روٹی"بیس" کے لیے اجزا
میدہ۔۔۔۔۔۔۔ 4 کپ
انڈے.......دو
انسٹنٹ خمیر ۔۔۔۔ایک ساشے ’’ 11 گرام‘‘
نمک۔۔۔۔۔ ایک چائے کا چمچ
چینی۔۔۔ ایک کھانے کا چمچ
خشک دودھ۔۔۔دو کھانے کا چمچ
تیل مکھن یا گھی۔۔۔۔۔۔4 کھانے کے چمچ
ترکیب:
ان تمام اجزا کو ایک باول میں ڈال کر نیم گرم پانی سے گوندھ لیں۔۔ایک برتن کو چکنا کر کے اس میں رکھیں اور ڈھک کر کسی گرم جگہ پر ایک گھنٹے کے لیے رائز ہونے دیں۔۔ایک گھنٹے بعد آٹے کا حجم دوگنا ہوچکا ہوگا۔۔اب اسے برتن سے نکال کر دوبارہ گوندھ لیں ۔۔ساری ہوا نکل جائے گی اب اسے دوبارہ ایک گھنٹے کے لیے رکھ دیں۔ایک گھنٹے بعد پھر گوندھ لیں اور تین یا چار پیڑے بنا لیں۔۔ پزا ٹرے میں لگا لیں۔
اجزا برائے پزا ساس
ٹماٹر۔۔۔۔۔اچھی طرح پکے ہوئے 5 سے 6 بڑے سائز کے
نمک۔۔۔آدھی چائے کی چمچی
چینی۔۔۔ایک چائے کی چمچی
سرخ مرچ موٹی کٹی ہوئی۔۔۔۔ ایک چائے کی چمچی یا حسب ذائقہ
اوریگانو۔۔۔۔۔آدھی چائے کی چمچی
لہسن۔۔4 جوے
تیل ۔۔ایک کھانے کا چمچ
ترکیب:
ٹماٹروں کو پانی میں ایک ابال دے کر چھلکا اتار لیں اور بلینڈر میں ڈال کر پیسٹ بنا لیں۔۔ایک فرائی پان میں آئل گرم کریں اور لہسن کے جوے باریک کاٹ کرڈالیں۔۔خوشبو آنے لگے تو ٹماتر کا پیسٹ ڈال کر پکنے دیں ۔۔جب گاڑھا ہونے لگے تو نمک، سرخ مرچ ،چینی اور اوریگانو ڈال کر مزید پکائیں۔۔پانی خشک ہوجائے اور پیسٹ اچھی طرح گاڑھا ہوجائے تو ایک پلیٹ میں نکال کر ٹھنڈا ہونے دیں۔
ترکیب برائے چکن ٹاپنگ:
بون لیس چکن۔۔ایک کپ
نمک۔۔۔حسب ذائقہ
سرخ مرچ موٹی کٹی ہوئی۔۔۔ ایک چائے کا چمچ
کالی مرچ پاوڈر۔۔۔ایک چائے کا چمچ
اوریگانو۔۔۔آدھی چائے کا چمچ
بغیر ہڈی کے چکن لیں اور اسے باریک باریک قتلوں کی صورت میں کاٹ لیں۔۔فرائی پان میں آئل گرم کر کے لہسن کاٹ کر ڈالیں اور خوشبو آنے پر چکن ڈال دیں۔۔۔جب چکن گلنے لگے تو اس میں نمک ،کالی مرچ پاوڈر اورموٹی کٹی ہوئی سرخ مرچ ڈال کر بھونیں۔۔جب اچھی طرح گل جائے تو اوریگانو ڈال دیں اور چولہے سے اتار کر ٹھندا کر لیں۔
اجزا برائے پزا ٹاپنگ
چکن پکی ہوئی
کالے یا سبز زیتون۔۔بیج نکالے ہوئے
شملہ مرچ۔۔گول یا لمبائی میں*کٹی ہوئی
موزریلا اور چیڈر چیز۔۔کش کی ہوئی
ہدایات برائے پزا بیکنگ
پزا ٹرے میں خمیر کیا ہوا میدہ لگانے کے بعد پزا ساس لگائیں۔۔۔تھوڑا سا چیز چھڑک دیں۔۔پھر چکن کے قتلے۔۔۔شملہ مرچ اور زیتون ڈال دیں ۔۔ زیادہ سپائسی بنانے کے لیےاس پر سرخ مرچ کٹی ہوئی چھڑک دیں۔۔ایک چٹکی اوریگانو بھی چھڑک دیں۔سب سے اوپر کش کیے ہوئےدونوں پنیر اچھی طرح پھیلا دیں۔۔اور گیس اوون میں مارک 5 پر دس سے پندرہ منٹ کے لیے بیک کر لیں۔۔۔۔لیجیے گرما گرم مزیدار پزا تیار ہے۔اسے سافٹ ڈرنک اور کیچپ کے ساتھ پیش کریں۔
Bookmarks