....boss Collection....

[BossisBack]

Yaadein Kya Sirf Mujhe Satati Hai
Yaadein Achchi Aur Boori Dono Hi
Kyun Mujhe Ateet Mein Le Jaati Hai
Yaadein Rishton Ki Naaton Ki
Khatti Mithi Baaton Ki
Yaadein Bachpan Ki Saheliyon Ki
Yaadein Kuch Aboojhi Paheliyon Ki
Basti Rehti Hai Dil K Konon Mein
Kabhi Ubhar K Aajaati Hai Saamne
Toh Kabhi Chhup Jaati Hai Dhundh Mein
Yaadein Khinch Le Jaati Hai Mujhe Samay Mein
Peechhe Ateet Mein
Jeeti Hoon Guzra Hua Pal In Yaadon Mein
Lautti Hoon Jab Wartamaan Mein
Dil Poochhta Hai Baar-Baar Yahi
Yaadein Kya Sirf Mujhe Hi Satati Hai

[BossisBack]

Kia hai pyaar jise hum ne zindagi ki tarahn
Wo ashnaa bhi mila hum se ajnabi ki tarahn
Kise khabar thi barhay gi kuch aur tareekhi
Chupay ga wo kise badli me chandni ki tarahn
Barhaa ke pyaas meri us ne hath chor diya
Wo kar raha tha murawat bhi dillagi ki tarahn
Sitam to ye hai ke wo bhi na ban saka apna
Qabool hum ne kiye jis ke ghum khushi ki tarahn
Kabhi na socha tha hum ne Qateel us ke liye
Karay ga hum pay sitam wo bhi har kise ki tarahn
Wo ashnaa bhi mila hum se ajnabi ki tarahn
Kia hai pyaar jise hum ne zindagi ki tarahn.........!

[~*Farah*~]

very nice
keep sharing
thankz...!!!!

[BossisBack]

Kaise kahoon keh kya ho tum
Chalo main bataaun Kya ho tum

Mere liye meri Duniya ho tum
Choo ke jo guzri woh Hawaa ho tum

Main ne jo Maangi, Woh Duaa ho tum
Kare Mujh ko jo Roshan, Woh Diya ho tum

Dil yeh kahe mera Jiya ho tum
Kiya main ne mehsoos woh ehsaas ho tum

Meri Nazar ki Talaash ho tum
Meri Zameen ka Aakaash ho tum

Mere Chehre ki Kashish ho tum
Mere Sitaaron ki Gardish ho tum

Meri Zindagi ka Qaraar ho tum
Main ne jo Chaha woh pyar ho tum

Mere Intezaar ki rahat ho tum
Mere dil ki Chahat ho tum

Tum ho tau yeh Duniya hai meri
Kaise kahoon keh Meri jaan ho tum

[BossisBack]

very nice
keep sharing
thankz...!!!!

aap ke PASAND karny ka shukriya...

[BossisBack]

Ankhein bhi wohi hain dareecha bhi wohi hai...
aur soch ke aangan mein utarta bhi wohi hai...


jis ne mere jazbon ki sadaqat ko na jaana...
ab meri rafaqat ko tarasta bhi wohi hai...


is dil ke kharabe se guzar kis ka hoa hai...
aankhein bhi wohi hai hont bhi lehja bhi wohi hai...


jo kuchh bhi kaha tha meri tanhayi ne tujh se...
is shehar ki deewar pe likha bhi wohi hai...


woh jis ne diye mujh ko muhabbat ke khazane...
badal ki tarah aankh se barsa bhi wohi hai...

[BossisBack]

E - Khuda aaj ye faisala kar de
Use mera ya mujhe uska kar de
Bahot dukh sahe hai maine
Koyi khushi ab to mukaddar kar de
Bahot mushkil lagta hai usse dur rahana
Use ab to mere kareeb kar de
Nahi likha agar mere naseeb me uska Nam
To khatam kar de ye zindagi aur mujhe
Fnaa Kar De !

[BossisBack]

Tab Yaad Tumhari Aatee Hay ..
Jab Yunhi Kabhi Baithay Baithay, Kuch Yaad Achanak Aah jahe
Her Baat Say Dil Bayzar Sa Ho, Her Cheez Say Dil Ghabra Jahe
Karna Bhi Mujhe Kuch Aur He Ho, Kuch Aur He Mujh Say Ho Jahe
Kuch Aur He Sochoon Main Dil Men, Kuch Aur He Hontoon Par aaHe
Aisay He Kisee Aik Lamhay Men, Chupke Say Kabhi Khamoshi Men
Kuch Phool Achanak Khil Jahen, Kuch Betay Lamhe Yaad aaHen
Tab Yaad Tumhari Aatee Hay ...
Jab Chandni Dil Kay Aangan Men, Kuch Kahene Mujh Say Aa jahe
Ik Khwabedaa Se Chote Koi, Ehsaas Pay Mere Chaa jahe
Jab Zulf Parishaan Chehray Per, Kuch Aur Parishaan Ho Jahe
Kuch Dard Bhi Dil Mein Hone Lage, Aur Saans Bhi Bojhal Ho jahe
Aisay He Kisee Aik Lamhay Men, Chupkay Say Kabhi Khamoshi Men
Kuch Phool Achanak Khil Jahen, Kuch Betay Lamhe Yaad aaHen
Tab Yaad Tumhari Aatee Hay ...
Jab Shaam Dhalay Chaltay Chaltay, Manzil Ka Na Koi Naam Mile
Ik Hansta Hua Aaghaz Mile, Ik Rota Hua Anjaam Mile
Palkoon Kay Laraztay Ashkoon Say, Is Dil Ko Koi Paygham Mile
Aur Sari Wafaoon Kay Badlay, Mujh Ko He Koi Ilzaam Mile
Aisay He Kisee Aik Lamhay Men, Chupkay Say Kabhi Khamoshi Men
Kuch Phool Achanak Khil Jahen, Kuch Betay Lamhe Yaad aaHen
Tab Yaad Tumhari Aatee Hay ...

[BossisBack]

yeh jo zeest ka safar hai
yeh jo rasta hai mera
tum agar na sath do gay
toh yeh kis tarha kattay ga?
meri soch ki hadon tak
yeh gumaan b kese aye
koi pal bina tumhare
bhala kese beet jaye
mere pass tum nahi ho
mere pass kab nahi ho?
meri yaad k nagar mein
mere khawab k safar mein
meri soch ki tehon mein
meri ankh k bhanwar mein
mere dil mein...jaan mein....tan mein
meri hasraton k ban mein
mere dil ki tergi mein
meri shab ki roshni mein
han tum hi har kahen ho
mere pas tum nahi ho
mere pass kab nahi ho??
meri har dua ka mehwar
bas ek arzo tumhar
iss arzo se agey
koi rasta nahi hai
tumhain kis Qadar hai chaha
tumhain khud pata nahi hai

[BossisBack]

Hijr Ki Aag Main Sulggo To Bura Lagta Hai
Tum Mere Deed Ko Tarsoo To Bura Lagta Hai.

Ek Tamana Hai Ke Faqt Mujh Pe Mehrban Raho,
Tum Kise Or Ko Dekho To Bura Lagta Hai.

Mere Chahat Ka Taqaza Hai Mere Sath Raho,
Ghair Ke Hath Jo Thamo To Bura Lagta Hai.

Ye Mere Rooh Taraste Hai Tere Khushboo Ko,
Tum Kahein Or Mehko To Bura Lagta Hai.

Aarzoo Hai Ke Tere Roop Ko Her Pal Dekhon,
Tum Mere Pass Se Utho To Bura Lagta Hai.

Roz-o-Shaab Aaj Bhi Parwah Hai Tumhare Mujh Ko,
Tum Kise Or Ko Socho To Bura Lagta Hai.

Main Utha Sakte Hon Sab Naaz Tumhare JAANA,
Tum Kise Or Se Rutho To Bura Lagta Hai.

[BossisBack]

ye kyaa ke sab se bayaaN dil kii haalaten karanii
'Faraz' tujh ko na aaiin mohabbatain karanii

ye qurb kyaa hai ke tu saamane hai aur hamein
shumaar abhii se judaaii kii saatein karanii

koii Khudaa ho ke patthar jise bhii ham chaahein
tamaam umer usii kii ibaadaten karanii

sab apane apanee qariine se muntazir us ke
kisii ko shukr kisii ko shikaayatein karanii

ham apane dil se hain majabur aur logon ko
zaraa sii baat pe barpaa qayaamatein karanii

milein jab un se to mubaham sii guftaguu karanaa
phir apane aap se sau-sau wazaahatein karanii

ye log kaise magar dushmanii nibhaatein hain
hamiin ko raas na aaiin mohabbatain karanii

kabhii 'Faraz' naye mausamon mein ro denaa
kabhii talaash puraanii raqaabatein karanii

[BossisBack]

Dayar-e-Noor mein teera shabon ka sathi ho
Koi to ho jo meri wehshaton ka sathi ho

Mein us sey jhoot bhi boloon wo mujh sey sach boley
Merey mizaj key sab mosamon ka sathi ho

Mein us key haath na aoon wo mera ho key rahey
Mein gir paroon to meri pastion ka sathi ho

Woh khuwaab dekhe to dekhe, mere hawaley se
Merey khayal ke sab manzaron ka saathi ho

Karey kalam jo mujh sey to merey lehjey mein
Mein chup rahoon to merey tewaron ka sathi ho

Mein apney aap ko dekhoon wo mujh ko dekhey jaye
Woh merey nafs ki gumrahion ka sathi ho!!