ata tha, maze ki baat batao woh pehla din aaj bi mujhe yaad hy jab computer lekar aya mere sath mera dost bi tha aur hum ek movie cd chalane ki koshish karrahe aur 1 ghante baad woh chali to hum khushi se jhoom uthey, aahista aahista waqt guzarta gaya aur main sab sikh gaya aur interent ki dunya main bi aa kar chating wagera karna sab sikh gaya phir mujhe achanak hacking ka shok uthne laga aur dusro ke computer hack karne ka dil karne laga phir ispar main ne din raat ek kardi aur sara sara din ispar laga rehta apne ustaad Google ke sath, mujhe koi guide karne wala nahi tha sirf Google aur mera apna creative mind , main logo ke computer hack karne main kamyaab hogaya aur main unko bagair kuch send kiye karta tha, kuch bi send nahi karta tha aur apni technique se unka pura pc mere control main hota tha phir unke computer ki live screen dekh kar woh kia karrahe hy aur kiya nahi , bohat enjoy milta tha aur bohat kuch karta , woh kehte hy na dusro ki privacy jaan kar maza milta hy hahaah, khair phir iss tarah se waqt guzarta raha aur main logo ke Email ID bi hack karne laga alag se aur waqt uhi guzarta raha, mera mind humesha kuch new cheez karne ka sochta,
ek waqt tha ke dunya main kisi bi country main aur kisi bi number par 24 hours free call karta tha aur main apne dosto ko alag alag cheeze bata kar unko surprise kar deta, main logo ke mobile number apne control main le leta tha ke jo bi call karu ya msg karu to unka number jaye aur wo dar jaye hahah, aur aap ke email ID se hi aap ko email kar sakta hu bagair password ke with same emal ID, agla pareshan, khair woh bi din the aur waqt uhi guzarta gaya aur har cheez meri khud ki creativity thi , explore wagera karna aur kis tarah se apna maksad hasil karna ke saamne wale ko iski bhanak tak na ho,
phir chand saal uhi guzar gaye aur main ne logo ke computer hack karna chor dia tha kiyo ke dil bhar gaya tha na aur phir achanak mere saamne ek black market aai internet ki online jaga par ek se ek bare hacker aur dusre log apas main different cheezey buy and sell karrahe aur paise kama rahe hy, main ye sab kuch din tak dekhta aur mera interest bohat barha aur main ne bi socha ke main aisa kuch karu aur paise kamao phir
main ne uss black market main account banaya aur logo ke sath interaction barhai aur phir main bi dusro logo ke computer ki information aur unki cheezey chori karne laga aur black market main kam price par sell karne lag gaya aur iss tarah paisey kamane ka silsila shuru hogaya,
jaha tak mujhe lagta hy internet par aisi koi cheez nahi jo main ne na ki ho, apni har soch ko practical karke dikhaya hay aur haasil kiya hy, khair phir main world ke most popular Paypal, Libertyreserve, Moneybookers , amazon, ebay wagera main bi agaya aur mere pas hard cash ane lag gaya, ek banda hy, main usko electronic currency deta tha aur woh mere bank ja kar khud mere bank account main paise jama karwa deta, Moneybookers main mera ek pura account jis main kuch amount thi block kardiye the unn logo ne, UK angraizo ko live phone karke unse discuss karta phir ek dafa main ne apne moneybookers account se khud personally woha se online apne bank account paisey transfer kiye aur next day mujhe apne bank se call ati aur aur kehta hy k sir ap yaha ajaye hum ko guide karde, ye allowed nahi hy aur hum isey wapis bhej rahe hy, main ne kaha ok, aur main ghabraya nahi aur woha ja kar bank manager se mulakat ki aur kaha ke ye mera apna paisa hy online earn kia hy advertising wagera karke, unki written application di phir mera paisa transfer hogaya aur mil gaya warna humesha wohi banda mere bank ja kar khud jama karta aur main ussey e currency send karta,
khair ye sil sila uhi chalta raha aur main ne apni kaafi saalo ki details chand paragraph main batane ki koshish ki, har activity aur chiz ki full details to de nahi sakte, credit cards main bi khelne ka moka mila aur kuch karne ka lekin ye bohat bara crime aur risky area hy isliye main ne kabi bi iss cheez main hath nahi daal, dar ki waja se aur humesha safe hokar halka phulka kar leta tha.
phir kuch waqt ye sab kuch karne ke baad mujhe ehsaas huwa ke main ne jo kuch kiya woh sab galat aur pata nahi kitne logo ko mera waja se kitna nuksan huwa hoga aur phir main ne toba karli aur sab kuch chor diya aur ab kisi bi cheez main koi bi hath nahi dalta, kuch bhi nahi karta, kiyo ke upar mera ALLAH to mujhe dekh raha hy na, main kese kisi ko nuksan pohnchao
mujhe aaj takriban 8 months hogaye hy sab kuch chore huwey, ALLAH ka shukar aur karam hy, aur aap se bi guzarish hy ke aap bi iss tarah ka koi shok na rakhe, waqt barbaad hy aur kuch hasil nahi
aap sab ka shukriya aap ne waqt dia mere iss article ko parhne keliye aur main chahta hu aap apne comments de aur hosake to apna kuch life experience share karde agar koi ho aur han plz don't use any abusive lang.
agar aap ke zehan main koi sawal wagera hy ya koi problem hy to iss thread main puchey main ap ki help karuga aur information provide karuga jaha tak hosake, Thanks
Bookmarks