My Collection 9

[Pagal_Azeem]

Aey Mohabbat

Aey mohabbat!teri qismat k tujhey muft miley.....
Hum sey daana jo kamalaat kia kartey they.....
Khushq matti ko bhi imaraat kia kartey they.....
Aey mohabbat!yeh tera bakht k bin mol miley.....
Hum sey anmol jo heeron main tula kartey they.....
Hum sey munh zor jo bhonchaal utha rakhtey they......
Aey mohabbat mairi! hum terey mujrim thehrey......
Hum jaisey log jo logon sey sawalaat kia kartey they.....
Hum jo so baat ki ik baat kia kartey they......
Tairi tehweel main aaney sey zara pehley tak......
Hum bhi iss sheher main izzat sey raha kartey they......
Hum bigartey to kai kaam bana kartey they......
Aur ab teri sakhawat k ghaney saaey main......
Khulqat-e-sheher ko ham zinda tamasha thehrey.......
Jitney ilzam they maqsoom hamara thehrey.......
Aey mohabbat! zara andaaz badal ley apna.......
Tujh ko aainda bhi ishshaaq ka khoon pina hai......
Hum to mar jain gey tujh ko to magar jeena hai......

[Pagal_Azeem]

Benaam Sa Ye Dard, Thehar Kyon Nahi Jata,
Jo Beet Gaya Hai, Woh Guzar Kyon Nahi Jata,

Sab Kuch To Hai, Kya Dhundti Rahti Hai Nigahe,
Kya Baat Hai Main Waqt Pe Ghar Kyon Nahi Jata,

Woh Ek Hi Chera To, Nahi Sare Jahan Mein,
Jo Dur Hai Woh Dil Se Utar Kyon Nahi Jata,

Main Apni Hi Uljhi Hui Raho Ka Tamasha,
Jate Hain Jidhar Sab, Main Udhar Kyon Nahi Jata,

Woh Naam Jo Barso Se, Na Chehra Na Badan Hai,
Woh Khawaab Agar Hai To Bikhar Kyo Nahi Jata

[Pagal_Azeem]

liya tha aik wadaa tum ne mujh se
hamesha khush he rehna hai
to dekho.....
dekh lo aa ker ...
meri aankhon ko dekho tum
yeh kitni shokh lagti hain ....
mere honton ko dekho tum,,
hamesha muskuratey hain .......
koi bhi ghum agar aayaa,,,
usse hans kar saha main ne...
mere chehre ko dekho tum ,,
hamesha pursakon hoga,,,,
to socho ge,,,
kia tha main ne jo tum se
wo wadaah kar diya pora........
magar ik baat phir bie hai
kabhi jo waqt mil jaye
to meri shaairi parhna
tumhen mehsoos to hoga
kaheen talkhi bhara jumla
kaheen pe sard sa lehja....
kaheen pe dard ki jheelein....
kehen lehjey ki karwahat.....
Suno.... Main Khush To Hon ,
Lekin.......
Lahoo Har Lafz Rota Hai.....!!!

[Pagal_Azeem]

haath chhuute bhi to rishte nahiin chhodaa karate
vaqt kii shaaKh se lamhe nahiin toraa karate

jis kii avaz mn silvat ho nigaahon mn shikan
aisi tasvir ke tukade nahiin joraa karate

shehad jiine kaa milaa karata hai thora thora
jaane vaalon ke liye dil nahiin thora karate

lag ke saahil se jo bahata hai use bahane do
aisii dariya ka kabhii ruKh nahiin mora karate
vaqt kii shaaKh se lamhen nahin toraa karate

jis kii avaz mn silvat ho nigaahon mn shikan
aisii tasviir ke tukre nahiin jora karate

shehad jiine kaa milaa karata hai thora thora
jaane vaalon ke liye dil nahiin thora karate


lag ke saahil se jo bahata hai use bahane do
aisii dariya ka kabhii ruKh nahiin mora karate

[Pagal_Azeem]

AAEY TEZ HAWA NARAZ NA HO
Iss Dil mein Salamatt hai abb takk
Woh Shaukhi-E-Labb, Woh Harf-E-Wafa
Woh Naqsh-E-Qadamm
Woh Aks-E-Hina
So baar jissay chooma hamm nay
So baar parastish ki jiss ki
Iss Dill mein Salamatt hai abb takk
Woh Gard-E-Alamm, Woh Deeda-E-Namm
Ham jiss mein chupaa karr rakhtay thay
Tasveer bikharti Yaadon ki
Zanjeer Pighaltay Waadon ki
Poonji Nakaam iraadon ki
AAEY TEZ HAWA NARAZ NA HO
Iss Dil mein Salamtt hai abb takk
Samaan bicharti Saa'att ka
Kuch Tukkray Garm Dopehron kay
Kuch raizay Narm Sawalon k
Kuch Durr Anmol Khyaalon k
Ikk Sacha Roop HAQEEQATT ka
Ikk Jhoota Lafz MUHABBAT ka

[Pagal_Azeem]

Jab Seena Gham Se Boojhal Ho Aur Yaad Kissi Ki Atti Ho

Tab Kamre Mein Band Ho Jana Aur Chupke Chupke Ro Lena

Jab Ankhein Bagi Ho Jain Aur yaad Mein Meri Bhar Aain

Phir Khud Ko Dhoka Mat Dena Aur Chupke Chupke Ro lena

Jab Palkein jaaagh kar Mondi Ho Aur sab Samjhein Tum Sote Ho

Tab Moun Par Takeya Rakh Lena Aur Chupke chupke Ro Lena

Yah Duniya Zalim Duniya Hai, Yah baat Buhat Phelay Gi

Tum Sab Ke Samne Chup Rehna Aur Chupke chupke Ro Lena

Jab Barish Chehra Dho Dale Aur Ashk Bhi Boondein Lagtey Hoon

Who Lamha Hargiz Mat Khona Aur Chupke Chupke Ro Lena

[Pagal_Azeem]

Kaise bataaoon main tumhe
Mere liye tum kaun ho, kaise bataaoon
Kaise bataaoon main tumhe
Tum dhadkanon ka geet ho
Jeevan ka tum sangeet ho
Tum zindagi tum bandagi
Tum roshni tum taazgi
Tum har khushi tum pyaar ho
Tum preet ho manmeet ho
Aankhon mein tum yaadon mein tum
Saanson mein tum aahon mein tum
Neendon mein tum khwaabon mein tum
Tum ho meri har baat mein
Tum ho mere din raat mein
Tum subaah mein tum shyaam mein
Tum soch mein tum kaam mein
Mere liye paana bhi tum
Mere liye khona bhi tum
Mere liye hasna bhi tum
Mere liye rona bhi tum
Aur jaagna sona bhi tum
Jaaoon kahin dekhoon kahin
Tum ho vahan, tum ho vahin
Kaise bataaoon main tumhe
Tum bin to main kuch bhi nahin
Kaise bataaoon main tumhe
Mere liye tum kaun ho
Yeh jo tumhaara roop hai
Yeh zindagi ki dhoop hai
Chandan se tarsha hai badan
Behti hai jis mein ek agan
Yeh shokhiyaan yeh mastiyaan
Tumko hawaaon se mili
Zulfein ghataaon se mili
Honton mein kaliyaan khil gayi
Aankhon ko jheele mil gayi
Chehre mein simti chaandni
Aawaaz mein hai raagini
Sheeshe ke jaisa ang hai
Phoolon ke jaisa rang hai
Nadiyon ke jaisi chaal hai
Kya husn hai kya haal hai
Yeh jism ki rangeeniyaan
Jaise hazaaron titliyaan
Baahon ki yeh golaaiyaan
Aanchal mein yeh parchhaaiyaan
Yeh nagriyaan hai khwaab ki
Kaise bataaoon main tumhe
Haalat dil-e-betaab ki
Kaise bataaoon main tumhe
Mere liye tum kaun ho
Kaise bataaoon, kaise bataaoon
Kaise bataaoon main tumhe
Mere liye tum dharam ho
Mere liye imaan ho
Tum hi ibaadat ho meri
Tum hi to chaahat ho meri
Tum hi mera armaan ho
Takta hoon main har pal jisse
Tum hi to voh tasveer ho
Tum hi meri taqdeer ho
Tum hi sitaara ho mera
Tum hi nazaara ho mera
Yudhyaan mein mere ho tum
Jaise mujhe ghere ho tum
Purab mein tum pachhim mein tum
Utar mein tum dakshin mein tum
Saare mere jeevan mein tum
Har pal mein tum har chir mein tum
Mere liye rasta bhi tum
Mere liye manzil bhi tum
Mere liye saagar bhi tum
Mere liye saahil bhi tum
Main dekhta bas tumko hoon
Main sochta bas tumko hoon
Main jaanta bas tumko hoon
Main maanta bas tumko hoon
Tum hi meri pehchaan ho
Kaise bataaoon main tumhe
Devi ho tum mere liye
Mere liye bhagwaan ho
Kaise bataaoon main tumhe
Mere liye tum kaun ho
Kaise

[Pagal_Azeem]

Pyaar

Main Ne Parindo Se Pyaar Kya To,,
Woh Urh Gaya

Main Ne Sooraj Se Pyaar Kya To,,,
Woh Gharoob Ho Gaya

Main Ne Chand Se Pyaar Kya To,
Woh Badlon Main Chup Gaya

Main Ne Pani Se Pyaar Kya To,
Woh Beh Gaya

Main Ne Baraf Se Pyaar Kya To,
Woh Pighal Gaya

Main Ne Barish Se Pyaar Kya To,
Woh Baras K Thum Gaya

Main Ne Aag Se Pyaar Kya To,
Woh Bujh Gai

Main Ne Phoolon Se Pyaar Kya To,
Woh Murjha Gaya

Main Ne Kanto Se Pyaar Kya To,
Wo Toot Gaya

Main Ne Janwaron Se Pyaar Kya To,
Woh Meri Zaban Na Samjh Sakay

Or Jab..Main Ne Insaan'on Se Pyaar Kya To,
Woh Be-Wafa Niklay

--------------------

[Pagal_Azeem]

hawa ke saath badalta hai in ka husn-e-sulook
haseen log bhi hote hain mausamon ki tarah

log jab apni jawani ki qasam khate ahin
yaad aata hai humein khuwab pareshan hona

log iss shaher ko khushhaal samhaj lete ahin
raat ke waqt bhi jo jaag raha hota hai

ajeeb log hain kuch makan mein rehte hain
nahi khabar ke yahan barishen bhi hoti hain

gair logon ne kiya hai mere such ka aateraf
apne logon ne sar bazar jhutlaya mughe

jaga wahi hai magar log kho gaye hain kahin
yahan to hum ne bhi kuch zindagi guzari thi

ajeeb log mile kal tere diyar se dur
jo khud ko bhool gaye aur tughe bhula na sake

hum ne to apne ahbab se choten khain
log ker lete ahin ghairon pe bharosa kaise

--------------------

[Pagal_Azeem]

اے چشم فلک اے چشم زمیں ہم لوگ تو پھر آنے کے نہیں
دو چار گھڑی کا سپنا ہیں دو چار گھڑی کا خواب ہیں ہم
کیا اپنی حقیقت کیا ہستی’ مٹی کا ایک حباب ہیں ہم
دو چار گھڑی کا سپنا ہیں دو چار گھڑی کا خواب ہیں ہم۔۔

[Pagal_Azeem]

Hum ko yeh silaa bhi mohabbat ka mila hai
hum jis ko chahtay hai, ussay hum se gila hai

Hum naam bhi laitay hai toh dartay hai qasam se
affsoss kay har baar mera ghar hee jala hai

Dil chahta hai hum bhi zamaanay ko mithaa dhay
dartay hai faqat Rub se kay woh apna khuda hai

Woh bhoool bhi jaaye humay toh ghum nahi hai
chaaha hai jisay dil, woh yaha kis ko mila hai

Kaliyo kee tarah hum bhi biker jaaye ge aik din
yeh baat hai sachi kay yeh qismat ka likhaa hai


--------------------

[Pagal_Azeem]

kis khauj mein niklay ho
aik lamhay ko thehro to

zindagi kay sabhi zaaiqay aas paas hi rehtay hain
aur tum yu'n qadam pay qadam uthaaye jaa rahay ho
apni pehchaan ko chor kay peechay
khud hi aaghay barhtay jaa rahay ho
ajnabiyat kay faasilay barhaatay jaa rahay ho

aik lamhay ko thehro to

kin bay-naam manzilo'n ko niklay ho
kin anjaanay rasto'n pay chalay jaa rahay ho
zindagi kahee'n aur door nahi'n
basi hai tumharay sang yahee'n kahee'n
kyou'n dooriyo'n mein saqoo'n kay mutlashi ho

ruko, aik lamhay ko thehro to

jis muqaam say chalay thay
us muqaam ko samajhtay to
ab bhi chalay jaa rahay ho
udaasiyo'n ki dhool uraatay jaa rahay ho
chaltay rehnay say kabhi rastay khatam nahi'n huay
bay-naam manzilo'n kay safar kabhi khatam nahi'n huay
kis an-daikhay milan ko tarsay jaa rahay ho
jo ghariyaa'n abhi hai'n
in ki qadar kiyay bina hi jaa rahay ho

aik lamhay ko thehro to
kis khauj mein niklay ho
aik lamhay ko thehro to

--------------------