فیشن شو اور کیٹ واک کے لیے ذولحج کا مقدس عشر&#

[Sabih.]

فیشن شو اور کیٹ واک کے لیے ذولحج کا مقدس عشرہ ۔۔۔۔جنگ کالم ۔۔تحریر انصار عباسی

صحافی انصار عباسی (حفظ اللہ ) کیا یہ محض اتفاق ہے کہ فیشن شوز اور کیٹ واک کو ذوالحج کے مقدس مہینے کے پہلے عشرہ میں ہی اسلامی جمہوریہ پاکستان میں منعقد کیاجاتاہے ۔رمضان المبارک کی طرح ذوالحج کے پہلے عشرہ کو اسلامی شریعت میں ایک خاص اہمیت حاصل ہے ۔عام دنوں کے مقابلہ میں ان مقدس ایام میں مسلمانوں کو اجروثواب کمانے اور آخرت میں جہنم کی آگ سے اپنے آپ کو بچانے کےلیے اللہ تعالیٰ اپنے بندوں کو اسپیشل پیکج آفر کرتے ہیں مگر ہماری حالت دیکھیں کہ ہم اس خاص موقع پر فیشن شوز اورکیٹ واک کے نام پرعریانیت اور بے حیائی کا دھندا کرتے ہیں ۔دوسال قبل ذوالحج کے پہلے عشرہ میں ہی کراچی کے ایک ہوٹل میں فیشن شو منعقد کیاگیا جس کی ٹی وی چینلز نے خوب نمائش کی ۔نہ صرف ذوالحج کے تقدس کو پامال کیاگیا بلکہ پاکستان کی سماجی اور معاشرتی اقدار کو اس انداز میں روندا گیا کہ دیکھنے والوں کے سرشرم سے جھک گئے اور بہت سے لوگ یہ سوچنے پر مجبور ہوگئے کہ ہم اپنی آنے والی نسلوں کےلیے کس قسم کا پاکستان بنانے جارہے ہیں۔ اس سنگین مذاق پر میں نے 22 نومبر 2010(15 ذولحج 1431)کو ایک کالم بعنوان"اگر حیانہ رہے۔۔۔۔" لکھا جس کو قارئین نے بے پناسراہااور جس سے مجھے اندازہ ہواکہ ایسے بیہودہ کاموں کی نمائش سے عام پاکستانی بہت تکلیف محسوس کرتاہے ۔فحاشی و عریانیت کے موضوع اور اس سلسلے میں میڈیا کے منفی کردار پر بھی میں نے گاہے بگاہے کئی کالم لکھے جس کے نتیجے میں نہ صرف سپریم کورٹ میں اس مسئلہ کو اٹھایاگیا بلکہ قومی اسمبلی نے بھی ایک متفقہ قراداد کے ذریعہ فحاشی و عریانی کی روک تھام کےلیے حکومت سے مطالبہ کیاکہ وہ اپنی ذمہ داریاں پوری کرے تاکہ پاکستانی معاشرہ کی اسلامی اور سماجی اقدار کو پامال ہونے سے بچایا جاسکے ۔اس سلسلے میں اسپیکر قومی اسمبلی سے مطالبہ بھی کیاگیا کہ وہ پارلیمنٹ کی ایک کمیٹی تشکیل دیں جو اس سلسلے میں حکومت کے لیے سفارشات بھی تیار کرے تاکہ پاکستانی معاشرہ کو عریانیت اور فحاشی جیسی لعنتوں سے بچایا جاسکے۔ مگر اس سب کے باوجود ماہِ رواں ذولحج کے پہلے عشرہ میں ایک بار پھر کراچی کے ایک ہوٹل میں فیشن شو منعقد کیاگیا اور تقریباًتمام ٹی وی چینلز نے روزانہ کی بنیاد پر اس فیشن شو کو دکھایا بھی ۔بعض اخبارات نے تو اس فیشن شو میں شرکت کرنے والی ماڈلز کی نیم عریاں تصاویر بھی شائع کیں ۔اس سب کےباجود تمام حکومتی ذمہ دار خاموش تماشائی بنے رہے ۔حکومت سندھ نے کوئی ایکشن لیانہ ہی کراچی کی انتظامیہ اور پولیس کے کانوں پر جوں تک رینگی ۔گویا اسلامی تعلیمات اورپاکستان کے آئین اور قانون کوکوئی اہمیت دی گئی نہ ہی حال ہی میں قومی اسمبلی میں پاس کی گئی متفقہ قرار داد پر کوئی عمل درآمدہوا۔بے حیائی اور عریانیت پھیلانے والے ریاست اور حکومت بھی طاقت ور ہوکر سامنے آئے ۔اور طاقت ور بھی اتنے کہ اپنے دھندے کے لیے مقدس ترین دنوں کا چناؤ کرتے ہیں اورکوئی ذمہ دار کچھ کرنہیں سکتا۔افسوس کامقام ہے کہ ٹی وی سکرینز پر بے ہودگی دیکھنے کے باوجود کسی نے اس کی مزمت کی اور نہ ہی کوئی احتجاج ہوا۔میں پہلے لکھ چکاکہ میرے پیارے نبی صلی اللہ علیہ وسلم کا فرمان ہے کہ ہر دین کاایک مخصوص شعار ہوتاہے اور اسلام کا شعار"حیا" ہے ۔
ایک سوچی سمجھی سازش کے تحت ہماری اسلامی اقدار کو تباہ کیاجارہاہے اور ہماری نئی نسل کو ایسے رنگ میں رنگنے کی کوشش کی جارہی ہے کہ ہم بھی مغربی معاشرہ کی طرح جانوروں کی سی زندگی بسرکرناشروع کردیں جس میں حیانام کی کوئی شے باقی نہ بچے۔وہ زندگی جس میں حرام کے بچوں کی پیدائش ایسا معمول بن جائے کہ ان بچوں کو اپنےباپ کےنام تک پتانہ ہو اور ان کے جننے والیوں کو بھی معلوم نہ ہوکہ ان کے بچے کا باپ کون ہے ۔وہ زندگی جس میں بغیر شادی کےمرد اور عورت کا ساتھ رہنا رواج بن جائے اور شادی کرنا ایک ایک درد سر۔وہ زندگی جس میں ہم جنس پرستی یعنی عورت کا عورت اور مرد کا مرد کے ساتھ جنسی تعلق بنیادی حق کے طور پر تسلیم کیاجائے۔پاکستان میں ایک مخصوص طبقہ ایسی جانوروںوالی زندگی کو ترقی گردانتاہے ۔اس طبقہ خود کوئی حیاہے نہ شرم۔یہاں ایک بڑی تعداد ایسے افراد
کی بھی ہے جو پرائی عورتوں کو عریانیت اور فحاشی کےلیے معاشرہ کے سامنے پیش کرتے ہیں یا ان کو بڑے شوق سے دیکھنے کے لیےجاتے ہیں مگر اپنی ماؤں،بہنوں ،بیٹیوں اور بیویوں کے لیے پسند نہیں کرتے کہ وہ نیم برہنہ ہوکر دوسرے مردوں کے سامنے کیٹ واک کریں۔ایسے افراد یادرکھیں کہ اگر ان کی یہ بے حسی اس طرح جاری رہی تو کل ان کی بیٹی کیٹ واک کررہی ہوگی اور تماش بین دوسرے ہوں گے یہاں تو ہمارے درمیان ایک ایسا ’’کُپی گروپ‘‘ بھی ہے جو فحاشی کے خلاف آواز اٹھانے والوں کا مذاق اڑاتاہے اور عریانی کے دفاع میں ایسی بے شرمی پر اترآیاہے کہ کوٹھوں کی گندگی کو بھی بڑی عزت اور شان سے یاد کرتاہے۔

[*Xpert~Baba*]

اللہ رحم کرے اور اس خبیث دجل سے اللہ کی پناہ مانگیں سب کہ اب تمام حسیں مر چکی ہیں

دور جاہلیت دوبارا کئی گنا جدت کے ساتھ آچکا ہے

[tehseeninter]

لعنت ہو میڈیا پر پورے دن نیم برہنہ کیٹ واک دکھائی گئی ہے وہ بھی ہیڈ لائنز میں۔شرم آنی چاہیے میڈیا والوں کو اور ان لڑکیوں کے ماں باپ کو جو اپنی اولاد کو نیم برہنہ دیکھ کو خوش ہوتے ہیں۔

[ansar hussain]

yeh sub allah ki taraf se toufeeq milne ki bat he kuch logon ko allah ne is mahine main barkaat se nawaza aur shaitan ke chely apna kam karte rahe allah an ko hadayat de un ke leye dua hi kar sakte hain

[Saeed siyal]

Ye sub Qiyamat ki nishania hein. Dunia apne End ki taraf ja rhi hy.
Ub bus wait kro Dajal mardood k nikalne ka.
Mehdi (AS) k zahoor ka or Eisa(AS) k nazool ka.

[Sazub]

مجھے نہیں معلوم کہ یہ سب کب ہوا اور کس نے دکھایا "شکر الحمدُللہ"۔

[sdahmed]

Assalam wa alaikum
Bhaioo Yeh Bohot badi saazish islam dusmano ki, humari nasal tabah kar rahay hain, aur mosalmano ki haar jab hi hui hai jab masalmano ne kafiro ke saath mil kar islam se gadari ki, ajj phir wohi dur agaya hai, hum sub unki mann rahay hain chand paiso ki khatir. isi liye mere bhai humain apne amal durust karne honge aur porey ke porey allah ke bataye hue din par chalna hoga jo humare huzor sallaho alaiwasalam ne bataya, inshallah humari dunia bhi achi hogi aur Aakhirat bhi