ورلڈ کپ 2011: بھارت نے آئرلینڈ کو 5 وکٹوں سے شکست &#

[Derwaish]

ورلڈ کپ 2011: بھارت نے آئرلینڈ کو 5 وکٹوں سے شکست دے دی

ورلڈ کپ 2011 کے گروپ بی کے پول میچ میں بھارت نے آئرلینڈ کو 5 وکٹوں سے شکست دے دی۔ بھارت نے آئر لینڈ کے خلاف ٹاس جیت کر پہلے فیلڈنگ کا فیصلہ کیا۔ آئر لینڈ کی پوری ٹیم سینتالیس اعشاریہ پانچ اوورز میں 207 رنز بنا کا آؤٹ ہو گئی۔ بھارت نے چھیالیس اوورز میں پانچ وکٹوں کے نقصان پر ہدف پورا کر لیا۔

میچ کا آغاز بھارت کے حق میں اچھا نہ رہا جب دوسرے اوور میں سہواگ اور چھٹے اوور میں گمبھیر اپنی وکٹوں سے ہاتھ دھو بیٹھے، لیکن ٹنڈولکر اور ورات کوہلی نے ٹیم کو سہارا دیا۔ ٹنڈولکر نے ٹوٹل میں 38 جبکہ کوہلی نے 34 رنز کا اضافہ کیا۔ ٹیم کے کپتان دھونی بھی 34 رنز کا اضافہ کر کے جارج ڈوکریل کی گیند پر ایل بی ڈبلیو آؤٹ ہو کر پویلین واپس چلے گئے۔ یووراج سنگھ نے ذمہ دارانہ بیٹنگ کرتے ہوئے 50 رنز کی ناقابل شکست اننگز کھیلی جبکہ یوسف پٹھان نے 30 رنز بنائے۔ بنگلور میں بھارتی کپتان مہندرا سنگھ دھونی نے ٹاس جیت کر پہلے فیلڈنگ کا فیصلہ کیا جو درست ثابت ہوا۔ بھارت کو پہلے ہی اوور میں کامیابی ملی، جب ایک رن پرسڑلنگ آوٹ ہوئے۔ اس کے بعد نو کے مجموعی سکور پر جوائس بھی آوٹ ہو گئے جس کے بعد پورٹ فیلڈ اور او برائن نے ٹیم کو سنبھالا دیا ۔ نیل اوبرائن اور ولیم پورٹفیلڈ کی 113 رنز کی شاندار پارٹنرشپ نے ٹوٹل اسکور کو 122 تک پہنچا دیا۔ نیل اوبرائن 46 رنز بنا کر رن آؤٹ ہوئے جبکہ پورٹفیلڈ 75 رنز بنا کر یووراج سنگھ کی گیند پر ہربھجن سنگھ کے ہاتھوں کیچ آؤٹ ہوئے۔ اس کے بعد بھارتی بولرز نے آئر لینڈ کے کسی کھلاڑی کو وکٹ پر نہ ٹکنے دیا اور پوری ٹیم 207 رنز بنا کا آؤٹ ہو گئی۔ ظہیر خان نے 3 جبکہ یووراج سنگھ نے 5 کھلاڑیوں کو پویلین واپس بھیجا

[Omer27]

Good Sharing