****Chehray Parhta Aankhain Likhta******
Chehray parhta, aankhain likhta rehta hoon
Main bhi kesi baatain likhta rehta hoon?
******
Saaray jisam darkakhton jesey lagtay hain
Aur baahon ko shaakhain likhta rehta hoon
******
Tujh ko khat likhnay k taiwar bhool gaye
Aari tirchi saatrain likhta rehta hooon
******
Terey hijar main aur mujhey kia karma hay?
Terey naam ki kitaabain likhta rehta hoon
******
Teri zulf k saaaye dhiyan main rehtay hain
Main subhon ko shaaamin likhta rehta hoon
******
Apnay piyar k phool mehakti raahon main
Logon ki deewarain likhta rehta hoon
******
Tujh say mil kar saaaray dukh dohraonga
Hijar ki saari baatain likhta rehta hoon
******
Sookhay phool, kitabain, zakhm judai k
Teri sab soghaatain likhta rehta hoon
*******
Us ki bheegi palkain hansti rehti hain
Mohsin jub tak ghazlain likhta rehta hoon
*************
Bookmarks