سام سنگ نے گلیکسی گرینڈ اسمارٹ فون جاری کر

[loyal_cupid]

سام سنگ نے گلیکسی گرینڈ اسمارٹ فون جاری کر دیا





سام سنگ نے گلیکسی اسمارٹ فون سیریز کے سلسلے کو جاری رکھتے ہوئے بظاہر گلیکسی نوٹ2 اور خصوصیات میں گلیکسی ایس II سے ملتے جلتے گلیکسی گرینڈ کا اجراء کر دیا ہے اور یوں اپنی لائن-اپ میں ایک اور بڑی اسکرین کے فون کا اضافہ کیا ہے، پانچ انچ کا یہ اینڈرائیڈ اسمارٹ فون ظاہراً درمیانی رینج رکھنے والے صارفین کے لیے تیار کیا گیا ہے۔

سام سنگ گلیکسی گرینڈدو اقسام میں دستیاب ہوگا، ایک واحد سم آپشن والا، جبکہ دوسرا دو سموں کو سپورٹ کرے گا۔

9.6 ملی میٹر موٹائی اور 162 گرام وزن کے ساتھ گرینڈ 5 انچ کی ٹی ایف ٹی ایل سی ڈی اسکرین کا حامل ہے جو 400×800 ڈبلیو وی جی اے ریزولیوشن کے ساتھ ایک خوبصورت سفید وجود رکھتا ہے اور مارکیٹ میں موجود سام سنگ کےبیشتر اسمارٹ فونز کے جیسا ہی لگتا ہے۔

اندرونی طور پر یہ ڈیوائس 1.2 گیگاہرٹز کے ڈوئل کور پروسیسر کی حامل ہے جو اینڈرائیڈ 4.1.2 (جیلی بین) چلاتا ہے۔ اس کے ساتھ 1 جی بی ریم اور 8 جی بی کی انٹرنل میموری مع 64 جی بی تک کے مائیکروایس ڈی کارڈ کے لیے سلاٹ موجود ہیں۔

گلیکسی گرینڈ سامنے کے رخ پر 2 میگاپکسل کے کیمرے کا حامل ہے جو 720 پکسل وڈیو کالز سپورٹ کرتا ہے جبکہ پشت پر 8 میگا پکسل کا کیمرہ نصب ہے جو ایل ای ڈی فلیش اور زیرو شٹر-لیگ کے ساتھ ہے۔

کنیکٹیوٹی کے دیکھا جائے تو سام سنگ میں 2جی اور 3جی دونوں، وائی-فائی 802.11 b/g/n (2.4 گیگاہرٹز)، وائی فائی ایچ ٹی 40، یو ایس بی 2.0، بلوٹوتھ 4.0 +ایل ای، اے-جی پی ایس، گلوناس اور ڈی ایل این اے کی سہولت ہیں جبکہ بیٹری گنجائش 2,100 ایم اے ایچ ہے۔

دیگر خصوصیات میں اینڈرائیڈ 4.1.2 جیلی بین پر سام سنگ کا ٹچ وِز انٹرفیس بھی شامل ہے جس میں دیگر گلیکسی ماڈلز میں شامل عام خصوصیات موجود ہیں جیسا کہ ایس وائس، ملٹی ونڈو موڈ، ڈائریکٹ کال، آل شیئر پلے، اسمارٹ الرٹ، پاپ اپ پلے اور دیگر تمام سام سنگ ہبس۔

سام سنگ گلیکسی گرینڈ کی تکنیکی خصوصیات یہ ہیں

ڈوئل-سم: (ڈوئل-ایکٹو) آپشن
ڈسپلے: 5 انچ ڈبلیو وی جی اے ٹی ایف ٹی ٹچ اسکرین
آپریٹنگ سسٹم: اینڈرائیڈ 4.1 (جیلی بین)
پروسیسر: 1.2 گیگاہرٹز ڈوئل کور
ریم: 1جی بی
میموری: 8جی بی انٹرنل میموری، 64 جی بی تک کے مائیکروایس ڈی کارڈ کی سپورٹ
کیمرہ: پشت پر 8 میگاپکسل اور سامنے کے رخ پر 2 میگاپکسل کا کیمرہ
کنیکٹیوٹی: 3جی، 2جی، وائی-فائی، بلوٹوتھ 4.0، ایچ ڈی ایم آئی، اے-جی پی ایس، ڈی ایل این اے ایس وائس اور مائیکرویو ایس بی
بیٹری: 2100 ایم اے ایچ
متفرق: ڈائریکٹ کال، اسمارٹ الرٹ، پاپ اپ وڈیو اور آل شیئرپلے
سام سنگ اس فون کو دو اقسام میں پیش کرنے کا منصوبہ رکھتا ہے، ڈوئل سم I9082 اور واحد سم I9080 میں، لیکن ابھی تک اس کی قیمت اور دستیابی کی تاریخ کے حوالے سے کوئی معلومات نہیں ہے

[Muhammaduf]

Bohat Acha Review Diya Hai.

[phonemart]

very nice review, MasAllah, Aghar price achi hoi tu bohat hit ho ga yeh set Pakistan main