Maa ( Mother )

[khancute]

...

[khancute]

Aap sab doston k naam...'' Bhool Na Jana Rehmat Ki Barsaat Ko ''

Aay Insan


Jab Tu Peda Howa Kitna Majbour Tha
Yeh Jahan Teri Socho Se Bhi Dour Tha



Hath Paon Bhi Tab Tere Apne Na The
Teri Ankhon Main Duniya Ke Sapne Na The



Tujh Ko Ata Tha Sirf Rona Hi Tha
Doodh Pe Ke Kaam Tera Sona Hi Tha



Tujh Ko Chalna Sikhaya Tha Maan Ne Teri
Tujh Ko Dil Main Basaya Tha Maan Ne Teri



Maan Ke Saye Main Parwan Chalne Laga
Waqt Ke Sath Qad Tera Barne Laga



Ahista Ahista Tu Kariyal Jawan Ho Giya
Tujh Pe Sara Jahan Mehrban Ho Giya



Zor Bazoo Pe Tu Baat Karne Laga
Khood Hi Sajne Laga Khood Hi Sanwarne Laga



Aik Din Ik Haseena Tujhe Bha Gayi
Ban Ke Dulhan Woh Tere Ghar Agayi



Farz Apne Se Tu Dour Hone Laga
Bij Nafrat Ka Khood Hi Tu Bone Laga



Pheer Tu Maan Baap Ko Bhi Bhulane Laga
Teer Bato Ke Pheer Tu Chalane Laga



Baat Be Baat Unn Se Tu Ladne Laga
Qayda Ik Naya Tu Pheer Padne Laga



Yaad Kar Tujh Se Maan Ne Kaha Ik Din
Abb Humara Guzara Nahi Tere Bin



Sunn Ke Yeh Baat Tu Tesh Main Agiya
Tera Gussa Teri Aqal Ko Kha Giya



Josh Main Aake Tu Ne Yeh Maan Se Kaha
Main Tha Khamosh Sub Dekhta Hi Raha



Aaj Kehta Hoon Peecha Mera Chor Do
Jo Hai Rishta Mera Tum Se Woh Tor Do



Jao Ja Ke Kahin Kaam Dhanda Karo
Log Marte Hain Tum Bhi Kahin Ja Maro



Beth Kar Ahain Bharte The Woh Raat Bhar
Inki Ahon Ka Tujh Par Howa Na Asar



Aik Din Baap tera Chala Roth Kar
Kese Bikhri Thi Phir Teri Maan Tout Kar



Phir Woh Be Bass Ajal Ko Bulati Rahi
Zindagi Isko Har Roz Satati Rahi



Aik Din Mout Ko Bhi Taras Agiya
Iska Rona Bhi Taqdeer Ko Bha Giya




Ashk Ankhon Main The Woh Rawana Howi
Mout Ki Aik Hichki Bhana Howi



Ik Sukoon us k Chehre Pe Chane Laga
Pheer Tu Mayyat Ko Iski Sajane Laga



Muddatain Ho Gayi Aaj Buda Hai Tu
Jo Para Touti Khatiya Pe Kora Hai Tu



Tere Bache Bhi Abb Tujh Se Darte Nahi
Nafrate Hain Muhabbat Woh Karte Nahi



Dard Main Tu Pukare Ke O MERI MAAN
TERE DAM SE ROSHAN THE DONO JAHAN



Waqt Chalta Rahe Waqt Rukta Nahi
Tout Jata Hai Woh Jo Ke Jhukta Nahi



Ban Ke Ibrat Ka Tu Abb Nishan Reh Giya
Dhonde Zor Tera Kahan Reh Giya



Tu EHKAM-E-RABBI Bhulata Raha
APNE MAAN BAAP KO TU SATATA RAHA



Kaat Le Tu Wohi Tu Ne Boya Tha Jo
Tujh Ko Kese Mile Tu Ne Khoya Tha Jo



Yaad Kar Ke Giya Dor Rone Laga
Kal Jo Tu Ne Kiya Aaj Hone Laga



Mout Mange Tujhe Mout Aati Nahi
Maan Ki Surat Nigahon Se Jati Nahi



Tu Jo Khanse Tu Aulad Dante Tujhe
Tu Hai Nasoor Sukh Kon Bante Tujhe



Mout Ayegi Tujh Ko Magar Waqt Par
Bann Hi Jaye Gi Qabar Teri Waqt Par



QADAR MAAN BAAP KI AGAR KOI JAAN LE
APNI JANNAT KO DUNIYA MAIN PEHCHAN LE


Aur Leta Rahe Woh Baro Ki Dua
Is Ke Dono Jahan Iska Ka Haami KHUDA


Yaad Rakhna Tu ARSH Ki Is Baat Ko
Bhool Na Jana REHMAT KI BARSAT Ko







Request:
please,
jin logo k pas Maa Baap jaise hasti mujood hain.wo on ki qadar karin or Islam main b hai jo Apni Maa k cheray per aik nazar piyar say dalta hai tu os ko 1 Haj jitna sawab milta hai..es liye Aaj say itni qadar or muhabat karo ta k kal ko aap ko koi pachtawa na ho jab wo pas na houn...
Wo janat jis k liye hum muslman sari umer nimaz parhtay hain jis ko panay k liye hum haj kartay hain achay kaam kartay hain ta k hum ko janat milay...
Magar
Aik lamha kia aap nay socha hai os janat ki kemat kia hai,qadar kia hai...kuch b nahi kio k os janat ki jaga Allha Pak nay Maa k qadmon main rakhe hai.
Wo janat jis k liye hum itna kuch kartay hain zara socho wo Maa k qadamo talay hain es say Maa ki qadar pehchano please...or ab aaj say abhi say ye faisal karo jo lamha mil raha hai Maa baap k sath gozarnay ka os ko zaya na karo or her lamhay ko muhabat say qadar say yadgar bana lo ta k jab wo pas na houn tu aap ko dukh na ho pachtawa na ho k aap nay on k liye kuch nahi kia....think about it please

I miss you Maa....
i cannt write any more...[/B][/B]

[khancute]

Maa


Meri ammi ko bulaa de koi
Warna mujhko hi sulaa de koi

Mujhko bistar ki to aadat hi nahin
Apni godi main jhulaa de koi

Shayad aa jaayen wo rona sunkar
Mujh ko bewajah rulaa de koi

Mainey kaee roz se nahin khaya
Us mohabbat se khilaa de koi

Mujhko khwaahish nahin miley duniya
Mujhko ammi se milaa de koi.....

[khancute]

Aanso, Dosti, Maa, Muhabbat, Muskurahat, Zindagi

Aur In Sab Per Hi To Hamari Zindagi Muheeth Hai ......

Aur MAA ....... MAA Kiya Hai ...... Maa Aik Khusboo Hai Jis Se Yeh Jahan Mehak Uthta Hai.

MAA....Ke Baray Main A'arif Shafeque Ki Yeh Ghazal Mujhe Bhut Pasand Hai Umeed Hai App Logoun Ko Bhi pasand Aayay Gi....

MAA .......



Ho Gayay Jawan Bachchay Borhi Ho Rahi Hai MAA
BeChiragh Aankhon Mein Khawab Boo Rahi Hai MAA

Roti Apne Hissay Ki Day Kay Apne Bachchoun Ko
Sabr Ki Rida Oadhe Bhooki So Rahi Hai MAA

Dekh Kar Bahu Ko Kiya Yaad Aagaya Us Ko
Kin Haseen Khaboun Mein Ajj Kho Rahi Hai MAA

Sans Ki Mareza Hai Phir Bhi Thanday Pani Say
Kitni Sakth Sardi Mein Kapray Dhou Rahi Hai MAA

Muntazir Nigahain Hain Lab Pay Bus Dua'ain Hain
Pal Do Pal Bhi Bachchoun Se Dur Jo Rahi Hai MAA


Ghair Ki Shikayat Per Phir Kisi Shararat Per
Maar Kar Mujhe Khud Bhi Ro Rahi Hai MAA

Khelnay Se Jo Mujhko Rokti Thi Matti Mein
Oaudh Kar Wahi Matti Ajj So Rahi Hai MAA

[khancute]

Maa Ki Muhabat...


maa ki mohabbat ka bhi andaaz juda hota hai,
uski har daant mein bhi pyaar mila hota hai.

raato ko jaag jaag kar mera khayal rakhna,
mere saath sona aur mere saath jagna,

khud bhooke rehna par mera pait bharna,
uski qurbaniyon se har koi sehatyaab hota hai.

uski har daant mein bhi pyaar mila hota hai.

ungli pakadkar uski hamne hai chalna seekha,
uski hi boli sunkar humne hai bolna seekha,
tehzeeb ka aks jo mujhme dikhayee deta hai,
wo bhi hai teri den,khud khuda bhi yeh kehta hai.

uski har daant mein bhi pyaar mila hota hai.

khud jaag jaag kar tune mujhe sulaaya,
khud zakhm kha kar chalna mujhe sikhaya,
meri shararaton ka bhi tune sitam uthaya,
is saari qaynaat mein tujhse bada sirf khuda hota hai,

uski har daant mein bhi pyaar mila hota hai

tum hi meri khushi ka idaara ho meri maa!
waqt-e-museebat mein tum hi sahara ho meri maa!
mere liye khuda ki ek nishaani ho meri maa!
mere liye to zindagi ki poori kahani ho meri maa!

uski har daant mein bhi pyaar mila hota hai

waqt-e-gham jab maa ke qareeb aoge,
beshaq har ranj-o-gham se najaat paoge...

[khancute]

...

[khancute]

Assalam-o-Alaikum DostonWSLM::

Kya Haal Hain Aap Sab K Umeed Key Theek Thaak Or KHush Bash Hon Gey

Doston Maan (Mother) Aik Aisi Hasti Hey JIs Ka Is Duniya Main Koi Naim-ul-Badal Nahi Hey, Maan Aik HI Bohut HI KHoobsoorat Naam Or Us Sey Berh Ker Khoobsoorat Ehsaas Ka Naam Hey Is Hasti Ki Ehmiyat Ka Andaza Woh Lag Zyada Laga Saktey Hain Jo Is Naimat Sey Mehroom Hain Ya Is Naimat Key Hotey Huwey Bhi Us Sey Door Hain

AnyHow, Humarey Bohut Sey Shairon Ney Maan (Mother)Per Bohut C Nazmain, Ghazlain Or Qeemti Batain Likhi Hain Jo Humain Dhoondney Sey Bhi Buhut Mushkil Sey Mitli Hain So Isi Liyey Main Yahan Aik Thread Ka Aghaaz Ker Raha Hoon Takeh Maan (Mother) Per Zyada Sey Zyada Sharings AIk HI Jagah Per Collect Ker Sakain

Aap Members Sey Guzarish Hey Keh Jis Jis K Pass Bhi Maan (Mother) Per Koi Bhi Nazam Ya Ghazal Ho Usey Yahan Share Kerney Sey Guraiz Mat Kijiyey Or Achi Sey Achi Sharing Kijiyey Takeh Aap Bhi Lutf Andoz Hon Or Perhney Waly Bhi Yahan Sharings Perh Key Khush Ho Sakain

Thanx
Keep Sharing & Be Happy Always

[khancute]

words From Our Heart

ALFAZ WO JO NAZRON SAY DIL MAIN UTAR JAIN OR KUCH SOCHNAY PER MAJBOR KAR DAY


Ab Merey Liyey Roz Duwa Kon Karey Ga
Yeh Farz Ada Maan K Siwa Kon Karey Ga

Chupkey Sey Mujhey Chor K Chal Di Yeh Na Socha
Ab Mujh Pey Dil-o-Jaan Fida Kon Karey Ga

Duniya Main Wafadar Koi Maan K Siwa Hey ?
Youn Maan Ki Tarah Mujh Sey Wafa Kon Karey Ga

Baboo Or Mera Laal Kaha Kerti Thi Maan Tu
Qaim Teri Mamta Ki Fiza Kon Karey Ga

Kerney Ko Mujhey Kehti Thi Maan Sabar Humesha
Ab Sabar Ki Talqeen Sada Kon Karey Ga

Her Lamha Rulati Hey Teri Yaad Maan Mujhey
Aansoo Ko Merey Khushk Bata Kon Karey Ga….

[khancute]

''Uterney hi nahi daiti mujh pe koi aafat
meri maan ki duaon ne aasman ko rok rakha hai''


Maan Meri Maan
Main kia likhon teri hasti ke liay
Main lafzon main kese tashbeh don tere piyar ki
Meri zaat ko jo bakhsha hay tu nay
us rang ko kia naam doon
Main aks hoon teri zaat ka
Main tujh se kese juda rahon
Bas ashk hain meri ankhon men
Main kia kahon
Main kia likhon
Bas tere peron ki dhool hoon
Bas tere peron ki dhool hoon ...

[khancute]

Maa Sadkay Tumharay...


Zindagi ki tapti dhoop mai ek thanda saya paya hai mai ne
Jab kholi aankh to apni maa ko muskorata howa paya hai mai ne

Jab bhi maa ka naam liya,
os ka beshomaar pyar paya hai mai ne

Jab koi dard mehsoos howa, jab koi mushkil aayi
Apne pehlo mai apni maa ko paya hai mai ne

Jaagti rahi who raat bhar mere liye
Jaane kitni raatein, osay jaghaya hai mai ne

Zindagi ke har moadh(mor) par, jab huwa gumrah mai
Iski hidaayat par, pakkar li seedhi raah mai ne

Jis ki dua se har moseebat loat jaye,
aisa farishta paya hai mai nay....

[khancute]

Sab doston k naam...


Main jidhar gaya,main jahan raha
meray saath tha
wohi aik saya-e-meharban
woh jo aik chehra-e-abar, tha sar-e-asmaan
pus-e-hur gumaan
woh jo aik harf-e-yaqeen tha
meray har safar ka ameen tha
woh jo aik bagh-e-erum numa,sabhi mausamoon main hara raha
woh ujar gaya........
woh jo aik dua ka charagh saa meray raaston main jala raha
woh bikhar gaya.......
meray gham ko jarr say ukharta
woh jo aik lams-e-azeez tha
kissi kapkapatay say haath ka,woh nahi raha
woh jo ankh rahti thi jagti meray naam par
wohi so gayii......
woh aik dua-e-sukoon thi meray rakht main
wohi kho gayiii.........
AAY KHUDA-E-WAHID-O LAM YAZAL
teray aik harf kay said hain
yeh zaman makan
teray faislon kay huzoor main
na majaal hai kissi harf ki,na kissi ko taab-e-sawal hai
yeh jo zindagi ki mat'a hai
teri dain hai,tera maal hai
mujhay hai to itna malaal hai
kay jab us ki sa'at-e-aakhri sar-e-rah thi
main wahan na tha.....
meray raaston say nikal gaii,woh jo aik jaa-e-panah thi
main wahan na tha.......
sar-e-shaam mujhay dhoondti,meri maan ki bujhti nigaah thi
main wahan na tha.......
meray chaar soo hai dhuan dhuan
meray khwaab say meri ankh tak
yeh jo sail-e-ashk hai darmayaan
issi sail-e-ashk kay paar hai
kaheen meri maan
teray raham ki nahi had koi
teray a'fw(maafi) ki nahi intiha
kay to maan say barh kar shafeeq hai
woh rafeeq hai
kay jo saath ho to zindagi ki musaafatain
yeh izziyatain,yeh rukawatain
faqat aik nigah ki maar hain
yeh jo khaar hain
teray dast-e-mu'ajza saaz say
gul-e-khush jamal-e-bahar hain
meri iltija hai to bas yahi.......
meri zindagi ka jo waqt hai,katay us ki ujli duaa'oon say
teray durguzar kay huzoor main
teri barkatoon kay hisaar main
woh jo khaas chashm-e-karam main hai
ussi roshni ki qatar main
kissi cheez ki bhi kami nahi
teri bakhshishoon kay diyaar main
meri maan ki rooh-e-jameel ko
sada rakhna apnay jawar main
sada pur faza woh lahad rahay
teray lutf-e-khaas ki chaoon main...

[khancute]

''Aik khowab Aik Khayal Apni Maa Ka''


Raat Phir Khuwaab Main Aa Kar Mujhse
Meri Ammi Ne Kuch Sawaal Kiye
Usse Pahley Mujhey Duaa Ye Di
Khuda Karey Ke Tu Sau Saal Jiye
Unki Aankhon Main Mohobbat Bhi Thi
Afsos Bhi Tha
Ek Aanso Bhi Tha Un Aankhon Main
Jo Chillata Bhi Tha, Khamosh Bhi Tha
Mujhse Poocha Ke Betey Kaisey Ho
Koi Diqqat To Nahin Hai Tumko
Phir Kaha!!!!
Tumko Maloom Hai Kya
Main Bari Takleef Main Hoon
Jab Se Laiti Hoon So Nahin Payee
Tumhaari Wajah Se Main Khul Ke Ro Nahin Payee
Terey Gunaah Mujhko Saanp Banke Danstey Hain
Farishtey Aakar Har Roz Fiqrey Kastey Hain
Tumhi Bataao Beta Mainey Kya Kami Ki Thi
Merey Samjhaney Main Kami Thi Kya
Ya Meri Tarbiyat Adhoori Thi
Kyon Burey Kaam Roz Kartey Ho
Kyon Nahin Us Khuda Se Dartey Ho
Jisney Tumko Ye Jaan Bakshi Hai
Jisney Tumko Amaan Bakshi Hai
Laut Kar Jiske Paas Jaana Hai
Kya Usey Munh Nahin Dikhana Hai
Kya Tumhein Is Liye Padhaya Tha
Kya Tumhein Yehi Sab Sikhaya Tha
Ki Apney Ilm Par Ghuroor Karo
Apney Nafs Ko Masroor Karo
Jab Bhi Bolo To Bas Galat Bolo
Zulm Dekho To Lab Nahi Kholo
Chorkar Deen Bhool Kar Mazhab
Apni Auqaat Note Main Taulo
Sach Batao Ki Kya Ye Qissa Hai
Kya Ye Andaaz Meri Tarbiyat Ka Hissa Hai
Mujhko Afsos Nahin Ke Tu Mujhey Bhool Gaya
Ranj Ye Hai Ki Mera Jeena Hi Fizool Gaya
Main To Jee Key Bhi Roz Marti Hoon
Main Tujhey Roz Yaad Karti Hoon
Jis Tarah Jeeney Ka Aghaaz Kiya Hai Tuney
Uskey Anjaam Se Main Darti Hoon
Khuda Karey Ki Tujhey Ab Bhi Samajh Aa Jaye
Koi To Aakey Tujhey Seedhee Raah Dikha Jaye
Ki Ikhtitaam Ho Teri Gunah Ki Shaamon Ka
Mujhey Bhi Ajr Miley Terey Naik Kaamon Ka ...