ورلڈ کپ2011:آئر لینڈ نے ہالینڈ کو 6 وکٹوں سے شکست دیدی
ہالینڈ نے پہلے کھیلتے ہوئے مقررہ 50 اوورز میں 306 رنز بنائے،آئر لینڈ نے مطلوبہ ہدف4وکٹون کے نقصان پر 47.4اوورز میں حاصل کر لیا.
کولکتہ کے ایڈن گارڈن سٹیڈیم میں کھیلے گئے میچ میں آئر لینڈ کی دعوت پر پہلے بیٹنگ کرتے ہوئے ہالینڈ نے ڈوئسچے کی شاندارسنچری کی بدولت حریف ٹیم کو فتح کے لیے 307رنز کا ہدف دیا تھا ۔ ہالینڈ نے مقررہ 50 اوورز میں306رنز بنائے اور اس کے تمام کھلاڑی آؤٹ ہوگئے ۔ہالینڈ کی آخری چار وکٹیں 50 ویں اوور کی آخری 4 گیندوں پر گریں اور آخری چاروں کھلاڑی رن آؤٹ ہوئے۔ ہالینڈ کی طرف سے ٹین ڈوئسچے 106،بورن 84 اور باریسی 44 رنز بنا کر نمایاں رہے ۔جے مونے اور سٹرلنگ نے 2،2 جبکہ رینکن اور جانسٹن نے ایک ایک کھلاڑی کو آؤٹ کیا۔ آئرلینڈ کے اوپنرز نے شاندارکارکردگی کا مظاہرہ کیا ۔کپتان پورٹفیلڈ نے 68 اور سٹرلنگ نے 101 کی اننگز کھیلی ۔آئرلینڈ نے مطلوبہ ہدف 47.4 اوورز میں حاصل کر لیا. اس میچ سے قبل دونوں ٹیموں کے درمیان 7 میچ کھیلے گئے جن میں سے پانچ آئرلینڈ اور دو ہالینڈ نے جیتے ۔دونوں ٹیموں کے درمیان کھیلے جانے والے آخری پانچ میچوں میں بھی آئرلینڈ ہی فاتح رہا۔
Bookmarks