bay-basar rehtay hain jaisay roshni se ajnabi
iss tarah se hum rahay hain roshni se ajnabi
baad muddat k mila woh iss tarah se kal mujhay
jiss tarah se mil raha ho ajnabi se ajnabi
koi tow mehtaab akhir baam par aa jayega
kab talak yun shab rahay gi chaandni se ajnabi
jab diyaar e ghairr main humdum koi milta nahi
dekhta hai chaar janib bay-bassi se ajnabi
rotay rotay ankh ka dariyya bhi sehraa hogeya
ab yeh palkain bhi tow ARSHAD hain numi se ajnabi
Bookmarks