nasir rana1 said:
اسلام علیکم نیٹ رایڈر بھائی
آپ کے اس عمل کی کیا دلیل ہے ،،
میں آپ کی بات کا جواب آنے کے بعد کچھ اپنا جواب لکھوں گا
جزاک اللہ خیرا
ماشااللہ بھائی یہ لیجئے اس عمل کے لئے یہ دلیل امید ہے کہ کافی ہوگی پہلے یہ چیک کیجئے
حضرت ابوہریرہ رضی اللہ تعالی عنہ راوی ہیں کہ نبی پاک صلی اللہ علیہ وسلم نے فرمایا ''جب نماز کھڑی ہو جائے (یعنی فرض نماز کے لیے تکبیر کہی جائے) تو فرض نماز کے علاوہ اور کوئی نماز نہیں پڑھنی چاہیے)۔''صحیح مسلم۔)
یہ تو ہوئی وہ بات جو آپ نے شیئر کی اب میراجواب ملاحظہ کیجئے
موذن کے تکبیر کہنے کے بعد فجر کی سنتیں بھی نہ پڑھنی چاہئیں بلکہ امام کےساتھ فرض نماز میں شریک ہو جانا چاہیے چنانچہ امام شافعی کا یہی مسلک ہے مگر امام اعطم ابوحنیفہ فرماتے ہیں کہ اگر فجر کی سنتیں پڑھنے میں فرض کی ایک رکعت بھی ہاتھ لگ جانے کا یقین ہو تو سنتیں پڑھ لی جائیں اس کے بعد جماعت میں شریک ہوا جائے تاکہ سنتوں کا ثواب بھی ہاتھ سے نہ جائے اور جماعت کا ثواب بھی مل جائے۔ لیکن اس صورت میں سنتیں صف سے الگ ایک طرف پڑھنی چاہئیں ہاں اگر سنتیں پڑھنے میں فرض نماز کی دونوں رکعتیں فوت ہو جانے کا خوف ہو تو پھر اس صورت میں سنتیں چھوڑ دیں۔ حضرت ابن مالک فرماتے ہیں کہ ''اس حدیث میں جو حکم ذکر کیا گیا ہے فجر کی سنتیں اس سے مشثنی ہیں کیونکہ رسول اللہ صلی اللہ علیہ وسلم کاارشاد ہے: صلو ھاوان طرد تکم الخیل ''فجر کی سنتیں (ضرور) پڑھو اگرچہ تمہیں لشکر ہانکے۔'' لہٰذا اس سے معلوم ہوا کہ فجر کی سنتوں کو پڑھنے کی بڑ ی تاکید ہے انہیں چھوڑنا نہیں چاہیے۔
تو بھائی میرا خیال ہے بات یہ ہوگئی مسلک کی اس لئے ماشااللہ آپ کی اور میری یہ صحت مندانہ بحث جو ایک دوسرے سے کی جارہی ہے یہ ہم تمام مسلمانوں کے لئے اطمینان کا باعث ہونگی اور شاید فورم کے ان تمام ہی ممبرز کے لئے بھی مشعل راہ بن جائے کہ کسی بھی مسلک کی کسی بھی بات پر بھڑکنے کے بجائے آپ اپنی بات وہاں انہیں بتائیے اور وہ آپ کو اور مل جل کر انشا اللہ تعالی تمام ہی لوگ آپ دونوں سے انفارمیشن حاصل کریں گے نہ کہ یہ کہ آپس میں برا بھلا کہنا اور لڑائی جھگڑا اسٹارٹ کرکے وہ تھریڈ ہی بند کروادینا زیادہ اچھا اور مفید ہوگا اللہ پاک ہم سب کو ہدایت کی طرف لے جائیں اور ہمیں دین کے معاملے میں روشن دماغ اور کشادہ دل عطا فرمائے آمین ثم آمین امید ہے بھائی آپ کو یہ میرا موقف پسند آیا ہوگا آپ کے جواب کا انتظار رہے گا جزاک اللہ
Bookmarks