Meri tarah kisi say mohabbat usay bhi thi

**FAISAL_2k6** · 19th December 2006, 06:22 PM

Zikr-e-shab-e-firaaq say wehshat usay bhi thi
meri tarah kisi say mohabbat usay bhi thi

mujh ko bhi shauq tha nayey chehroun ki deed ka
rasta badal k chalney ki aadat usay bhi thi

us raat dair tuk raha woh mehv-e-guftugoo
masroof main bhi kum tha faraghat usay bhi thi

mujh say bicharh k shehar main ghul mil gaya woh shakhs
halaankey shehar bhar say adaawat usay bhi thi

woh mujh say barh k zabt ka aadi tha jee gaya
warna hur ik saans qayamat usay bhi thi

tanha hua safar main tou mujh pay khula yeh bhaid
saayey say piyaar dhoop say nafrat usay bhi thi

**fysalkhan** · 19th December 2006, 08:22 PM

nice collection yar ... agar ho sake to ap ise inpage mai compose kar ke share karo mazeed acha lage ga...is trah kuch designing bih ho jai to alfaz buhat ache lage gain.