Learn Tenses ( For Mobile Users )

[Abid_Majaaz]

Jesa k ap sab jante hain k pc use krne walon ki tarah zyada tar students aisay b hain jo mobile k zarye net use karte hain,
or un k mobile se na to koi taleemi video chalti hai or na hi un k mob se photo jaldi download hote hain. Albatta browsing hojati hai.
Aisay hi mobile users k liye main Roman Urdu main English Tenses Start kr raha hun ta k bager downloading k ap log ilm haasil karen.
Mujhe is k badlay main kisi se kuch nai chahye bus aik acha response agr milay to ye bohat hai,apki dua ki zarorat hai bs.. So inshallah i m with u.

[Net-Rider]

جزاک اللہ بھائی اسٹارٹ کیجئے ضرور

[Abid_Majaaz]

Lesson No 1
Tenses (Zamanay)
1) Present
Mojooda Zamana yani haal.
2) Past
Guzra howa Zamana
yani Maazi
3) Future
Aane wala waqt yani Mustaqbil.
Phr in sb ki 4,4 Shaakhen(Branches) hain.
1) Present
a) Present Indefinite Tense
Fel e haal Mutliq
b) Present Continuous Tense
Fel e haal Jaari
c) Present Perfect Tense
Fel e haal Mukammal
d) Present Perfect Continuous Tense.
Fel e haal Mukammal Jaari.
2) Past
a)Past Indefinite Tense
Fel e Maazi Mutliq
b) Past Continuous Tense
Fel e Maazi Jaari
c) Past Perfect Tense
Fel e Maazi Mukammal
d) Past Perfect Continuous Tense
Fel e Maazi Mukammal Jaari.
3) Future
a) Future Indefinite Tense
Fel e Mustaqbil Mutliq
b) Future Continuous Tense
Fel e Mustaqbil Jaari
c) Future Perfect Tense
Fel e Mustaqbil Mukammal
d) Future Perfect Continuous Tense
Fel e Mustaqbil Mukammal Jaari..

[Abid_Majaaz]

24/07/2012
Lesson 2

Present indefinite Tense
Fel e Haal Mutliq


{ Pehchaan }
is Tense k urdu jumlay k aakhir main
ta hai,ti hai,tai hain,ta hun,ti hun wagera ata hai..
So,agr hm ne dekha k kisi jumlay k last main (ta hai,ti hai,tai hain,ta hun,ti hun wagera hai ) to ham samajh jate hain k ye urdu jumla Present Indefinite Tense ka hai..


Present Indefinite Tense k Urdu Jumlay ko English main banane ka tariqa
Pehle to ye hamesha yaad rakho k Present indefinite main helping verb yani imdaadi fel ka istimaal nahi krna,jesa k chand imdaadi fel ye hain
is,am,are,has,have,will,shall wagera. Ye ham ne is Tense main use nahi karne hain.
Ab jumla banane ka method ye hai k Agr kisi jumlay ka Subject He,She,It ya Singular Noun yani aik name ho to ham us k baad verb ki pehli form k sath s ya es lagate hain n last main Object laga k jumla mukammal kr lete hain..


Or agr kisi jumlay k shoro main I,We,You,They ya Plural Name(yani 2 ya 2 se zyada name) hain to ham verb ki 1st form ko bager s ya es k izafa k laga k last main Object laga k jumla Mukammal krenge..


Examples..
1)Urdu jumla
Main khana khata hun.
English jumla
I eat the meal.
2)Urdu Jumla
Wo khana Khata hai.
English Jumla
He eats the meal.
3)Wo khana Khati hai.
She eats the meal.
4)Subhan khana Khata hai.
Subhan eats the meal.
5) Ham khana khate hain.
We eat the meal.
6) Tum khana Khate ho.
You eat the meal.
7) Wo khana khate hain.
They eat the meal.
8) Subhan aur Noman Khana khate hain.
Subhan and Noman eat the meal.
9) Barish hoti hai.
It rains..


in jumlo ko gor se dekho or samjho k kis kis jaga eat k sath s hai yani eats or kis kis jaga sirf eat hai..
Zahir hai
He ( Wo ) mard k liye
She ( Wo ) Aurat k liye
It ( Ye )
or Subhan ( Single Noun ) k sath wali verb ki pehli halat yani V 1 k sath s ka izafa hai.
Jb k
I ( Main )
We ( Ham )
You ( Tum)
They Wo (Jama k liye)
Subhan and Noman(Plural Noun)
k sath verb ki pehli halat simple hai yani eat hai.
So isi tarah ap ne ye b note kiya hoga k in jumlo main koi Helping verb use nahi howa yani is,am,are wagera.

Example 2 :
1) Wo Kahani likhta hai.
He writes story.
2) Wo Kahani likhti hai.
She writes story.
3) Shehbaz Kahani likhta hai.
Shehbaz writes story.
4) Shebaz aur Ali kahani likhte hain.
Shehbaz and Ali write story.
5) Main kahani likhta hun
I write story.
6) Ham kahani likhte hain.
We write story.
7) Tum Kahani Likhte ho.
You write story.
8) Wo kahani likhte hain.
They write story.

So frndz ab ap jumlay ko dekh k samajhne ki koshish karo k He,She,I ,We,You,They,Single Noun,Plural Noun k aane se jumla kya change krta hai..
Is Tense k Negative yani Inkaarya or Interrogative yani Savaliya Jumlay Inshallah kal k lesson main krenge.


koi bhi cheez samajh nahi ayi to bila jhijhak pochen,awal to main apki jhijhak khatam kronga,agr main na kr ska to it dunya experts ki dunya hai.inshallah sab hamara sath denge,q k ham sb itdunya seekhne k liye join karte hain.

Regardz,

Abid Afzal Majaaz.

[Abid_Majaaz]

Lesson 3.
25/07/2012
Present Indefinite Tense
~Negative~
yani
Inkaarya Jumlay.


Present Indefinite Tense K Negative Jumlay banane k liye He,She,it ya Single Noun k baad does not laga k verb ki 1st form se s ya es ka izafa khatam kar dete hain.
Aur


agr jumlay ka Subject I,We,You,They ya Plural Noun ho to do not laga k jumla mukammal karain.


Example~
1) Wo ghar nahi jata hai.
He does not go home.
Jb ye jumla Positive tha tb ye yun tha
He goes to home.
Wo ghar jata hai.
Negative main change howa to goes se es khatam hogaya wo go bn gaya or jumlay main He k baad does not agaya.
2)Wo khana nahi khati hai.
She does not eat the meal.
3)Akram pani nahi pita hai.
Akram does not drink water.
4)Akram aur Ajmal nahi khelte hain.
Akram and Ajmal do not Play.
5) I do not play.
Do not ko ham dont b likh skte hain.
I dont play.
6)You dont go to sleep.
Tum sonay nahi jate ho.
7) Ham Lahore nahi jate hain.
We dönt go to Lahore.
8) Wo Khana nahi pakate hain.
They do not cook the meal.


Regardz,
Abid Afzal Majaaz..

[waqasahmad1]

[Zeeeshan_1]

Zabardasttttttttttttt

[CRACKINGEYES]

Go home is the correct combination,

[Abid_Majaaz]

28/07/2012
Lesson 4 .
Present Indefinite Tense.
~Interrogative~
Savaalya Jumlay.


Savaalya jumlay banane ka method kuch yun hai k hm Do ya Does ko jumlay k shoro main lay aate hain.Or jumlay k last main question Mark ~ ? ~ zaroor lagayen.


Example
1) Wo ghanti bajata hai.
~Musbat jumla~
He rings the bell.
~Inkaarya~
He does not ring the bell.
~Savaalya~
main yun hojayega,
Does he ring the bell ?
Yani
kya wo ghanti bajata hai?
2) Kya tum ghanti bajate ho?
Do you ring the bell?


Yaad rahay Indefinite k Interrogative main bhi He,she,it,singular noun jis jumlay main ho us k shoro main Does, or agr jumlay main I,We,You,They,Plural noun ho to jumlay k shoro main Do lagana hai.Inshallah kal se ham start krenge. Present Continuous Tense yani Fel e Haal Jaari.


Regardz,
Abid Afzal Majaaz.

[Abid_Majaaz]

Go home is the correct combination,

Right Bro..

[Zeeeshan_1]

Nice.. Bhai

[Abid_Majaaz]

Lesson 5
29/07/2012
"Present Continuous Tense"
Fel e haal Jaari.


~Pehchaan~
is tense k urdu jumlay k last main raha hai,rahi hai,rahe hain,raha hun,rahi hun wagera istimaal hota hai.
Ye Helping Verb is Tense main istimaal hogi,
(is,am,are).


He,She,it ya single name k sath is,
I k sath am.
We,You,They ya Plural name k sath are istimal krna hai.
Or verb ki pehli form k sath ing lagana lazmi hai, jese k come se coming, go se going hojayega.


~Example~
1) Main hockey khel raha hun.

I am playing hockey.

2) Wo hockey khel rahi hai.

She is playing hockey.

3) Wo hockey khel raha hai.

He is playing hockey.

4) Akmal hockey khel raha hai.

Akmal is playing hockey.

5) Junaid or Akmal hockey khel rahe hain.

Junaid and Akmal are playing hockey.

6) Tum hockey khel rahe ho.

You are playing hockey.

7) Wo hockey khel rahe hain.

They are playing hockey.

8) Ham hockey khel rahe hain.

We are Playing hockey.



Next lesson Present Continuous k Negative jumlay hoga.
So kal zaroor Visit karain.
Abid Afzal Majaaz..