سرائيکي کے ايک عظيم شاعر "شاکر شجاع آبادي" کے کلام سے ميري ايک پسنديدہ نظم
فکر دا سج ابھردا ہئے سوچيندياں شام تھي ويندي
خياليں وچ سکون اجکل گوليندياں شام تھي ويندي
انھاں دے بال ساري رات روندين، بُھک توں سُمدے نئي
جنھاں دي کہيں دے بالاں کوں کھڈيندياں شام تھي ويندي
غريباں دي دعا يارب خبر نہيں کن کريندا ہيں
سدا ہنجوؤاں دي تسبيح کُوں پھريندياں شام تھي ويندي
کڈھيں تاں دُکھ وي ٹل ويسن کڈھيں تاں سکھ دے ساھ ولسن
پُلا خالي خيالاں دے پکيندياں شام تھي ويندي
ميڈا رازق رعايت کر نمازاں رات دياں کردے
جو روٹي رات دي پوري کريندياں شام تھي ويندي
ميں شاکر بُھک دا ماريا ہاں مگر حاتم تُوں گھٹ کائيني
قلم خيرات ميڈي ہے چليندياں شام تھي ويندي
Bookmarks